5 مشترك

نظرات ايجابية على رحيل (محمد عبد الوهاب) حمدا لله

Wesam Zedan: مشرف قسم الفوتوشوب; عدد المساهمات : 1469
العمر : 30
Localisation : فى قلب من احب

مساهمة رقم 1

نظرات ايجابية على رحيل (محمد عبد الوهاب) حمدا لله

من طرف Wesam Zedan السبت فبراير 07, 2009 2:49 pm

بعد الدعاء للفقيد بالرحمة ولأحبائه بالصبر والسلوان،
وسط أجواء الأحزان وأصوات النحيب ومشاعر الأسى...أدعو كل واحد فيكم أن يتمالك نفسه وتحاولوا تشوفوا بعيونى إيجابيات الموقف الصعب ده!! صدقونى أنا مش بهرج يا جماعة لأن الموضوع جاد جداً ولا يستحمل أى حاجة...خليكم معايا لآخر كلامى وأنتم هتفهمونى....

طبعاً أنا زى أى حد سمع الخبر القاسى على النفس ده شعرت بحزن وألم شديد طوال اليوم، لحد ما إبتديت أهدى شوية وأحاول أبص للجانب المشرق للحادثة دى برغم إنه كان صعب جداً لكنى مع ذلك عرفت أخرج بكام نقطة إيجابية:

1) أشهد إنى طول عمرى القصير لم أرى تجمع الجمهور المصرى على رحيل أحد مثلما تجمع على عبد الوهاب...يمكن عشان لاعب صغير فى السن (23 سنة) وكان قدامه مستقبل كبير، لكن قدر الله وما شاء فعل.
تناسينا جميعاً إنتماءتنا الكروية تماماً وتجمعنا على رحيل إبن من أبناء مصر، ودى تعتبر نقطة إيجابية ومابتتكررش بسهولة، وأكاد أجزم إن هذا التماسك يكاد يكون أقوى من تمساكنا مع منتخب مصر فى بطولة الأمم الأخيرة!
بس يا ترى هل هى دى الطريقة الوحدية اللى ممكن كلنا تجمعنا مع بعض؟؟؟ أتمنى نحاول نستغل التماسك اللى ما بيننا ده على طول وماتكونش حالة وهتعدى...

2) برحيل النجم الكبير بدأ كل واحد فينا يتعظ من وفاة عبد الوهاب وهو فى ريعان شبابه، لأن الخبر نفسه زى ما يكون جرس إنذار وتحذير وعمل صدمة فى نفسيتنا إحنا كشباب برضه وخلانا نفكر فى آخرتنا..فالأعمار بيد الله وهو ده قدر حياتنا القصيرة على الأرض. لازم نلحق نفسنا يا جماعة ونراجعها وناخد درس من اللى حصل النهادرة...
ده مافيش يومين على بعض وتلاقى أربع أنباء عن وفاة نجيب محفوظ ثم لاعب الترسانة ومنتخب الشباب أحمد وحيد وبعدها اليوم رفيقه محمد عبد الوهاب وأخيراً عصر نفس يومنا هذا رامى جمعة زميل أحمد وحيد الذى توفى لتأثره بجراحاته التى تعرض لها من حادثته مع أحمد وحيد...
فهل الكلام ده كله مجرد صدف بحتة أم إن الموضوع مترتب بأقدار إلهية؟؟؟؟

3) برحيل عبد الوهاب تم فتح باب الكلام عن الكشف الطبى للاعبين فى الأندية ومنتخب مصر...وبغض النظر عن إحتمالات تعرض عبد الوهاب لقصور أو أمراض فى القلب لم تكشف عنها بشكل كافى...فإن مجرد فتح الموضوع - يا دوبك - يوم رحيله يدل على وعى رياضى عالى فى الوسط الرياضى عندنا، فحتى لو كان صحيح إنه فيه فعلاً مشاكل وقصور فى الأجهزة الطبية فى الأندية والمنتخب ولم تجد لها خلولاً بعديها، فعلى الأقل يعتبر فتح الموضوع بالسرعة دى يوضح قد إيه إن لسه فى ناس بتفهم فى كل ما يتعلق بالكرة المصرية....

4) تنازل الظفرة جميع حقوقه المادية والمعنوية بعد وفاة عبد الوهاب، بالرغم إنها إتأخرت بس نقول إيه؟ كويس إنهم لحقوا نفسهم وعملوا عمل خير فى حق المرحوم والنادى الأهلى.
وماننساش اللفتة الجميلة بإعطاء إيراد مباراة بوروندي وجميع مستحقات اللاعب لصالح أسرته ليس كمجرد تعويض بل أيضاً محاولة رد إعتبار ما عاناه اللاعب فى عمره الكروى القصير (5 سنين) الملىء بالإنجازات إلى أهله الذين فقدوا إبنهم الشاب فى لحظة قاسية على قلوبهم...

أنا مش بقول ننسى الحزن ونقلبه لإبتسامة باهتة على الشفايف، أكيد لازم نحزن ونتألم عشان وفاة اللاعب محمد عبد الوهاب، بس لازم برضه مانخليش الحزن يأسرنا وينسينا أى حاجة حلوة ممكن مانخدش بالنا منها...
يمكن تختلفوا معايا فى نظرتى للحادثة بالطريقة دى، لكن أكيد مش هاتختلفوا معايا على مبدأ بسيط هو إننا مانشوفش أى حاجة فى حياتنا أسود x أسود ونحاول ندور على النقط البيضا اللى تخفف من مأساة تمر فى عمرنا...

وربنا يرحمك يا عبد الوهاب أنت ومحفوظ وأحمد وحيد ورامى جعمة ويرحمنا جميعاً ويعيننا على مصاعب الحياة....