علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب زيفها وأصلها
بحب فيها طلعة الشمس تنور وشها
بحب فيها القمر طالع يغازل حسنها
بحب فيها المشي علي شط نيلها وبحرها
بحب فيها بناتها راسمين ملامح شعبها
دي بنت مايصة وحاطة وردة فى شعرها
ودي بنت جد ونازلة جري لشغلها
هتلاقي فين بلد فيها الكنايس والجوامع بتحضن بعضها
مسلم مسيحي إخوات راضعين طيبة من صدرها
نبع الحنان ويناموا حاضنين أرضها
هتلاقي فين تاني بلد كل حاجة فيها تخليك تحبها
هتقولي ظالمة هقولك برضو بحبها
هتقولي ضلمة مهو ده سواد شعرها
هتقولي زحمة هقولك علشان بنعشق أرضها
هتقولي فيها فساد هقولك ده من طيبة شعبها
جرب كده تسهر ولو وحدك علي ضف نيلها وحبها
جرب تشوف بنت حلوة مع شاب واقف جنبها
بيحبها شايل في قلبه هموم الدنيا كلها وبرضو بيحبها
جرب كده تاكل درة وترمس علي شطها
وتشوف وشوش الناس واضحك زيها
طب وانت ماشي لوحدك ووقعت في مشكلة
مش بتلاقي ألف واحد جنبك بيحلها
لا تعرفهم ولا يعرفوك بس جمعكم حبها
أهي هي دي مصر زحمة ظالمة فاسدة ضلمة مش مهم ده كفاية خفت دمها
هافضل لمصر أقول وأعيد أنا أصلى عاشق أرضها
وطبعا ده كله كلام في الهوا
أنا لو تجينى نص فرصة هقول لها
بالسلامه يا مصر
ومش عايز أشوف وشها
وهي دي بقى ندالة أهلها
بحبها بكدبها وصدقها
بحب فيها أصالة وندالة أهلها
بحب فيها السهر بحب زيفها وأصلها
بحب فيها طلعة الشمس تنور وشها
بحب فيها القمر طالع يغازل حسنها
بحب فيها المشي علي شط نيلها وبحرها
بحب فيها بناتها راسمين ملامح شعبها
دي بنت مايصة وحاطة وردة فى شعرها
ودي بنت جد ونازلة جري لشغلها
هتلاقي فين بلد فيها الكنايس والجوامع بتحضن بعضها
مسلم مسيحي إخوات راضعين طيبة من صدرها
نبع الحنان ويناموا حاضنين أرضها
هتلاقي فين تاني بلد كل حاجة فيها تخليك تحبها
هتقولي ظالمة هقولك برضو بحبها
هتقولي ضلمة مهو ده سواد شعرها
هتقولي زحمة هقولك علشان بنعشق أرضها
هتقولي فيها فساد هقولك ده من طيبة شعبها
جرب كده تسهر ولو وحدك علي ضف نيلها وحبها
جرب تشوف بنت حلوة مع شاب واقف جنبها
بيحبها شايل في قلبه هموم الدنيا كلها وبرضو بيحبها
جرب كده تاكل درة وترمس علي شطها
وتشوف وشوش الناس واضحك زيها
طب وانت ماشي لوحدك ووقعت في مشكلة
مش بتلاقي ألف واحد جنبك بيحلها
لا تعرفهم ولا يعرفوك بس جمعكم حبها
أهي هي دي مصر زحمة ظالمة فاسدة ضلمة مش مهم ده كفاية خفت دمها
هافضل لمصر أقول وأعيد أنا أصلى عاشق أرضها
وطبعا ده كله كلام في الهوا
أنا لو تجينى نص فرصة هقول لها
بالسلامه يا مصر
ومش عايز أشوف وشها
وهي دي بقى ندالة أهلها
