ناقش معانا وشارك برايك ....مصر والجزائر...لسه فى امل فى التاهل؟؟

ميران كتب:ايه سبب الهزيمه ؟؟
سبب الهزيمه هو سوء النوايا اللى بقى موجود فى الفريق وعدم وجود الحب والموده والروح الجميله اللى كانت موجوده من قبل واللى كانت السبب الاساسى للفوز ببطولة اقريقيا 2006 و2008

هل تغيرات شحاته كانت فى الوقت المناسب؟؟
التغيرات كانت غلط والوقت كمان كان غلط
نزل لعيبه ماعندهاش اى خبره دوليه فى الوقت اللى احنا محتاجين فيه اللاعب المصرى اللى عنده
خبره ويقدر يتماسك فى ماتش زى ده وامام هذه الجماهير العريضه

كنت موافق على التشكيل من اول الماتش؟؟
لا طبعا كان غلط من الاول انه يلعب باوكا لانه لسه مفيش خبره دوليه زى ماقولنا واحنا محتاجين
الخبرات فى ماتش زى ده وكان استبعاد ميدو غلط كبير فى ظل غياب متعب لان عمرو زكى الحقيقه مش مهارى خالص ومش بيعرف يتصرف لوحده من غير مهاجم صريح مهارى

تفتكر مين مسئول عن الهزيمه؟؟
اعتقد ان المسئول الاول والاخير عن الهزيمه هو الكابتن حسن شحاته
وماقدرش اقول الحضرى كمان لان غلطه من الاول غلطة حسن شحاته انه دفع بيه فى المباراه

هو دا مستوى مصر ؟؟
لا طبعا مش ده مستوى منتخب مصر
بس ده مستوى فكر مدرب منتخب مصر واعتقد كفايه عليه اوى كده وياريت ياخد الحضرى معاه وهو ماشى

مين المسئول عن الاهداف ال 3؟؟
الدفاع والحضرى
يعنى برده حسن شحاته لان هو اللى وضع التشكيل مش حد تانى


كان
صح نزول احمد حسن وكلنا عارفين ان اعصابه بايظه من بعد ماتش الاهلى الاخير
وضغوطات الاعلام ودا كان حيكلفنا كتير خصوصا انه اتنرفز اول مره على الولد
الى ضربه وكان ممكن ياخ انذار ومره تانيه قبل نهايه اللقاء وكان ممكن
يطرد؟؟
هو نزله اساسا فى وقت خلاص مفيش فايده انا استغربت هو منزله ليه اساسا
عاوز ينزله كان عنده من الاول انما منزله بعد 3 اهداف هيعمل ايه يعنى بس هو ده قدرنا وهو
ده مدربنا

والاهم لسه عندنا امل فى تحقيق حلم المونديال؟؟؟
انا عندى امل ان الروح الجميله بين اللاعيبه ترجع
وعندى امل ان ربنا يوفقنا عشان الشعب المصرى اللى بيدعى ليل ونهار
ان شاءالله اللاعيبه هيعرفوا ان دى فرصتهم للتاهل ويقدروا يعوضوا
ونقدر نوصل كاس عالم ان شاءالله
وده اللى كل مصر بيتمناه

بالتوفيق للمنتخب المصرى
وكفايه كده يا شحاته