انتو لية بتحبو متعب اكتر من الاهلى؟؟!!!

يا جماعة انا شايف ان معظمكو بتحبو متعب لدرجة الحلم ومش بتحبة (الاهلى) الى عمل متعب والى خلة يبقى لة اسم اساس !
اانتو بتحبوا اوى لية كدا انا عن نفسى بحب كل لاعيبة الاهلى ومقدرش اكدب انا فعل فى حوالى تلات او اربع لاعيبة بحبهم اوى اكتر من الباقى انما ميمنعش انى فى الاول والاخر منتمى لنادى كبير وبحبة اكتر من اى لاعب

انا شايف منكو بصراحة العكس تمام ؟!! ازى دة معرفش

واضح انكو حبتو متعب وبعدة حبتو حاجة اسمها (الاهلى) !!!!
وبدليل ان اى حاجة بتحصل بتعود تقوولو كلام اى حد يسمعة يستغرب تمام منكو اساس
يعنى زى حكاية انة كان (عرقان) بعد متش بتروجيت فى السويس كلمك طلعتو تقولو معلش يا متعوبتى وحاجات غريبة اوى على اساس انة بيعيط

لاء دة متعب حساس اوى وكل واحد على هذا النمط!! بس عايز اعرف حاجة كمان هوا (متعب الوحيد الى بيحس) ومش هقولكم اننا كاشباب مش مشهور ولا حاجة زية لاعيبة الاهلى يعنى هى الى مش بتحس ومتعب الوحيد الى بيحس؟!!
اانا مش عارف انتو بتتعملو كدا لية مع الاهلى!؟

انا عندى احساس كمان ان فى بنات هنا وكتير كمان متعرفش فى الكورة ولا حاجة ومش بيحبوا الاهلى كمان وبيحبو لاعب اسمة(عماد متعب) فى الفريق زى مايكون مفيش غيرة فى الفريق وهوا الى مكسبوا ديما؟

انا بصراحه يا هشام انا بحب متعب قوي ولو متعب مبيلعبش مع الاهلي في اي مباراه انا مبحبش اتفرج علي الماتش من اساسه وانا متفرجتش علي ماتش الاهلي والزمالك علشان متعب مبيلعبش
انا بحبه بجد والله ويعتبر احسن لاعب بالنسبه ليا بعد كاكا لاعب الميلان **m**

يعنى مش بتحبو النادى الاهلى ؟!! برضة
حتى وانتو بتحبوا لاعب معين برضة مش بتحبوا النادى الاهلى ؟!!

ههههههههه والله كنت متوقع منك الموضوع دا يا هشام
بس هيه مش كدا خالص يعنى انا اهلاوى وكل حاجه
بس لما متعب بيلعب بيبقى الماتش ليه طعم احلى
وانا عارف والله انك برضه بتحب فلافيو اكتر من متعب يا هشام
صح كلامى ولا ايه عالموم متزعلش من كلامى

مش معنى اننا بنحب متعب ده معناه اننا مش بنحب الاهلى او بنحب متعب اكتر من الاهلى

انا عن نفسى بموووووووووت فى حاجه اسمها الاهلى ومتعصباله جداااااااااا وبعتبر النادى بيتى لانى قضيت فيه احلى ايامى
ومش معنى اننا بنحب متعب اننا مش بنحب الاهلى او بنحب متعب اكتر
لا طبعا انا اهلاويه جدااااااااااااا ومتعصبه للاهلى جدااااااااااااا من قبل ما اعرف عن حد اسمه عماد متعب
وده ميمنعش انى بموووووووووووت فى متعب

متبقاش تعمم تانى يا هشام فى حكمك على الناس

انت رجل كفاء يا هشام انا كان نفسى اقول كدة من زمان بس كنت خايف حد يفهمنى غلط على انها (غيرة من متعب ولا حاجه)
بس فعلا البنات هنا مجانين بحاجه اسمها متعب
اللى تقولك حلمت بيه والتانيه دة بيعيط واخرى زعلانه لانه خطب و و و و و
الى مالا نهايه زى التفاضل
فعلا الواحد يحب الاهلى و متعب فرد منه
لكن ماذا لو ذهب الزمالك
بطبع مش هتكرة بس خلاص الموضوع معايا هيبقى مجرد لاعب و رحل من الاهلى

و الله بتتكلم صح يا هشام
انا بحب الاهلي اولا ثم متعب ثانيا
يعني معلش و محدش يفهمني غلط من اللي هقوله ده
متعب لو كان مثلا في الزمالك او بلاش الزمالك لو في انبي
كنت هتحبوه؟ كنتوا هتعرفوه؟
متعب معلش يعني مش حازم امام و لا ابو تريكه
بمعني ان حازم جمهور الاهلي بيحبه
و تريكه جمهور الزمالك بيحبه
لكن متعب مش عايز اقولكوا ان في اهلاويه مش بيحبوا عماد
و انا على يقين من اللي بقوله ده
و ياريت يا جماعه نحاول نحب الاهلي اللي عمل متعب و غير متعب

شكراااااااااا ليك يا هشااااااااااااام على الموضوع الجرى ده فعلا انا معاك انا لاحظت انا اغلبية الموجودين بيحبوا متعب اكتر من الاهلى وما ينفعش يا جماعه كده خالص احنا لازم نفكر بعقل هل لو مكنش متعب بيلعب فى الاهلى كان هيبقا متعب ما اظنش مع احترامى له وعلى فكره انا مجنون بمتعب جامد وقبل كده كنت بحب بلال وابراهيم سعيد لكن الاهلى اكيد طبعا بحبه اكتر منهم يمكن اقولكم انى انام احلم بالاهلى اصح على الاهلى يمكن حياتى كلها اهلوية لانى عندى الاهلى اغلى من اى حاجة فى الدنيا كلها وبصراحة انا عمرى ما هفضل لاعب على الاهلى ولو ده حصل كان عشاق صالح سليم والخطيب بطلوا يشجعوا الاهلى اما صالح الله يرحمه اعتزال والخطيب يا جماعه لازم كلنا نحب الاهلى ونحط فى تفكيرنا ان الاهلى هو الا بيعمل النجوم مش النجوم الا بتعمل الاهلى هو اه النجوم بيساهموا فى انجازات الاهلى لكن الاهلى عشان بيوفر الامكانيات بينجحوا صح الكلام ولا لا والدليل نادى الزمالك عنده لاعيبة ممتازة لكن عشان ادارته فى الباى باى النادى ضايع صح ولا لا وياريت ترجعوا لعقلكم شوية
الاهلى اكبر من اى حد
الاهلى فوق الجميع شعار لازم كلنا نحترمه ونعمل بيه لان لو انتوا فكرتوا فيه هتلاقوه شعارله معانى كتيرة مش مجرد كلمة
اسف انى طولت عليكم

والله يا هشام انا من اول ما اتولدت لقيت نفسي اهلوية
وعلى فكرة انا اول واحد عجبني في الاهلي كان الحضري اول مباراة اشوفها كانت لما
الاهلي كسب والحضري وجلبرتو طلعوا على الشبكة ورقصوا هما الاتنين ودي كانت من زماااان
بس متبعتش المباريات بجد الا من اول السنة دي ومش عايزة اقولك حبيت لاعيبة الاهلي كلهم
قد ايه وبصراحة بعد كدة لقيت المنتدى ومن المنتدى حبيييييييييت متعب جدااااااااا بس طبعا كنت بحبه زي اللعيبة الباقية بس دلوقتي هوة اكتر
بس لو متعب ساب الاهلي انا مقدرش اسيب فريقي اللي بشجعه من اول ما اتولدت

وبرضه يا هشام بحب متعب , بس بحب الأهلي ولاعيبته كلها

شكرا ليكو على الردود
اولا يا احمد مش حكاية انى بحب فلافيو عن متعب لعلمك لو انتا بتسألنى على الاتنين بجد انا عندى متعب (ابن بلدى ) احسن من فلافيو

وبالنسبة لرضوى يارت متزعليش يا رضوى انا قولت الى فى نفسى لان دة الواقع والى موجود قدامى حاليا بصراحة انا قولت لعمك ان( معظم) البنات هنا بيفضول وبيحبوا متعب اكتر من الاهلى

انا هقول كلمة واحدة وبس فى الاخر علشان اخلص ضميرى

(الى يفضل لاعب على نادى يبقى مش بيفهم ومينفعش يبقى منتمى للنادى دة اساس) ومحدش يزعل انا مش بقول لشخص واحد الكلام دة


وبرضة يارت كل الى فى المنتدى يعرف حاجة قالها اكرم ودودو ومحمد علام

(*الاهلى فوق الجميع*)

شكرا ليكو ويارت محدش يزعل بس

la tab3an ya hisham el ahly bn7bo aktr la2n a7na mn zman bnshg3 el ahly w el ahly hwa el ba2ilna mesh la3b mo3in

fe3lan 3andaak 7a2,,,,enta akheet el kalam ely fe alby kolo,,,,we ba3den ana bashoof mawadii3 ghareba el 7a2e2a betetkteb ba3od ad7aak 3aleha,,,,ana mankresh eny ba3sha2 7aga esmaha emad meteb bas el ahly fawak el gamee3 we shokraan 3la el mawdooo3 dah bgd

اكيد انت عندك حق يا هشام فى ناس كتير كده بس مش دايما
انا مثلا لازم اتفرج على اى ماتش للاهلى سواء متعب موجود ولا
واهلاويه حتى النخاع
بس بصراحه الماتش بيبقى له طعم تانى ومتعب بيلعب هو فلافيو وكل واحد فيهم
بيموت نفسه عشان يجيب جون قبل التانى

طبعا يا هشام الاهلى فوق الجميع

شكرا يا هشام
انا بصراحة ما كنت اتابع الكورة كثير بس لاني بحب مصر جدااااااااااااااااااااااااااااااااااااااا حبيت اتابع الكورة المصرية وفي وقتها كان النادي الاهلي البطل في معظم البطولات عشان هيك حبيت الاهلي اكثر من اي نادي بس في الاخر انا بحب كل الاندية المصرية لاني بحب مصر مش عشان اي لاعب
بالنسبة لعماد انا حبيتة اه بس مش اني احلم بيه او ازعل لانه خطب
وشكرا بس محدش يزعل عشان قلت اني بحب كل الاندية المصرية

بص ياهشام انت فعلا عندك حق في حجات كتير بس انا عايزة اقولك اني بالنسبة ليا متعب كان سبب رئيسي في حبي الشديد للنادي الاهلي
وبجد انا بحب الاهلي جداااااااااااااااااااااااااااااااااااااااااااااااااااااااا ومتعب بردة بحبة جدااااااااااااااااااااا كفرد من افراد الفريق
بس الفرق بينة وبين بقية الفريق اني بحبة اكتر من اي لاعب تاني

أنا لغاية ماتش الأهلى و الزمالك اللى من يومين..كنت فاكرة انى بتابع الأهلى علشان متعب و بس
لكن والله الواحد فعلا بيكتشف حاجات جديدة حلوة و هى انى بقيت بحب الأهلى أوى ..لأنى اتفرجت على الماتش كله بالرغم ان متعب مش فيه و فى الآخر لما الجمهور الرائع ده قعد يشجع
و الله دمعت وحسيت قد ايه الأهلى ده حاجة مش موجود زيها فى مصر أو أفريقيا و العرب مثلا..
ممكن يكون فى أوروبا بس برضه الشباب اللى فضل يشجع بالحماس ده شىء فرحنى و حسيت انى انا كمان زيهم و معاهم و فرحت انى بحب الأهلى أوى كدة و اللى بقى مهم أوى عندى دلوقت انه ينجح و يكبر فى العالم كله علشان هو مش أقل من الفرق الكبيرة زى بايرن ميونخ و مانشستر يونايتد ..
لكن بصراحة الفضل يرجع لمتعب انه هو اللى خلانى أتعلق بالأهلى و اتابعه علشانه و كدة عماد كعادته قدم خير كبير على الأقل ليه ..لانه مش بس بيخلينى أنا و غيرى نستمتع بموهبته فى الكورة اللى انا بحبها كرياضة بجنون فى اى وقت و من أى فريق متجانس و بيقدم كورة حلوة فى العالم ..
و أهو كمان عرفنى على الأهلى بجد و الله واحد من أحسن الفرق و أكبرها فى العالم فى الكورة ..
و على العموم حفضل أحب الأهلى اللى بقيت منتمية ليه تماما و اللى بقيت متعصبة ليه كمان جداااااااااااااا
و برضه أنا بحب متعب جداااااااااااااااااااااا برضه سواء لعب فى الأهلى أو فى مكان فى العالم لانه أحسن وأروع و أكتر لاعب موهوب فى العالم من وجهة نظرى ...
و آسفة انى طولت عليكم ..

الناس بتشجع الكورة الحلوة وإللى بيمتعوهم بالكرة دى

شكرا ليكو

وانا بجد مش قصدى حاجة وحشة انا قولت الى فى نفسى والى انا شايفة يا جماعة

والى زعلان اوى على انى قولت كدا يقولى وانا اوعدكم انى مش هدخل المنتدى تانى

يا هشام باشا فيه ايه؟ يعنى ايه متدخلش على المنتدى تانى..احنا منستغناش عنك ابدا يعنى..
الموضوع كويس جدا وااله و جرىء ومفيهوش اى مشكلة ..
و شكرااااااااا ليك .

" الموضوع كويس جدا والله و جرىء ومفيهوش اى مشكلة .."
استغر الله ... بس أصلى كتبت اسم الله فوق مش صح ..أستغفر الله