يوم السبت 31\12\2008 يوم جمهور الاهلى لايمكن ينساه
خسر الاهلى المباراة الافتتاحية ضد بتشوكا والمشكلة ليست فى الخسارة فاى فريق معرض للهزيمة ولكن المشكلة شكل الخسارة وكيبف خسر الاهلى بعد شوط اول كان متقدم بهدفين وبعد ان ضمن الجميع المابارة وقالوا انه الاهلى سوف يحقق الفوز لا محالة وبعدد وافر من الاهداف
وجاءت الرياح بما لاتشتهى السفن وبدأ الشوط التانى ومع اول هجمة احرز بركات هدف تالت للاهلى ولكن الغاه الحكم بداعى التسلل وربنا كان هذا الهدف غير الكثير واردتد الكرة بهدف فى الاهلى
ومع مرور الوقت سيطر لاعبو بتشوكا على اللقاء واحرزوا الهدف التانى والهدف التعادل ورغ كل ذلك لم يتحرك الاهلى والاغرب لم يتحرك الجهاز الفنى واستمرت السيطرة لصالح بتشوكا حتى دخلنا فى الوقت الاضافى واحرزوا الهدف الثالث ومازال لاعبو الاهلى فى غيبوبة تامة وكان المباراة انتهت بفوزهم
وفى نهاية الوقت الاضافى احرز بتشوكا الهدف الرابع ليقضى تماما على احلام الاهلاوية فى الصعود للمباراة التالية
والسؤال هنا ما الى حدث للاهلى وما هذا التغير الكبير فى المباراة ومهاى هى اسباب الهزيمة الساحقة ؟!
فى البداية انا مش جاية انتقد ولا جاية اهاجم لكن جاية اقول اللى جواية ليكم واخد رايكم فى اللى حصل
جاية اقولكم ان الاهلى خسر قبل مايلعب الماتش خسر وهو هنا فى القاهرة قبل مايسافر ومش من قبل مايسفار كمان لا ده خسر من ييوم ماتش انيمبا مباراة الذهاب وهو خسران
الهزيمة دى كانت قاسية اوووى لكن جت فى وقتها عشان نراجع حسابتنا من جديد
الاهلى مستواه فى النازل من فترة كبير وكنا بنعدى عشان كان بيكسب حتى الماتش النهائى عدناه مع انه الاهلى كانت ممكن تضيع منه البطولة لكن محدش اتكلم ولا قال عشان ده نهائى والاهلى كسب بقى ياعم البطولة عايزين ايه تانى!
ولما رجعنا بالكأس ولعبنا فى الدورى وخسرنا من اتحاد الشرطة اخر الدورى قولنا اصل الحكم هو السبب وبعدها ماتش انبى بعد كنا متقدمين 3 اتعادلنا وقلنا اصل لاعيبة الاهلى عندهم العزر بيفكروا فى اليابان وبارودو ماتش المحلة رغم الفوز كان الاداء سيىء وباردو قلنا اصل اليابان اهم وكل ده هيتعدل لما يرجعوا بالسلامة بعد لما يوصلوا النهائى قدام مانشستر!!!
واهى البطلوة بدأت وراحوا اليابان اللى اتحججنا بيها والنتجية كانت ايه خسر الاهلى من اول مباراة وبنتيجة اكتر المتشائمين مكنتش يتوقعها ابدا
واسباب الهزيمة كتير اوووى متعدوش
اولها واهما الاعلام: الاعلام اللى كبر الموضوع وقعد يقول الاهلى فى النهائى ونسى او تنساى ان الوصول للنهائى مش بالسهل كده وكله حلم بالللعب قدام مانشستر لدرجة انه فيه ناس كمان توقعوا الفوز بالبطولة
وللاسف لا الاعلام ولا الناس دى اتلعمت من درس 2005 اللى قعدنا نقول فيه الاهلى مع ليفربول فى النهائى قبل ماالبطولة تبدأ
ثاتى اسباب الخسارة : الثقة والغرور عن الاعيبة وعند جوزية بعد لما افتكروا انه باحرازهم هدفين انهم كده نهو الماتش ونسيوا ان المابارة بتنتهى بصفارة الحكم
اما السبب التالت: فهو العبقرى افضل مدرب اجنبى فى تاريخ الاهلى ومحدش يقرد يشكك فى ده ولكن لكل كبير بقى غلطات لا يمكن تتغفر
غلطة جوزية كانت كبيرة اووى مش فى الماتش ده بس لا من قبل كده جوزية فى 4 سنين كان بيعتمد على 14 لاعب مفيش غيرهم وكأن بقاى ال30 لاعيب دول ولا حاجة
ومعملش ابدا حساب ان هايجى يوم الاعيبة دى مش هتقدر تكمل وهى دى سنة الحياة ومبناش فريق تانى يلعب فى الظروف الصعبة وكان لما حد يجى ينقتده على الاعيبة اللى بيقعدهم على الدكة يقول ماهو انا بكسب انتم عايزين ايه تانى
والنتيجة اهى بانت وفيه لاعيبة كتير اتظلموا ومااخدوش فرصتهم وفيه لاعيبة اتغدر بيهم زى اسلام وبوجلبان وهيحصلهم شادى !!!
اما بقى اخر سبب من الاسباب دى لاعيبة الاهلى اللى بجد حسيت انهم ماكنوش فى المباراة او كأنهم اتخدروا فى الشوط التانى
واها نسيت سبب المفروض كان يبقى السبب رقم 1 وهو غياب روح الفانلة الحمراء اللى ماكنتش موجودة نهائى فى الماتش
روح الفانلة الحمراء اللى مهما الاهلى بيكون سيىء بيفضل عنده روح البطل وروح المكسب لاخر دقيقة
الروح دى اختفت تماما فى الماتش
واخيرا رسالة لبعض الاعيبة
امير عبد الحميد: تسال عن الهدف الاول والتانى وخصوصا التانى لانك مش عارف تظبط حيطة !!
شادى: انت فين ياراجل هى البورصة كلت دماغك ولا ايه ونسيت الكورة
احمد حسن: زعلت جدا ليك لانى كان نفسى نحقق حاجة فى اليابان لانها اول مرة ليك ولكن رغم كل ده بقولك اعتزل ياكابتن عشان تحافظ على تاريخك
بركات: بجد من اسوأ الاعيبة الى كانوا فى الماتش للاسف بقول كن وانا حزينة جدا عليك وعارفة انك من اكتر الاعيبة حزنا لانك تانى مرة تروح ونخسر من اول مباراة
فلافيو: اسوأ لاعب فى المابارة بجد زهقنا انت اثبت انك مش لاعيب وان الاجوان اللى بدلخها دى كلها صدفة
احمد فتحى: فعلت ماتقدر عليه كفاية انك لعب 90 دقيقة وانت لسه راجع من الاصابة
اما ابو تريكة: افضل واحد فى المباراة فعلت كل شىء واديت ما عليك صنعت هدفين وكنت اكثر اللاعبين حزنا بعد المباراة ستظل دائما الافضل مهما حدث
اسفة انى طولت عليكم معلش استحملونى
ورغم كل ده عايزة قول كلمة
سيبقى الاهلى فوق الجميع سيبقى الافضل دائما وابدا
فشمس الاهلى لاتغيب ابدا وماهى الا كبوة ولكل جواد كبوة
وهنفضل نحبك يااهلى ونقولها باعلى صوتنا احنا اهلاوية للابد ونفتخر
خسر الاهلى المباراة الافتتاحية ضد بتشوكا والمشكلة ليست فى الخسارة فاى فريق معرض للهزيمة ولكن المشكلة شكل الخسارة وكيبف خسر الاهلى بعد شوط اول كان متقدم بهدفين وبعد ان ضمن الجميع المابارة وقالوا انه الاهلى سوف يحقق الفوز لا محالة وبعدد وافر من الاهداف
وجاءت الرياح بما لاتشتهى السفن وبدأ الشوط التانى ومع اول هجمة احرز بركات هدف تالت للاهلى ولكن الغاه الحكم بداعى التسلل وربنا كان هذا الهدف غير الكثير واردتد الكرة بهدف فى الاهلى
ومع مرور الوقت سيطر لاعبو بتشوكا على اللقاء واحرزوا الهدف التانى والهدف التعادل ورغ كل ذلك لم يتحرك الاهلى والاغرب لم يتحرك الجهاز الفنى واستمرت السيطرة لصالح بتشوكا حتى دخلنا فى الوقت الاضافى واحرزوا الهدف الثالث ومازال لاعبو الاهلى فى غيبوبة تامة وكان المباراة انتهت بفوزهم
وفى نهاية الوقت الاضافى احرز بتشوكا الهدف الرابع ليقضى تماما على احلام الاهلاوية فى الصعود للمباراة التالية
والسؤال هنا ما الى حدث للاهلى وما هذا التغير الكبير فى المباراة ومهاى هى اسباب الهزيمة الساحقة ؟!
فى البداية انا مش جاية انتقد ولا جاية اهاجم لكن جاية اقول اللى جواية ليكم واخد رايكم فى اللى حصل
جاية اقولكم ان الاهلى خسر قبل مايلعب الماتش خسر وهو هنا فى القاهرة قبل مايسافر ومش من قبل مايسفار كمان لا ده خسر من ييوم ماتش انيمبا مباراة الذهاب وهو خسران
الهزيمة دى كانت قاسية اوووى لكن جت فى وقتها عشان نراجع حسابتنا من جديد
الاهلى مستواه فى النازل من فترة كبير وكنا بنعدى عشان كان بيكسب حتى الماتش النهائى عدناه مع انه الاهلى كانت ممكن تضيع منه البطولة لكن محدش اتكلم ولا قال عشان ده نهائى والاهلى كسب بقى ياعم البطولة عايزين ايه تانى!
ولما رجعنا بالكأس ولعبنا فى الدورى وخسرنا من اتحاد الشرطة اخر الدورى قولنا اصل الحكم هو السبب وبعدها ماتش انبى بعد كنا متقدمين 3 اتعادلنا وقلنا اصل لاعيبة الاهلى عندهم العزر بيفكروا فى اليابان وبارودو ماتش المحلة رغم الفوز كان الاداء سيىء وباردو قلنا اصل اليابان اهم وكل ده هيتعدل لما يرجعوا بالسلامة بعد لما يوصلوا النهائى قدام مانشستر!!!
واهى البطلوة بدأت وراحوا اليابان اللى اتحججنا بيها والنتجية كانت ايه خسر الاهلى من اول مباراة وبنتيجة اكتر المتشائمين مكنتش يتوقعها ابدا
واسباب الهزيمة كتير اوووى متعدوش
اولها واهما الاعلام: الاعلام اللى كبر الموضوع وقعد يقول الاهلى فى النهائى ونسى او تنساى ان الوصول للنهائى مش بالسهل كده وكله حلم بالللعب قدام مانشستر لدرجة انه فيه ناس كمان توقعوا الفوز بالبطولة
وللاسف لا الاعلام ولا الناس دى اتلعمت من درس 2005 اللى قعدنا نقول فيه الاهلى مع ليفربول فى النهائى قبل ماالبطولة تبدأ
ثاتى اسباب الخسارة : الثقة والغرور عن الاعيبة وعند جوزية بعد لما افتكروا انه باحرازهم هدفين انهم كده نهو الماتش ونسيوا ان المابارة بتنتهى بصفارة الحكم
اما السبب التالت: فهو العبقرى افضل مدرب اجنبى فى تاريخ الاهلى ومحدش يقرد يشكك فى ده ولكن لكل كبير بقى غلطات لا يمكن تتغفر
غلطة جوزية كانت كبيرة اووى مش فى الماتش ده بس لا من قبل كده جوزية فى 4 سنين كان بيعتمد على 14 لاعب مفيش غيرهم وكأن بقاى ال30 لاعيب دول ولا حاجة
ومعملش ابدا حساب ان هايجى يوم الاعيبة دى مش هتقدر تكمل وهى دى سنة الحياة ومبناش فريق تانى يلعب فى الظروف الصعبة وكان لما حد يجى ينقتده على الاعيبة اللى بيقعدهم على الدكة يقول ماهو انا بكسب انتم عايزين ايه تانى
والنتيجة اهى بانت وفيه لاعيبة كتير اتظلموا ومااخدوش فرصتهم وفيه لاعيبة اتغدر بيهم زى اسلام وبوجلبان وهيحصلهم شادى !!!
اما بقى اخر سبب من الاسباب دى لاعيبة الاهلى اللى بجد حسيت انهم ماكنوش فى المباراة او كأنهم اتخدروا فى الشوط التانى
واها نسيت سبب المفروض كان يبقى السبب رقم 1 وهو غياب روح الفانلة الحمراء اللى ماكنتش موجودة نهائى فى الماتش
روح الفانلة الحمراء اللى مهما الاهلى بيكون سيىء بيفضل عنده روح البطل وروح المكسب لاخر دقيقة
الروح دى اختفت تماما فى الماتش
واخيرا رسالة لبعض الاعيبة
امير عبد الحميد: تسال عن الهدف الاول والتانى وخصوصا التانى لانك مش عارف تظبط حيطة !!
شادى: انت فين ياراجل هى البورصة كلت دماغك ولا ايه ونسيت الكورة
احمد حسن: زعلت جدا ليك لانى كان نفسى نحقق حاجة فى اليابان لانها اول مرة ليك ولكن رغم كل ده بقولك اعتزل ياكابتن عشان تحافظ على تاريخك
بركات: بجد من اسوأ الاعيبة الى كانوا فى الماتش للاسف بقول كن وانا حزينة جدا عليك وعارفة انك من اكتر الاعيبة حزنا لانك تانى مرة تروح ونخسر من اول مباراة
فلافيو: اسوأ لاعب فى المابارة بجد زهقنا انت اثبت انك مش لاعيب وان الاجوان اللى بدلخها دى كلها صدفة
احمد فتحى: فعلت ماتقدر عليه كفاية انك لعب 90 دقيقة وانت لسه راجع من الاصابة
اما ابو تريكة: افضل واحد فى المباراة فعلت كل شىء واديت ما عليك صنعت هدفين وكنت اكثر اللاعبين حزنا بعد المباراة ستظل دائما الافضل مهما حدث
اسفة انى طولت عليكم معلش استحملونى
ورغم كل ده عايزة قول كلمة
سيبقى الاهلى فوق الجميع سيبقى الافضل دائما وابدا
فشمس الاهلى لاتغيب ابدا وماهى الا كبوة ولكل جواد كبوة
وهنفضل نحبك يااهلى ونقولها باعلى صوتنا احنا اهلاوية للابد ونفتخر
