المنتدى الرسمى لمحبى عماد متعب


https://i.servimg.com/u/f20/09/00/19/15/welcom10.jpg
عوده رائعه مع المتألقه *جولدين جيرل* في حوار مطول وصريح ..الحق نسختك @ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا عوده رائعه مع المتألقه *جولدين جيرل* في حوار مطول وصريح ..الحق نسختك @ 829894
ادارة المنتدي عوده رائعه مع المتألقه *جولدين جيرل* في حوار مطول وصريح ..الحق نسختك @ 103798

انضم إلى المنتدى ، فالأمر سريع وسهل

المنتدى الرسمى لمحبى عماد متعب


https://i.servimg.com/u/f20/09/00/19/15/welcom10.jpg
عوده رائعه مع المتألقه *جولدين جيرل* في حوار مطول وصريح ..الحق نسختك @ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا عوده رائعه مع المتألقه *جولدين جيرل* في حوار مطول وصريح ..الحق نسختك @ 829894
ادارة المنتدي عوده رائعه مع المتألقه *جولدين جيرل* في حوار مطول وصريح ..الحق نسختك @ 103798

المنتدى الرسمى لمحبى عماد متعب

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المنتدى الرسمى لمحبى عماد متعب

أول منتدى خاص بالنجم عماد متعب على شبكة الإنترنت www.Emadmet3b.fr-bb.com


+17
allam afc
mannon2
sweet cat
عاشقة متعوبتى
هالة متعب
عاشقة الاهلى الحمر
lola ssaa 2008
THE GAME
SeniOr <3 N
!!**MeReNDa**!!
llolastar
Dangerous.Girl
mystry girl
Admin
qweenstar
2okosh
سندباد الشرق
21 مشترك

    عوده رائعه مع المتألقه *جولدين جيرل* في حوار مطول وصريح ..الحق نسختك @

    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 1

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:34 am

    بسم الله الرحمن الرحيم



    بسيطة ورقيقه في كل شيئ في مظهرها وتعاملها مع الناس من حولها وردودها وأراءها الجاده والجرئيه , متواضعها حبها الناس ومن خجولها كشفت الاسرار

    هي طبعا الاميره زي ما اتقال عليها * اميره المنتدي* المراقبه المتميزه اية
    الشهيره بي ( golden girl)




    HE$H@M OsaMa: اهلا بيكي يا اية في حلقه جديده من الحوارت الجرئيه والجميله
    golden girl: اهلا بيك يا هشام
    HE$H@M OsaMa: انتي النهاردة بقي ضيفه لكن صاحبه بيت وانا ليا الشرف اني انا اللي اعمل الحوار الجميل دا ان شاء الله معاكي
    golden girl: ربنا يخليك يارب ده انا الشرف ليا طبعا اني اكون ضيفه مع اعلامي كبير زيك
    HE$H@M OsaMa: بلاش كلمه اعلامي كبير دي عشان مضربكيش بقي
    golden girl: هههههههههههههههه من اولها كده
    golden girl: لا خلاص سماح المره دي
    golden girl:
    HE$H@M OsaMa: يارت تقدمي بطاقتك الشخصيه وكل بيانات لأعضاء منتدينا الكرام
    golden girl: ماشي
    golden girl: انا اسمي أيه.. عندي 18 سنه تقريبا.. من محافظة الغربيه.. الفرقه الاولي كلية الهندسه جامعه طنطا
    HE$H@M OsaMa: عملتي اية في اول سنه ليكي جامعه واحساسك وانتي داخله الكليه في اول يوم كان ازي
    golden girl: لا هو عملت ايه ده فانا عملت بلاوي السنه دي
    HE$H@M OsaMa: قولي قولي
    golden girl: بجد كنت مستهتره اوي وواخدها لعب مش بذاكر غير ف اخر اسوبع قبل الامتحانات ممكن ادخل الامتحان بنص المنهج بس
    golden girl: والباقي ع ربنا واطلع بعد نص الوقت من اللجنه
    golden girl: طول السنه بقي نادر جدا لما كنت بحضر محاضرات
    HE$H@M OsaMa: هههههههههههه يا خبر
    golden girl: ههههههههههههه
    HE$H@M OsaMa: زي حالتي يعني
    HE$H@M OsaMa:
    golden girl:
    golden girl: ايه ده انت كمان كده طب تمام مش انا لوحدي
    golden girl:
    HE$H@M OsaMa: لا اطمني معظم الناس كدا اساسا
    golden girl: ههههههههههههه
    HE$H@M OsaMa: طب قوليلي يا اية اصعب فتره مرت عليكي في اول سنه كليه كانت اية او اية اكبر مشكله قبلتيها وانتي طالبه جامعيه
    golden girl: اصعب فتره مرت عليا هي كانت من بداية اجازة الترم
    golden girl: يعني هو من بدايه الترم التاني خاصة فيه حاجات كتير حصلت وحاجات كتير اتغيرت
    golden girl: قابلت مشاكل كتير سواء كانت شخصيه او لاصحابي
    HE$H@M OsaMa: اه
    golden girl: وطبعا تعبت اوي الفتره دي وماكنتش بقول لحد عادي زي مانا
    golden girl: بضحك واهزر وكله تمام لكن كان جوايا حزن كبير
    HE$H@M OsaMa: الانسان في اوقات كتير بيبقي جواه حزن كبير لكن مش بيحب يظهره قدام الناس في تعاملته فعلا
    HE$H@M OsaMa: عملتي اية في النتيجه السنه دي صحيح ؟
    golden girl: ههههههههههه ايه الاحراج ده
    HE$H@M OsaMa: هههههههههه
    golden girl: الترم التاني لسه كمان كام يوم كده
    HE$H@M OsaMa: مش لازم نطمن جماهيرك العريضه في المنتدي عليكي برضه
    golden girl: ههههههههههههههههه
    golden girl: لا يتطمنوا يتطمنوا ياما مقبول ياما طالعه بمواد
    golden girl:
    HE$H@M OsaMa: هههههههههه
    HE$H@M OsaMa: ربنا يستر بقي
    golden girl: ياااااااااااااااارب
    HE$H@M OsaMa: ان شاء الله خير متقلقيش ربنا كبير
    golden girl: يا مسهل دعواتكوا معايا بس
    HE$H@M OsaMa: مين هي اية اللي الناس متعرفهاش ؟
    golden girl: اه دخلنا ع الاسئله الجامده بقي
    HE$H@M OsaMa: ههههههههه
    HE$H@M OsaMa: ولا جامده ولا حاجة
    golden girl: ههههههههه
    golden girl: ربنا يستر
    golden girl: هي شخصية أيه بتبان حسب الموقف اللي بتتعرض ليه
    golden girl: يمكن مش ظهرت كامله ف المنتدي لاني عادة بتعرض لنفس المواقف
    golden girl: اللي يقدر يحكم ع شخصيتي الي حد ما الناس بس اللي اتعاملت معايا لفتره
    golden girl: انما فيه حاجات كتير الي الان ماحدش يعرفها ف شخصيتي
    golden girl: مش عشان انا بحاول اخبيها بس نقدر نقول مش حصل موقف محدد يبين الجزء الغامض من شخصيتي
    golden girl: وانا عادة بحب اكون غامضه الي حد ما
    HE$H@M OsaMa: يعني اقدر اقول ان اية المعروفه *بجولدين جيرل* في المنتدي غير اية طالبه كليه الهندسه في الحقيقه صح ؟
    golden girl: تمام
    golden girl: هو فيه اختلاف طبعا بس مش كبير زي مانت متخيل
    golden girl: بس أية ف الكليه بتظهر بشخصيتها بكل جوانبها
    golden girl: انما ف المنتدي جانب واحد اللي بيظهر بس
    HE$H@M OsaMa: تمام
    HE$H@M OsaMa: مين اكتر شخصيه اثرت عليكي في حياتك كلها ؟
    golden girl: هو انا ف حياتي مبدأ دياما بؤمن بيه وماشيه عليه ان اي شخصية انا اتعاملت معاها مهما كانت لازم بتعلم منها
    golden girl: الشخصيه اللي اقدر اقول انها اثرت فعليا ف حياتي وكان ليها دور
    golden girl: هو استاذ العربي بتاعي ف الثانويه العامه
    golden girl: بجد كان شخصيه جميله جدا واتعلمت منه حاجات كتير اوي علمني ازاي اؤمن بالمبدأ واطبقه
    golden girl: مهما كانت المشاكل اللي هتقابلني
    HE$H@M OsaMa: طيب زي ما سألت عن اكتر حد اثر في شخصيتك , هسألك السؤل كام مره اية اتخدعت في شخص وازي اتصرفتي من بعد ما كشفتي الحقيقه؟
    golden girl: اه بالنسبه لموضوع اني اتخدعت ف اشخاص
    golden girl: هو فعلا الموضوع ده حصل اكتر من مره
    golden girl: بس هم مرتين بجد نقدر نقول غيروني شويه
    golden girl: وعرفوني حاجات انا ماكنتش اعرفها وبدات اتعلم ازاي اتعامل مع الناس
    golden girl: وده كان لسه ف بداية تكوين شخصيتي
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 2

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:35 am

    HE$H@M OsaMa: طب ازي تقدري تتجني خداعك في الاشخاص خصوصا انك جربتي المشكله دي اكتر من مره كمان ؟
    golden girl: حاليا انا مش اي شخص يقدر يكسب ثقتي بسهوله
    golden girl: وكان من ضمن اللي اتعلمته ازاي اقدر احلل شخصية اللي قدامي
    golden girl: واتأكد ان تحليلي صح وانا عادة بحب الموضوع ده جدا اللي هو تحليل الشخصيات وقريت فيه الي حد ما
    golden girl: عشان كده دلوقت قبل ما اتعامل مع اي شخص بحدد شخصيته واحدد طريقه تعاملي معاه
    HE$H@M OsaMa: بجد والله دي حاجة جميله اووي
    HE$H@M OsaMa: علي كدا انتي اكيد حللتي كل حاجة فيا هههههههههههههه دا انا قاعد مع محلله نفسيه بقي مش مهندسه
    golden girl: ههههههههههههههههههههههه
    golden girl: لا مش فيك لوحدك
    golden girl: المنتدي كله انا محلله شخصيته
    golden girl: ههههههههههههه
    HE$H@M OsaMa: ههههههه يا جماعه بجد كل واحد يخاف علي نفسه اية طلعت حاجة تانيه خالص
    golden girl: هههههههههههههههههههههههههههه
    golden girl: لا لا والله ده انا اليقه جدا
    golden girl:
    HE$H@M OsaMa: ماشي يا ستي
    HE$H@M OsaMa: تقدري تفتكري ايام طفولتك ولا نستيها ؟
    golden girl: لا طبعا فاكرها هي دي حاجه تتنسي دي اجمل ايام الواحد بيعيشها
    HE$H@M OsaMa: لية هي اجمل ايام الانسان بيعيشها ؟
    golden girl: عشان مش بيقي فاهم حاجه والا الدنيا ماشيه ازاي ولا الناس عاملين ازاي مش بيفكر ف بكره ومش بيفكر ممكن ايه يحصله بكره
    golden girl: بيبقي ع الفطره وجواه البراءه
    HE$H@M OsaMa: فعلا
    HE$H@M OsaMa: طب اية الفرق بين اية الطفله واية الانسه دلوقتي , وانتي بتحبي مين فيهم اكتر ؟
    golden girl: صعب اوي يا هشام المقارنه بينهم تكاد تكون مستحيله
    golden girl: انا اتغيرت جدااااااا ع فكره
    golden girl: ماكنتش بالشخصيه دي ولا بالطريقه دي خالص وانا صغيره
    golden girl: نقدر نقول بجد انا كنت واحده تانيه
    HE$H@M OsaMa: يعني اقدر اقول خلاصتك ان ايام طفولتك ايام السعاده كلها انما ايام الشباب هي ايام الدنيا ومشغلها ؟
    golden girl: اها
    golden girl: بس برده انا ف ايام الشباب سعيده جدا الحمد لله
    golden girl: بس بطريقه مختلفه وبفكر مختلف
    golden girl: لان سعادة الطفوله تختلف تماما عن سعادة الشباب
    HE$H@M OsaMa: فعلا
    HE$H@M OsaMa: طب تقدري توصفيلي اية في اقل عدد من الكلمات ؟
    golden girl: اوك هحاول ع قد ماقدر هاقول السلبيات والايجابيات بس ف كلمات مختصره
    HE$H@M OsaMa: يارت
    HE$H@M OsaMa: ؟
    golden girl: أية شخصيه عصبيه.. ف الشغل مابتعرفش تهزر.. حساسه جدا جدا.. اجتماعيه.. جريئه ..
    golden girl: واكتر حاجه بتخاف عليها قلبها
    golden girl: دي الخلاصه هو طبعا فيه كلام اكتر من كده بس نقدر نقول ان ده الاساس
    HE$H@M OsaMa: كويس اووي
    HE$H@M OsaMa: وبما انك جرئيه بقي , اية بتعيش حاله حب حاليا ؟
    golden girl: هههههههههههههههههههههههههههههههههه
    HE$H@M OsaMa: هههههههه
    HE$H@M OsaMa: بتضحكي علي اة
    HE$H@M OsaMa: اية ؟
    golden girl: تعرف ان من وقت ما دخلنا الحوار وانا اكتر حاجه خايفه منها السؤال ده
    HE$H@M OsaMa: اشمعني يعني ؟
    golden girl: لان الموضوع مش ببساطه اني اجاوب اه او لا
    golden girl: وبيتهيالي لو شرحت مش كتير هايفهمني او هايحس جوايا ايه
    golden girl: الموضوع ملخبط جوايا انا شخصيا
    HE$H@M OsaMa: بس انا سؤلي محدد لعلمك , هل اية تعيش حاله حب حاليا ؟
    golden girl: بص هو انا حاليا ماقدرش احكم ع احساسي
    golden girl: وصدقني ماقدرش اقولك اه او لا
    golden girl: اول حاجه لازم اتاكد من احساس الشخص ده واكيد تكون المبادره منه
    golden girl: لاني مهما حصل عمري ما انا اللي هروح ابدا
    HE$H@M OsaMa: يعني هو ارتباط عاطفي بشخص ما وخلاص انما مفيش حب , دا اللي عايزه توصليه ولا اية بالظبط ؟
    golden girl: الي حد ما
    HE$H@M OsaMa: تقدري تقوليلي اية اللي عجبك في الشخص دا عشان تتشدي له , واية هي مواصفات فتي احلامك فعلا ؟
    golden girl: هو بجد شخصيه جميله جدا ومحترم اوي وعاقل بيعجبني فيه اوي تفكيره
    golden girl: بس بالنسبه لمواصفات فتي احلامي هو اه كان زمان ممكن اقولك انا احب انه يكون كذا وكذا
    golden girl: انما دلوقت لا
    HE$H@M OsaMa: عشان شوفتي مواصفاتك في الشخص اللي بتحبيه خلاص ولا اية؟
    golden girl: لا مش عشان كده
    golden girl: عشان انا مؤمنه بان مهما تخيلت ومهما حطيت مواصفات للشخص اللي بتمناه هو ربنا كاتبلي شخص معين
    golden girl: وكمان اما احب حد مش هاحبه عشان هو فيه صفات اللي انا محددها
    golden girl: اللي هي اجيب ورقه وقلم واكتب واحد اتنين تلاته واروح ادور
    HE$H@M OsaMa: اه
    golden girl: ولو لقيت يبقي اه ده اللي احبه
    golden girl: لا الموضوع مش كده
    golden girl: الموضوع ان تعجبك صفات شخص معين وهي دي اللي تتمني انها تكون موجود ف شريك حياتك
    golden girl: وبيدا الموضوع من النقطه دي
    HE$H@M OsaMa: تمام
    HE$H@M OsaMa: الشخص اللي بتحبيه دا بقي زميل دراسه ولا جارك ولا حد من المنتدي ؟
    golden girl: وليه الاحراج يعني
    golden girl: ها ليه الاحراج
    golden girl: حابب تحرجني وخلاص انت
    golden girl: ايه الناس جي
    golden girl: دي
    HE$H@M OsaMa: لا مش احراج ولا حاجة بس للمعرفه
    HE$H@M OsaMa: ههههههههههههه
    golden girl: ههههههههههههههههه
    golden girl: معرفة ايه بس يا هشام
    golden girl: يلا يلا ادخل ع اللي بعده
    golden girl:
    HE$H@M OsaMa: لا جاوبي علي دا الاول ونكمل بقي عشان احنا طولنا اووي في الجزء دا وانا مكنت متخيل اني هطول فيه كدا
    golden girl: بص هو زميلي بس مش قدي حلو كده
    golden girl: يلا كفايا اوي كده ع الجزء ده
    HE$H@M OsaMa: اكبر منك بكام سنه
    golden girl: 100
    golden girl: هههههههههههههههههههه
    HE$H@M OsaMa: ههههههههه
    HE$H@M OsaMa: طيب انا من صفاتي لعلمك محبش احرج حد كتير طالما هو رافض الحكايه دي
    golden girl: لا ماهو واضح
    HE$H@M OsaMa: بس اقدر اقول الخلاصه ان اية حاليا مرتبطه بشخص جدا وهو زميل كليه واكبر منها
    golden girl:
    HE$H@M OsaMa: صح كدا
    golden girl: هههههههههههههههههههههههه
    golden girl: يلا ايه السؤال اللي بعده
    HE$H@M OsaMa: هههههههه
    HE$H@M OsaMa: طب قبل ما نطلع من الجزء دا
    HE$H@M OsaMa: اية رأيك في حب عن طريق النت حاليا ؟
    golden girl: ايه يا هشام فيه ايه حد مسلطك عليا يابني
    golden girl:
    HE$H@M OsaMa: انتي نجمه ولازم المعك
    HE$H@M OsaMa: ههههههههههههه
    golden girl: هههههههههههههههههه لا نجمه بلا بتاع
    golden girl: انا هاعتزل ايه الليله اللي مش هتفوت دي
    HE$H@M OsaMa: طب كملي بقي انتي شايفه ان الحب عن طريق النت والمحادثه ممكن يبقي فعلا جاد , زي ما الصداقه ممكن تتحول من منتدي او شات الي صداقه فعلا ودي حقيقه قدمنا ؟
    golden girl: لا اعترض
    golden girl: مين قال انها صداقه حقيقه
    golden girl: مهما كنت بحب الشخص اللي بكلمه ومعتبراه زي اخويا وبثق فيه وبحكيله
    golden girl: عمر ما هايكون زي شخص انا بشوفه ويشوفني واحكيله ويحكيلي
    golden girl: اذا ف الصداقه او الحب ع النت يفقد اهم شئ
    golden girl: يبقي ماينفعش اننا نقول انها حقيقه
    golden girl: هي ممكن تكون موجوده بس تفقتد جزء هام جدا
    golden girl: يمنع دخولها منطق الحقيقه
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 3

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:37 am

    HE$H@M OsaMa: لا ممكن تكون صداقه فعلا حقيقه وتبقي من اعز الاصحاب كمان وبحكم المعامله معاه واني قبلت الشخص دا كتير جدا وديما علي اتصال ببعض فا اعتقد دي تبقي صداقه نجاحه جدا وخصوصا لو اتصدمت ان الشخص دا بقي اقرب الاشخاص ليك دون اصحابك بتوع زمان
    HE$H@M OsaMa: ولا اية رايك
    golden girl: اوك الكلام اللي بتقوله تمام
    golden girl: بس لو ايه انت قابلت الشخص ده
    golden girl: واتعاملت معاه واحتكيت بيه ف كذا موقف
    HE$H@M OsaMa: اه دا اللي انا اقصده
    golden girl: انما نت فقط او اتصال فيط
    golden girl: اه كده تمام
    golden girl: البدايه من ع النت ممكن اوي ليه لا
    golden girl: بس ماتكونش بدايه ونهايه ع النت
    HE$H@M OsaMa: طب هل الحب ممكن يطبق بنفس نظريه الصداقه دي عن طريق النت برضه ؟
    golden girl: الي حد ما
    golden girl: بس اكيد بيكون فيه اختلاف طبعا
    HE$H@M OsaMa: تمام ط
    HE$H@M OsaMa: كدا
    golden girl: لان مفهوم الحب اللي بين الرجل والمره يختلف تماما عن مفهوم الصداقه
    golden girl: المرا*
    HE$H@M OsaMa: نخرج بقي من الموضوع دا
    HE$H@M OsaMa: ولا تحبي تكملي
    HE$H@M OsaMa: هههههههههههه
    golden girl: هههههههههههههههه
    golden girl: لا يلا ع اللي بعده كفايا اوي كلام عن الحب
    HE$H@M OsaMa: تمام
    HE$H@M OsaMa: اية هي اكتر اكله انتي بتحبيها ؟
    golden girl: السمك عشان بينمي الذكاء
    HE$H@M OsaMa: ههههههههههههههههه هندسه بقي
    HE$H@M OsaMa: عشان كدا
    HE$H@M OsaMa: طب وعلي كدا بتعرفي تطبخي ولا لا ؟
    BUZZ!!!
    golden girl: طبعاااااااااااااااااااااااااا
    golden girl: هو اساسا ف الاجازة ماحدش بيطبخ غيري
    HE$H@M OsaMa: هههههههه علي كدا انتي بقي هتبقي عروسه لقطه في زمنا دا
    golden girl: ههههههههههههههههههههههههههه
    golden girl: ربنا يخليك يارب
    HE$H@M OsaMa: اية هي مواهبك او هوياتك ؟
    golden girl: بص هو انا بحب الموسيقي جدااا وبعزف بيانو
    golden girl: وكمان بعشق الرسم وبصمم ازياء هي مش اوي يعني بس علي قدي
    HE$H@M OsaMa: دا انتي فنانه كبيره بقي
    golden girl: كمان بحب اكتب مقالات وخواطر واشعار
    HE$H@M OsaMa: بسم الله مشاء الله يعني
    golden girl: وكان فيه مشروع قصه بس مش كمل كتبت منها فصلين بس
    HE$H@M OsaMa: طب لية متنزليش الفصلين بتوع القصه دول في المنتدي عشان الناس تتعمل وتتفرج برضه ؟
    golden girl: لا هايكون صعب اني انزل فصلين من غير بقية القصه
    golden girl: وانا حاليا مش بكتب فيها ولا حتي بفكر ف صياغتها
    HE$H@M OsaMa: اه
    golden girl: لقيت ان من الافضل اكتب بس مقالات وخواطر
    HE$H@M OsaMa: ودي مواهبه مش سهله لعلمك برضه
    golden girl: ع فكره بجد انا ماقدرش اقول ع نفسي موهوبه
    golden girl: لان لسه مش خدت الوقت الكافي لكده
    golden girl: كتير مننا ف فتره المراهقه بيكتوا وبيشعروا وبيقولوا احلي الكلام
    golden girl: بس بانتهاء الفتره دي المعظم بينسي الموضوع ده ويتجه لاتجاه اخر
    HE$H@M OsaMa: فعلا دي في اوقات كتير
    HE$H@M OsaMa: مين اكتر ممثل وممثله بتحبيهم ومطرب ومطربه ؟
    golden girl: انا بموت ف احمد حلمي
    golden girl: وبرده بحب مني ذكي اوي
    golden girl: مطرب طبعا عمرو بدون منازع
    golden girl: مطربه بعشق صوت واحساس شيرين وبحب جنات بحس انها لذيذه
    HE$H@M OsaMa: حلو اووي
    HE$H@M OsaMa: ههههههه بتحبي جنات فعلا ولا مجامله فيا
    golden girl: ههههههههههههههههه لا فعلا
    HE$H@M OsaMa: ماشي يا فنانه
    golden girl:
    HE$H@M OsaMa: اكتر فيلم بتحبيه ؟
    golden girl: ظرف طارق
    golden girl:
    HE$H@M OsaMa: لونك المفضل اية ؟
    golden girl: انا عادة عشان بحب الرسم بحب كل الالوان بس ف الغالب بتكون الالوان الهاديه
    HE$H@M OsaMa: حلو اووي
    HE$H@M OsaMa: تقدري تقوليلي اية هي احلامك الشخصيه ؟
    golden girl: هو اول حلم بجد بتمناه ان ربنا يكون راضي عني ويوفقني ف حياتي
    golden girl: بحلم اني اكون من الشخص اللي احبه ويحبني واكون اسرة سعيده
    golden girl: اعلم ولادي الاخلاق والمبادئ اللي للاسف ضاعت اليومين دول
    HE$H@M OsaMa: ربنا يارب يحقللك امنياتك كلها علي خير
    golden girl: ميرسي يا هشام ربنا يخليك
    HE$H@M OsaMa: بتقضي يومك عاده ازي ؟
    golden girl: ف الاجازة والا ف الدراسه
    HE$H@M OsaMa: حاليا في الاجازه
    golden girl: ملل جدااااااااا فوق ما اي حد يتخيل
    golden girl: بصحي من النوم اعمل الاكل واشوف شغل البيت
    golden girl: وبعدين طول النهار نت
    golden girl: ممكن انزل ف ايام مع اصحابي بس مش كتير
    golden girl: وحاليا بدات دورة icdl
    golden girl: شغلتني شويه بس برده نفس الروتين ماشي
    HE$H@M OsaMa: تمام اووي
    HE$H@M OsaMa: ربنا يوقيكي علي شغل البيت بالتحديد
    HE$H@M OsaMa: ههههههههه
    golden girl: ههههههههههههههههههههههه
    golden girl: يارب ياخويا يارب
    HE$H@M OsaMa: ندخل بقي شوية كدا بسرعه علي المنتدي واحوله وكل حاجة فيه
    HE$H@M OsaMa: ولا نكتفي بكدا
    golden girl: لا عادي زي ما تحب
    HE$H@M OsaMa: طب تمام
    HE$H@M OsaMa: اية رايك بتلقيبك *بأميره المنتدي* ؟
    golden girl: لا لا طبعا ماينفعش
    golden girl: ده كتير عليا اوي
    golden girl: انا ماعملتش ربع اللي يخليني اخد اللقب ده
    HE$H@M OsaMa: دا مش كلامي لعلمك
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 4

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:37 am

    HE$H@M OsaMa: دا كلام كل الناس اللي في المنتدي وكل اللي اتعامله معاكي
    golden girl: ربنا يخليهم يارب ويخليك
    golden girl: بس بجد ده كتير عليا
    HE$H@M OsaMa: ولا كتير ولا حاجة يا اية انتي شخصيه جميله ومتحرمه وتستهلي كل خير
    golden girl: ربنا يخليك يارب ميرسي ع زوقك
    HE$H@M OsaMa: طب اية رأيك في مقارنتك بالعضوه والمشرفه والمراقبه الجميله الغائبه الحاضره معانا *سما عاشقه عبدالوهاب* ؟
    golden girl: بص هو سما انا مش اتعاملت معاها شخصيا بس بجد والله انا من اول ما دخلت المنتدي
    golden girl: من اوائل الناس اللس لفتوا نظري سما
    golden girl: حبيتها جدا جدا شخصيه محترمه اوي ولذيذه وطيبه
    golden girl: وبقولها ربنا يوفقك يارب ونفسي بجد ترجعي المنتدي تاني تنوريه
    HE$H@M OsaMa: بس اية رايك في ان ناس كتير شبهتك بيها في الفترة الاخيره بحبها للناس والناس بتحبها وخوفها علي المنتدي وروحك الجميله وفي نفس الوقت اول قسم علي ما اعتقد مسكتيه كان قسم الفضفضه اللي سما صاحبه فكرته في الاول ؟
    golden girl: انا شبهوني بسما
    golden girl: ده شرف كبير ليا طبعا
    golden girl: ومافيش مقارنه بينا اصلا
    golden girl: كده هنبقي بنظلم سما
    golden girl: سما علم من الاعلام الهامه ف المنتدي
    golden girl: اللي ماحدش يقدر ينساها او ينكر مجهودها العظيم في المنتدي
    HE$H@M OsaMa: اكيد طبعا
    HE$H@M OsaMa: بدايتك كانت ازي في المنتدي ؟
    golden girl: هو انا اول ما دخلت النت كنت بدور ع صور لعماد عشان بجد بحب عماد اووووي
    golden girl: لقيت المنتدي مكتوب اسمه ع صورة
    golden girl: حاولت اسجل كذا مره مش نفع وبعدين بالصدفه دخلت
    golden girl: وبدات اتفاعل ف المنتدي وصلت تقريبا 177 بوست
    golden girl: وسبت المنتدي لمده 3 شهور تقريبا
    golden girl: بعدها رجعت تاني كان قبل امتحانات الثانويه بتاعتي بشويه
    golden girl: وبدات اشتغل من جديد واتعرف ع ناس
    golden girl: بس
    HE$H@M OsaMa: اول ناس عرفتيهم في المنتدي كانو مين
    golden girl: اول شخص اتعرفت عليه احمد الدلجموني
    golden girl: وكانت بالصدفه التامه وطلعنا كمان من نفس البلد
    HE$H@M OsaMa: حلو اووي
    HE$H@M OsaMa: مين اقرب الناس ليكي حاليا من المنتدي
    HE$H@M OsaMa: ؟
    golden girl: كتيررررر جدا
    golden girl: المنتدي كله اصحابي وحبايبي
    HE$H@M OsaMa: اه طبعا
    HE$H@M OsaMa: بس اكيد في اشخاص كدا قرايبين منك وتحسي انهم منك فعلا
    HE$H@M OsaMa: تقدري تقولي مين هما ؟
    golden girl: محمد الادمن
    golden girl: ومنون والدلجموني
    golden girl: وهشام وعلام وبلال
    golden girl: وخالد وبوسي
    golden girl: ومحمود موتعب وايمو
    golden girl: وميدو ستار
    HE$H@M OsaMa: هههههههههههههههههه انتي هتقولي المنتدي كله بقي
    golden girl: هههههههههههههههههههههههه
    golden girl: مانا قولتلك من الاول كله
    HE$H@M OsaMa: طب ما تاخدي الاسامي كوبي اسهل
    golden girl:
    golden girl: ههههههههههههههههههههههه
    HE$H@M OsaMa: طيب يا ستي ربنا يزيد المعروف بنكم كلكم ان شاء الله
    golden girl: ياااااااارب
    HE$H@M OsaMa: قوليلي بقي اية رايك في وضع المنتدي حالي من غير ما نقارن بأيام زمان في المنتدي لانها كانت احلي ايام ؟
    golden girl: هي ايام زمان كانت ايام جامده طبعا
    golden girl: بس مش معني كده ان دلوقت المنتدي او الاعضاء مش جامدين
    golden girl: بالعكس
    golden girl: انا شايفه ان كل فتره وليها مذاقها الخاص
    golden girl: يعني مين كان السبب مثلا ان ايام زمان نقول عليها احلي ايام
    golden girl: الاعضاء
    golden girl: ماهم هم موجودين وزاد عليهم
    golden girl: هتقولي فيه ناس مش بتدخل هاقولك اه فيه
    golden girl: بس الدلجموني موجود وهشام وبلال وعلام ومنه
    golden girl: واوكش دلوقت بقي يدخل
    golden girl: وناس كتير برده
    golden girl: طيب يبقي ايه التغيير
    golden girl: مش كبير زي الناس ما هي متخيله
    golden girl: هو الفرق اللي محسسنا بكده بس ان معظم المنتدي حاليا
    golden girl: سنهم صغير
    golden girl: فتحس ان فيه فجوة الي حد ما بين الكبار اللي هم الاعضاء القدامي
    golden girl: والاعضاء الموجودين حاليا اللي هم سنهم صغير الي حد ما
    golden girl: ده غير ان المنتدي محتاج شويه تنظيم اكتر واهتمام اكتر
    golden girl: هو ده الفرق اللي بتتكلموا عنه
    HE$H@M OsaMa: طب اية رأيك في الاشراف والمراقبه والاداره عموما في اخطاء ولا لا ؟
    golden girl: هو اي نظام موجود ف العالم اكيد بيكون فيه نسبه خطأ
    golden girl: انا مش هاقولك ان كله تمام وزي الفل
    golden girl: لا فيه اخطاء واحنا عارفين كده بس ع قد ما نقدر بنحاول نصلح
    golden girl: وباذن الله الفتره الجايه هتكون افضل ومختلفه ان شاء الله
    HE$H@M OsaMa: طب نسبه الخطأ دي انتي شايفها كام في الميه ؟
    golden girl: 25% تقريبا
    HE$H@M OsaMa: طيب ودي مش نسبه كبيره شوية ولا انتي شايفه اية ؟
    golden girl: هو مش بنكر انها كبيره بس مش بالحجم اللي الناس متصوراه
    golden girl: وبعدين احنا كل فتره بنعمل تعديلات
    golden girl: وباذن الله الفتره الجايه هايكون فيه تعديلات كتير ف صالح المنتدي باذن الله
    HE$H@M OsaMa: بس في اعضاء كتير بيشتكو من سوء المعامله والاداره في المنتدي وتعين المشرفيين وفي ناس تستحق اكتر انها تتعين من زمان دا اللي بيدور في دماغ ناس كتير وقالو عليه ؟
    golden girl: بص يا هشام صدقني الموضوع نسبي والاراء ف كل مكان بتختلف وتتباين
    golden girl: ممكن انت تكون شايف ان المشرف ده ماينفعش مثلا
    golden girl: وانا وجهه نظري تختلف
    HE$H@M OsaMa: اه
    golden girl: بالنسبه لسوء معامله الادراه دي انا مش معاك فيها
    golden girl: لان بجد احنا عندنا الادراه محترمه جدا جدا
    golden girl: ولو فيه اي اقتراح اي شكوي الادراه بتتعامل معاها بحكمه
    HE$H@M OsaMa: وانا مقلتش حاجة غير كدا انا بقول اللي بيتقال قدامي
    golden girl: ماشي معاك
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 5

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:38 am

    HE$H@M OsaMa: طب هل الاشراف ناجح في مهامه حاليا وكل واحد شايف قسمه صح ؟
    golden girl: لا مش كله
    golden girl: فيه كده وفيه كده
    golden girl: بس باذن الله احنا دايما بنسعي للافضل
    golden girl: واكيد اللي يستحق الاشراف هيكون موجود معانا قريب
    HE$H@M OsaMa: طب مين اللي بترشحيه انه ممكن يدخل الاداره والاشراف الفتره القادمه ؟
    golden girl: ايه يا هشام ايه يا عم مانت مراقب كمان
    golden girl: الحاجات دي مش تتقال قدام الناس كده
    HE$H@M OsaMa: لا حاسبي
    HE$H@M OsaMa: انا مش مراقب ولا اعرف حاجة انا محاور وبس ومليش دعوه بأي حاجة تانيه
    golden girl: هههههههههههههههههههههههههه
    HE$H@M OsaMa: وانتي مسؤله قدامي
    golden girl: ياراجل بقي كده
    golden girl: طيب ماشي
    golden girl: الترشيحات كلها يا جماعه بتتقدم للادمن وبيكون ف اجتماع
    golden girl: وهو بيشوف الافضل ويعينه
    HE$H@M OsaMa: طب بلاش نخوض كتير في الكلام من دا لانك مش هتقولي حاجة برضه
    HE$H@M OsaMa: اية اكتر قسم بتحبيه وبتدخلي علي طول عليه ؟
    golden girl: الفضفضه طبعا
    golden girl: هو انا طبعا
    golden girl: لازم اتابع كل الاقسام
    golden girl: بس الفضفضه اكتر حاجه
    golden girl: لانه من اهم الاقسام ف المنتدي
    HE$H@M OsaMa: طب لية مفيش اهتمام بألاقسام الاساسيه زي اخبار متعب واخبار الاهلي واقسام الصور والكليبات والحاجات دي ؟
    golden girl: هو مش موضوع مافيش اهتمام لا فيه اهتمام
    golden girl: بس حاليا طبعا كلنا عارفين
    golden girl: ان الكابتن عماد مصاب وف فتره التاهيل حاليا
    golden girl: ف اقسام الصور والاخبار والكليبات نايمه شويه اليومين دول
    golden girl: لحين عوده كابتن عماد من السفر بالسلامه باذن الله
    golden girl: ويرجع التدريب مع النادي
    HE$H@M OsaMa: ان شاء الله
    golden girl: هتلاقي الاقسام رجعت تاني زي الاول واحسن
    HE$H@M OsaMa: ماشي
    HE$H@M OsaMa: طب مين في دول مقصر جدا وبصراحه ( هشام وعلام وجولدين جيرل وسويت كات) المراقبين حاليا وانتي شايفه الافضل ان يتم الاضافه عليهم بمراقب او اثنين او يتم تغير اتنين من الاربعه حاليا ؟
    golden girl: لا من ناحيه مقصر صعب ان انا اللي احكم
    golden girl: الحكم اولا واخيرا للادمن والاعضاء
    golden girl: بالنسبه لاضافه مراقب كمان باذن الله قريب يكون معانا مراقب جديد
    golden girl: وده كله لمصلحه المنتدي
    HE$H@M OsaMa: اه
    HE$H@M OsaMa: طب والمشرفين هل كلهم نافعين في الاشراف ولا لابد من تغير اكتر من مشرف حاليا ؟
    golden girl: هو فيه مشرفين مش مهتمين بالقسم بتاعهم اوي
    golden girl: وده شئ ماقدرش انكره
    golden girl: بس انا شايفه ان كل واحد لازم ياخد فرصته كامله
    golden girl: نجح فيها كان بها مش نجح يبقي نشوف الافضل واللي يستحق ونعينه
    HE$H@M OsaMa: طب اية هي المده الممكنه اللي تقدري تحكمي بيها علي مشرف ؟
    HE$H@M OsaMa: ؟
    golden girl: بص هو عادة اي مشرف اول ما يتعين بيبقي نشيط جدا
    golden girl: الحكم بيبدا بعد تعينيه بفتره
    golden girl: ونشوف هل القسم شغال تمام هل منظم هل هو بيقدر يجذب الاعضاء لقسمه
    golden girl: وع الاسس دي
    HE$H@M OsaMa: اه
    golden girl: نقدر نحدد هل المشرف ده يقدر يكمل والا فيه اصلح منه
    HE$H@M OsaMa: تمام
    HE$H@M OsaMa: طب هل الاداره ماشيه بنظام المكللين في الفترة الاخيره زي ما بيتقال ؟
    golden girl: لالالا مين قال كده
    golden girl: بالعكس انا شايفه ان الفتره الاخيره الي حد ما الادراه تمام
    golden girl: بس هم اكيد محتاجين برده وقت وتنظيم اكتر
    golden girl: ونظرا لحدوث بعض الظروف لبعض افراد الادراه
    golden girl: يمكن ده اثر شويه
    golden girl: انما الادراه حاليا شغاله تمام اوي
    golden girl: واحنا هدفنا الاول والاخير مصلحه المنتدي وتقديم الافضل دايما
    HE$H@M OsaMa: اكيد طبعا
    HE$H@M OsaMa: انتي شايفه المنتدي رايح فين الفترة اللي جايه ؟
    golden girl: للافضل باذن الله
    golden girl: وان شاء الله الفتره الجايه هتكون مختلفه تماما ف حاجات كتير
    golden girl: وفيه افكار جديده وحاجات كتير هنبدا ف تنفيذها باذن الله
    HE$H@M OsaMa: تمام
    HE$H@M OsaMa: انا اسف جدا علي الاطاله واعتقد اننا ظهرنا حاجات كتيره في الفتره دي في اكتر من ساعه تقريبا
    HE$H@M OsaMa: وهسيبك كل حاجة دلوقتي يا اية تقولي اللي عايزه كله دلوقتي واللي نفسك فيه
    HE$H@M OsaMa: ورسائل توجيه لكل حد
    HE$H@M OsaMa: ؟
    golden girl: طبعا بشكرك جداااااااااا ع الحوار يا هشام ربنا يخليك يارب حوار كان لذيذ اوي مع عضو متميز دايما
    golden girl: ميرسي اوي ع الحوار الجميل اوي ده
    golden girl: بقول للادمن انا سعيده جدا اني عرفتك وبجد كان ليا الشرف اني اتعرف ع شخصيه زيك
    golden girl: وميرسى جدااااااا ع كل حاجه انت ساعدتني فيها سواء ف الدراسه او المنتدي بجد انا مديونالك بحاجات كتير اوي
    golden girl: علام وبلال وميدو ستار بجد انتوا من اجمد الناس اللي عرفتها ف المنتدي ربنا يوفقكوا يارب
    golden girl: الدلجموني ربنا يديم صداقتنا يارب وبجد انت شخص غالي عندي اوي يا احمد ربنا يوفقك ف حياتك
    golden girl: محمود موتعب من اكتر الناس اللي بجد بحترمها جدااااا وبحس انه اخويا الكبير ربنا يحقللك كل حاجه انت بتتمناها
    golden girl: مصطفي انت طيب اوووووي وشخصيه محترمه جدا ولذيذه وتستاهل كل خير
    golden girl: منون حبيبه قلبي ومن اقرب الناس ليا ف المنتدي بجد انتي اجمد حد انا عرفته واجمد اخت
    golden girl: بوسي انا بحبها جدا وبعتبرها اختي الصغيره الشقيه
    golden girl: وبقول لكل المنتدي ربنا يوفقكوا يااااااااااارب ويخليكوا للمنتدي
    golden girl: وانا بتمنالكوا الخير من كل قلبي
    HE$H@M OsaMa: ان شاء الله يا اية
    HE$H@M OsaMa: وانا فعلا استمتع بحوارك الجميل دا وانا عارف اني كنت تقيل النهارده عليكي وعلي ناس تانيه عشان اخدت انا مكانك في الحلقه دي وخلتك تجربي الضيف والمضيف في نفس الوقت
    HE$H@M OsaMa: واتمني اني قدرت اطلع من اية حاجات محدش كان يعرفها
    HE$H@M OsaMa: ومفاجأت كتير كمان بس هي مخبيه علي حاجات تانيه كتير وانا عارف حولت اطلعها لكن هطلعها في اي وقت تاني يا اية برضه
    HE$H@M OsaMa: هههههههههههههههه
    golden girl is typing a message.
    golden girl: هههههههههههههههههههههههههه
    golden girl: لا والله بالعكس يا هشام انا استمتعت جدا بالحقله دي رغم اني كنت خايفه اوي ف الاول بس بجد كانت لذيذه جدا واسئلتك كانت حلوة اوي بس صعبه شويه واتمني اكون عند حسن ظن الجميع




    HE$H@M OsaMa: شكرا ليكي يا اية

    golden girl: ميرسي يا هشام ع الاستضافه الجميله دي
    • الرجوع الى أعلى الصفحة
    2okosh
    2okosh
    2okosh
    عضو موقوف


    عدد المساهمات : 4689
    العمر : 32
    • مساهمة رقم 6

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف 2okosh الأربعاء يوليو 15, 2009 10:44 am

    اعلامي محنك و ردود دبلوماسيه يا جدعان
    و الله حوار اكثر من رائع انا مكملتوش كله بس هكمله ان شاء الله
    مشكور يا مان ع الحوار
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 7

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 10:51 am

    شكرا ليك يا اكرم باشا ونورت بجد ويارت تكمل الحوار كله ان شاء الله لانه جميل جدا

    بس انا بتأسف للناس كلها لان في اخطاء في الكتابه لكن مش كتير اووي عايزه تتصحح وشوية تظبيط
    وانا بصراحه كسلت اعمل حاجة لانه طويل ومش قادر اظبط كل كلمه تاني
    حرااااااااااااااااااااام بقي Very Happy
    • الرجوع الى أعلى الصفحة
    qweenstar
    qweenstar
    qweenstar
    عاشق ماسي
    عاشق ماسي


    عدد المساهمات : 7660
    العمر : 28
    Localisation : Fe El Bet
    • مساهمة رقم 8

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف qweenstar الأربعاء يوليو 15, 2009 11:07 am

    حوار بجد اكتر من رائع
    اجابات جامدة اوى و عقلانية جدااااا من واحدة بجد جميلة اوى و طيبة جدااا و عاقلة موت

    و اسئلة صعبة من اعلامى رائع و شخص هايل     woow

    بجد حوار فظيع اوى اوى اوى


    ميرسى ليك يا هشام و ليكى يا آية على الحاور ده

    ثــانكس
    • الرجوع الى أعلى الصفحة
    Admin
    Admin
    Admin
    المشرف العام و مؤسس المنتدى
    المشرف العام و مؤسس المنتدى


    عدد المساهمات : 2285
    العمر : 36
    Localisation : Egypt
    • مساهمة رقم 9

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف Admin الأربعاء يوليو 15, 2009 11:10 am

    حوااااار أكتــر من رااائع بجد
    وكفاية انه بين هشـام & آيــه
    أسئلتك ممتازة يا هشام .. وإجاباتك فوق الوصف يا آيه ..
    وبجد انا استمتعت بالحوار جدااااا .. وآيه شخصية محترمة وزوق وطيبة جدااا جداااا وبجد تستاهل كل خيــر .. وان شاء الله نهنيكي قريب جدااا على النجاح وربنا يوفقك دايما يا آيه وتبقى مهندسة شاطرة إن شاء الله وتحققى كل احلامك وطموحاتك ..
    وميرسي ليكي جدا على كلامك الجميل دة .. دة بس من زوقك والله

    وشكرا مرة تانية يا هشام على الحوار والمجهود الرااائع
    • الرجوع الى أعلى الصفحة
    mystry girl
    mystry girl
    mystry girl
    مشرفة قسم الإسلاميات
    مشرفة قسم الإسلاميات


    عدد المساهمات : 3755
    العمر : 30
    Localisation : حياتي كلها لله
    • مساهمة رقم 10

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف mystry girl الأربعاء يوليو 15, 2009 12:06 pm

    الحقيقه الحوار ممتاز جداجدا
    وايه طبعا غنيه عن التعريف وانها من احسن الشخصيات اللي في المنتدي
    محاور ممتاز يا هشام...
    • الرجوع الى أعلى الصفحة
    Dangerous.Girl
    Dangerous.Girl
    Dangerous.Girl
    مشرفة قسم الشعر والخواطر
    مشرفة قسم الشعر والخواطر


    عدد المساهمات : 5916
    العمر : 31
    Localisation : Faculty Of Pharmacy
    • مساهمة رقم 11

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف Dangerous.Girl الأربعاء يوليو 15, 2009 2:09 pm

    Admin كتب:حوااااار أكتــر من رااائع بجد
    وكفاية انه بين هشـام & آيــه
    أسئلتك ممتازة يا هشام .. وإجاباتك فوق الوصف يا آيه ..
    وبجد انا استمتعت بالحوار جدااااا .. وآيه شخصية محترمة وزوق وطيبة جدااا جداااا وبجد تستاهل كل خيــر .. وان شاء الله نهنيكي قريب جدااا على النجاح وربنا يوفقك دايما يا آيه وتبقى مهندسة شاطرة إن شاء الله وتحققى كل احلامك وطموحاتك ..
    وميرسي ليكي جدا على كلامك الجميل دة .. دة بس من زوقك والله

    وشكرا مرة تانية يا هشام على الحوار والمجهود الرااائع
    • الرجوع الى أعلى الصفحة
    llolastar
    llolastar
    llolastar
    عاشق ماسي
    عاشق ماسي


    عدد المساهمات : 5777
    العمر : 32
    Localisation : نفسي اكون في حضن حبيبي
    • مساهمة رقم 12

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف llolastar الأربعاء يوليو 15, 2009 2:35 pm

    حوار جامد جدا
    ميرسي ليكم كتير
    • الرجوع الى أعلى الصفحة
    !!**MeReNDa**!!
    !!**MeReNDa**!!
    !!**MeReNDa**!!
    مراقبة عامة على جميع الأقسام+عضوة في فريق العمل
    مراقبة عامة على جميع الأقسام+عضوة في فريق العمل


    عدد المساهمات : 2370
    العمر : 35
    • مساهمة رقم 13

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف !!**MeReNDa**!! الأربعاء يوليو 15, 2009 3:17 pm

    كل مدى ايه بتثبت انها شخصيه تستحق التقدير بجد
    وان تفكيرها اكبر من سنها بكتير اوووووى
    بجد والله مافى كلام يتقال ماشاء الله عليكى ربنا يكملك بعقلك
    ويوفقك .... وطبعا شكرا لهشام على الحلقه التحفه دى بذلت مجهود جميل
    مع شخصيه تستحقه بجد .....
    • الرجوع الى أعلى الصفحة
    سندباد الشرق
    سندباد الشرق
    سندباد الشرق
    عضو موقوف


    عدد المساهمات : 4888
    العمر : 35
    Localisation : غير مرغوب فيه
    • مساهمة رقم 14

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف سندباد الشرق الأربعاء يوليو 15, 2009 4:08 pm

    نورتم يا جماعه بجد والف شكر علي الرودو الجميله دي
    واية طبعا متالقه وتستهل كل خير
    وربنا يكرمها ان شاء الله
    • الرجوع الى أعلى الصفحة
    SeniOr <3 N
    SeniOr <3 N
    SeniOr <3 N
    مشرف قسم الفوتوشوب
    مشرف قسم الفوتوشوب


    عدد المساهمات : 9968
    Localisation : K..S..A
    • مساهمة رقم 15

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف SeniOr <3 N الأربعاء يوليو 15, 2009 5:01 pm

    حوااااااار من أروع ما يمكن بجد

    مجهووود تماااام اووووي يا هشااام

    وبجد أيه انسانه جميله جداااااااااااا ومش تتوصف بالكلاام

    واكييييد هي عارفه ان انا بعتبرهاا زي اختي وصديقه عزيزه جدااا علياا

    ميرسي يا اتش ع الحوااار

    واجابات جاااااااااااااااااااااااااامده اووووووووووووووووووووي يا أيه

    _-------------------------_
    • الرجوع الى أعلى الصفحة
    THE GAME
    THE GAME
    THE GAME
    مراقب عام على جميع الأقسام+عضو في فريق العمل
    مراقب عام على جميع الأقسام+عضو في فريق العمل


    عدد المساهمات : 10792
    العمر : 36
    Localisation : الاسكندريه
    • مساهمة رقم 16

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف THE GAME الأربعاء يوليو 15, 2009 5:14 pm

    شكرا على الحوار
    • الرجوع الى أعلى الصفحة
    lola ssaa 2008
    lola ssaa 2008
    lola ssaa 2008
    عاشق سوبر
    عاشق سوبر


    عدد المساهمات : 457
    العمر : 33
    • مساهمة رقم 17

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف lola ssaa 2008 الأربعاء يوليو 15, 2009 7:56 pm

    ميرسى اية هشام على الحوار الجميل دى
    • الرجوع الى أعلى الصفحة
    عاشقة الاهلى الحمر
    عاشقة الاهلى الحمر
    عاشقة الاهلى الحمر
    عاشق ماسي
    عاشق ماسي


    عدد المساهمات : 9756
    العمر : 33
    Localisation : للــــــغـــــربــــــاء دول
    • مساهمة رقم 18

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف عاشقة الاهلى الحمر الخميس يوليو 16, 2009 12:00 am

    ميرسى كتير اوى ع الحوار الرائع دا بجد استمتعنا جدااااااااااااااا با ((ايه))

    ومع الاعلامى الكبير

    _____السير * هشام اعلامى ناجح او مشروع اعلا مى ههههههههههه



    بجد حوار تحفه مووووووووووت
    • الرجوع الى أعلى الصفحة
    هالة متعب
    هالة متعب
    هالة متعب
    عاشق ماسي
    عاشق ماسي


    عدد المساهمات : 4461
    العمر : 32
    Localisation : alex
    • مساهمة رقم 19

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف هالة متعب الخميس يوليو 16, 2009 12:08 am

    ميرسى اوى يا اتش على الحوار
    ده وايوية شخصية عسولة وجدعة وجريئة
    وربنا يوفقك يا قمر
    • الرجوع الى أعلى الصفحة
    عاشقة متعوبتى
    عاشقة متعوبتى
    عاشقة متعوبتى
    مشرفة قسم الصور
    مشرفة قسم الصور


    عدد المساهمات : 6918
    العمر : 34
    • مساهمة رقم 20

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف عاشقة متعوبتى الخميس يوليو 16, 2009 3:15 am

    2okosh كتب:اعلامي محنك و ردود دبلوماسيه يا جدعان
    و الله حوار اكثر من رائع انا مكملتوش كله بس هكمله ان شاء الله
    مشكور يا مان ع الحوار
    • الرجوع الى أعلى الصفحة
    sweet cat
    sweet cat
    sweet cat
    مراقبة عامة على جميع الأقسام+عضوة في فريق العمل
    مراقبة عامة على جميع الأقسام+عضوة في فريق العمل


    عدد المساهمات : 8466
    العمر : 32
    Localisation : -----
    • مساهمة رقم 21

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف sweet cat الخميس يوليو 16, 2009 4:05 am

    حوار جميييييييل جدااااااا مع مراقبه نشيطه ومتالقه ديما سواء بموضوعتها او افكارها

    وميرسى يا هشام على الحوار الجامد دا وانت فعلا اعلامى كبييييير واسلوبك فى الحوار جامد جداااا

    ربنا يوفقكم ان شاء الله وان شاء الله يا ايه حتنجحى وتجيبى تقدير حلو كمان ربنا معاكى
    • الرجوع الى أعلى الصفحة
    mannon2
    mannon2
    mannon2
    مشرفة قسم الفضفضة
    مشرفة قسم الفضفضة


    عدد المساهمات : 5871
    Localisation : قمر البلدي عيون ليلها سهران لوحدي بغنلها لو روحت فين دايما قلبي يحن ويلف يجيلها
    • مساهمة رقم 22

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف mannon2 الخميس يوليو 16, 2009 11:34 pm

    والله حوار جامد جدااااااااااااا
    عجبني جدا جدا جدااااااااااااااا
    ايه دي بجد من احسن الشخصيات اللي ممكن يقابلها الواحد
    شخصيه جميله جدا وجدعه جدااااااا ومحترمه جدا جدا
    والله الكلام ده مش مجامله علشان ايه صحبتي
    بس ايه بجد والله زي ما بقول كده بالظبط

    وميرسي يا هشام على الحوار الجامد ده

    • الرجوع الى أعلى الصفحة
    allam afc
    allam afc
    allam afc
    V - I - P
    V - I - P


    عدد المساهمات : 7234
    العمر : 38
    Localisation : داخل مملكة الأهلى التى لن تغيب عنها الشمس أبدا بإذن الله ( السطووووح)
    • مساهمة رقم 23

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف allam afc الجمعة يوليو 17, 2009 11:10 am

    بجد حوار جامد بين اعلامى محنك وضيفة جميلة جدا وطيبة وانسانة محترمة وذوق جدا ورقيقة ونشيطة وبجد ربنا يوفقك فى حياتك انا اكتشفت حاجات جديدة من خلال الحوار ده واكتشفت ان عقلك كبير وتفكيرك اروع واروع وللاسف التفكير اللى زى تفكيرك قوليل جدا


    ربنا يوفقك فى حياتك العملية والعلمية وربنا يحققلك كل طموحاتك واحلامك بإذن الله

    وكلمة لهشام انت داهية ومشكلة والحمد لله انى موقعتش تحت ايدك     Laughing
    • الرجوع الى أعلى الصفحة
    eman_emo89
    eman_emo89
    eman_emo89
    مشرفة قسم أخبار الفن + الأغانى والألبومات
    مشرفة قسم أخبار الفن + الأغانى والألبومات


    عدد المساهمات : 9297
    العمر : 35
    • مساهمة رقم 24

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف eman_emo89 الجمعة يوليو 17, 2009 4:45 pm

    حوار جاااامد جدا
    ميرسى ياهشام وربنا يوفقك ونشوفك اعلامى كبير
    ميرسى يااية وربنا يوفقك ونشوفك مهندسة كبيره
    • الرجوع الى أعلى الصفحة
    goldengirl
    goldengirl
    goldengirl
    مراقبة عامة على جميع الأقسام+عضوة في فريق العمل
    مراقبة عامة على جميع الأقسام+عضوة في فريق العمل


    عدد المساهمات : 8563
    العمر : 33
    Localisation : فــــــــــى عالمــــــــــــــى الخـــــــــــاص
    • مساهمة رقم 25

    عوده رائعه مع المتألقه *جولدين جيرل* في حوار مطول وصريح ..الحق نسختك @ Empty رد: عوده رائعه مع المتألقه *جولدين جيرل* في حوار مطول وصريح ..الحق نسختك @

    مُساهمة من طرف goldengirl الجمعة يوليو 17, 2009 10:34 pm

    2okosh كتب:اعلامي محنك و ردود دبلوماسيه يا جدعان
    و الله حوار اكثر من رائع انا مكملتوش كله بس هكمله ان شاء الله
    مشكور يا مان ع الحوار
    شكرررررررررررررررررررررا يا اوكش باشا علي مرورك الجميل ده
    برده منور واللهVery Happy
    • الرجوع الى أعلى الصفحة

      الوقت/التاريخ الآن هو الأحد نوفمبر 24, 2024 12:33 am