انا ذنبى ايه ليه تقتلونى؟ ليه تدبحونى وكمان ترمونى؟
ده انا عشت اجمل حكاية بينك وبينها من البداية
ليه تنهوا الحب بالفراق ليه تنهوا الفرح بالبكاء
انا ذنبى ايه ليه تقتلونى؟ ليه تدبحونى وكمان ترمونى؟
عشت معاكم اجمل أيام مليانه بحب وشوق وحنان
عشت معاكم اجمل ليالى كلها فرح وشوق وامانى
انا ذنبى ايه ليه تقتلونى؟ ليه تدبحونى وكمان ترمونى؟
فاكر لما شافيفك نطقت بحبها وانا كنت فى ايدك وقدمتنى لها
فاكر لما ايديك حضنت اديها وان كنت بينكم عينى فى عنيها
انا ذنبى ايه ليه تقتلونى؟ ليه تدبحونى وكمان ترمونى؟
عشت فى كتابها ليالى طويلة وشوفت عنيها كل يوم وليلة
سمعت كلامها وهى بتهمس بأسمك وبصوت عالى بتقول بحبك
انا ذنبى ايه ليه تقتلونى؟ ليه تدبحونى وكمان ترمونى؟
يوم الوداع انا كنت خايفة مسكتنى جامد وقالت لى شايفة
روتنى بدموعها وهى بتنادى وتقول ياريت تعدى الليلة دى
انا ذنبى ايه ليه تقتلونى؟ ليه تدبحونى وكمان ترمونى؟
حسيت ببرد ورعشة ورطوبة ولقيت جنبى دبلة خطوبة
سمعت صوت رنة كبير ولقيت فوقى دموع كتير
انا ذنبى ايه ليه تقتلونى؟ ليه تدبحونى وكمان ترمونى؟
فجاة وسقطت عالرمال وسمعت بعدها صوت اقدام
ولقيت الموج حواليه بياخدنى للبحر من غير ما حد يقودنى
عرفت وقتها ان ده الفراق وانى حموت زى الاوراق
رضيت بالوضع والحال وكتبت عالرمل سؤال
انا ذنبى ايه ليه تقتلونى؟ ليه تدبحونى وكمان ترمونى؟[/size]