كلام حسيته وحبيت اكتبه
فاكر زمان... لما كنا بنقعد مع بعض في ايام الطفولة البريئة
كنا بنلعب مع بعض وبنذاكر مع بعض ... وكنا زي الاخوات او يمكن اكتر..
والايام عدت اهو وكبرنا وانا لسه شايفاك قدام عيني اخويا اللي طول عمري
بحبه اوي وبحترمه...
بس بقيت بحس في نظراتك باحساس غريب ...
مش احساس زمان اللي دايماً كنت بحسه , نظراتك ليا فيها كلام
كتير نفسك تقوله بس مش قادر وشكلك مكسوف مني
مش عارف تقولها لي ....
ياااااااااااااااااااااه انت اتغيرت اوي معايا
مع اني لسه بحبك زي اخويا بس مش عارفة اقولك ايه
بجد خايفة تقولهالي ...
مش عايزة احس اني الذنب في حبك ليا اللي مكنتش اتمنى تحسهولي
عمري ما حسيت انك ممكن تحبني كده
خايفة اجرحك لما تقول لي بحبك
مش عارفة اقوللك انت زي اخويا ولا اعمل ايه..؟؟
هجرحك وانا مش قصدي بس مش قدامي الا كده
طب اعمل ايه..؟؟
