اهلا بكم عشاق ومحبي النجم عماد متعب
في حلقه جديده مع ضيف جديد وشخصيه جديده
وضيفتنا النهارده من نوع خاص جدا
هي حقا عاشقه للقلعه الحمراء
شخصيه تتميز بالعقلانيه والمسئوليه
قدرت توصل لقلوبنا كلنا من خلال
ردودها الجميله
موضوعتها المتميزة
اسلوبها الرقيق
حقا هي شمس تنير المنتدي
ضيفتنا الليله هي المشرفه الرقيقه
shams EL Doha
golden girl: اهلا بيكي يا جميل
shams el doha: اهلا و سهلا بيكي
golden girl: عامله ايه وايه اخر اخبارك ؟
shams el doha: تمام الحمد لله اخباري اني سيبت شغلي القديم و روحت شغل تاني
golden girl: الف مبروك يارب تكوني مرتاحه فيه
shams el doha: الحمد لله
golden girl: ف البدايه احب انك تعرفينا بيكي اكتر وتقوليلنا بطافتك الشخصيه
golden girl: اتفضلي
shams el doha: انا اسمي غادة مواليد 86 اتخرجت السنة اللي فاتت من كلية الالسن و اعمل الان مترجمة بوزارة البيئة
golden girl: ربنا يوفقك يا قمر
shams el doha: ميرسي يا جميل
golden girl: اكبر حلم تتمني تحققيه ف حياتك ؟
shams el doha: بما اني اتخرجت و ده كان اكبر حلم لي يبقي حلمي الكبير الان هو ان البس فستان الفرح
golden girl: قريب ان شاء الله يا قمر
golden girl: بس ابقي اعزميني بقي
shams el doha: اكيد انتي اول المعازيم
golden girl: ربنا يخليكي يارب
shams el doha: عقبال اما نجيلك
golden girl: هههههههههههههههههه لسه بدري
shams el doha: بعد الشهادة بس مفيش مانع من خطوبة
golden girl: اكييد طبعا
shams el doha: بالتوفيق يارررررررررب دايما
golden girl: طيب انتي ايه نظرتك للحياة الزوجيه ؟
shams el doha: الحياة الزوجية هي اتحاد بين طرفين يكمل كل منهما الاخر و اتحاد بين شخصيتين و لا مجال لاعلاء شخصية فوق الاخري
golden girl: جميل اوي التعريف ده
golden girl: عقلاني جدا
golden girl: طيب يوم ما تختاري شريك حياتك هايكون بقلبك الاول والا عقلك الاول
shams el doha: انا عاطفية بطبعي و قلبي بيتحكم فيا كتير لكن برده بحكم عقلي و خصوصا اذا كان الزواج تقليدي و ليس قصة حب
golden girl: طيب وايه اخبار قلبك حاليا ياتري عايشه قصه حب والا لا ؟
shams el doha: بصراحة مفيش حاجة في الوقت الحالي بس اتمني
golden girl: ربنا يوفقك يا جميل
golden girl: احكيلنا عن اول قصه حب ف حياتك ؟
shams el doha: القصص العادية اللي بنعيشها و احنا صغيرين و التي لا تتجاوز الاعجاب
golden girl: يعني ماعشتيش قصه حب حقيقيه؟
shams el doha: في اوقات كنت بحس ان القصص العادية حقيقية لكني اكتشف بعد نهاية الاعجاب انه مجرد نزوة فانتظر التالية لتكون حقيقية فاجدها نزوة فبالفعل انا لم اعيش قصة حب حقيقية حتي الان
golden girl: مش شايفه ان ردك عقلاني اوي
golden girl: ليه مش بتردي بعواطفك
golden girl: هل ده قصد منك والا انت مش بتسمحي لعواطفك تأثر علي عقلك
shams el doha: الكلام لايظهر العاطفة فانا ارد بعد انتهاء مثل هذه التجارب و بعد تحليلي لها لكن في وقتها اغفل كل هذا و تحركني العاطفة فقط
golden girl: انتي كنتي قسم ايه ف كليتك
shams el doha: انجليزي
golden girl: بس واضح انك ضليعه ف اللغه العربيه
shams el doha: ده بحكم الترجمة
golden girl: بتستخدمي كلمات باللغه العربيه ف حياتك العاديه مع الناس عامه الشعب يعني
golden girl: والابتتصرفي بتلقائيه
shams el doha: لا ابدا بس عشان ده حوار و الصحفيين ميعيبوش علينا
golden girl: ههههههههههههههههههههه
golden girl: لا ماتخفيش ماحدش شايفنا
shams el doha: الحذر مطلوب
golden girl: طبعا مطلوب جدا
golden girl: بس هل الحذر مع اي شخص والا ناس معينه فقط
shams el doha: الحذر مطلوب مع اي حد خارج عيلتك الصغيرة الاب و الام و الاخ و الاخت
golden girl: طيب ايه رايك ف الصداقه ؟
shams el doha: مفيش حاجة اسمها صداقة دلوقتي
golden girl: خالص نهائي يعني
golden girl: ليه انتي مش عندك اصدقاء
shams el doha: عندي زملاء مش اصدقاء مفيش اي حد اثق فيه فاحكيله اي حاجة في حياتي
golden girl: طيب امتي تدي الثقه لشخص ؟
shams el doha: بصي انا لم اقابل حتي الان من اثق فيه او فيها و لكن لو و ثقت فيه الثقة الكاملة سأحكي له و لكني متأكده اني مش هاحكي لحد حاجة لان مفيش صداقة حقيقية زي ما قولتلك في الاول
golden girl: اوك
golden girl: هل اول حب هو اصدق حب؟
shams el doha: بيقولوا كده
golden girl: طيب وجهه نظرك انتي ايه
shams el doha: اول حب يتوقف علي ما اذا كان نزوة ام حب حقيقي فاذا كان حب حقيقي بتكون المشاعر فيه فياضة و من غير حساب و بيبقي فعلا صادق و بالتالي فهو الاصدق لان اول مرة يقول الواحد الكلمة وهوه حاسسها لكن لو حب تاني مبيكونش بطعم الحب الاول
golden girl: طيب هل الانسان قادر علي ان يحب حب حقيقي اكتر من مره ف حياته ؟
shams el doha: معتقدش
golden girl: ليه لا
shams el doha: زي ما قولتلك اول كلمة حب بتطلع هي اصدق كلمة حب
golden girl: ماشي
shams el doha: ايه مش مقتنعة
golden girl: لا عادي
golden girl: الاختلاف ف وجهه النظر لا يفسد للود قضيه
golden girl: ايه الحاجه المجنونه اللي نفسك تعمليها ؟
shams el doha: اسافر للاهلي الكاميرون دلوقتي
golden girl: ايه رايك ف تشجيع البنات للكورة
shams el doha: حلو جدا
golden girl: وان البنت دلوقت اصبحت مهتمه بالكورة اكتر من الولد
golden girl: ومتعصبه اكتر كمان
golden girl: هل ده ممكن يتأثر علي شخصيتها
shams el doha: بالضبط متعصبة لان البنت عاطفية اكثر و لكن انا كنت بشجع الاهلي من و انا صغيرة و لكن لما كبرت و بعد امم افريقيا 2006 قررت ان اتابع بصفة مستديمة كل المباريات و الاستوديوهات التحليلية و لا ننكر ان بعض اللاعبين مثل ابو تريكة و عماد متعب قد زادوا من اهتمام الناس بالكوره بمعني انهم اتوا بجمهور اكثر للاهلي
shams el doha: لا التشجيع ميأثرش ابدا في الشخصية
golden girl: بس اعتقد ان الكورة خلت البنات يهمتوا بالحاجات الفرعيه وينسوا الحاجات الاساسيه طبعا مش كلهم بس معظمهم
shams el doha: ازاي
golden girl: زي ان بعض البنات بقت كل حياتهم الكورة
golden girl: واخبار اللاعب ده واخبارر ده
golden girl: ونست انها بنت المفروض فيه حاجات اساسيه الاول تتعملها
golden girl: وان الكورة دي مجرد هوايه او ف وقت الفراغ
golden girl: مش كل حياتها
shams el doha: و الله يهتموا بالكورة افضل من انهم يهتموا بحاجات فارغة بتاعة اليومين دول
golden girl: حاجات فارغه زي ايه ؟
shams el doha: زي الحاجات اللي بنشوفها في الشوارع و اللي اساءت لكل البنات
golden girl: بس برده انا شايفه ان مش شرط ان عشان البنت تبعد عن الحاجات اللي زي دي انها تخلي لكورة تشغل كل تفكيرها وتطغي علي اساسيات الحياة
golden girl: الحياة بدون اساس ليست حياه
golden girl: والا ايه
shams el doha: اساسيات زي ايه
golden girl: زي المطبخ والدين و التعليم
shams el doha: لا طبعا
shams el doha: الكورة فعلا مجرد هواية
golden girl: اوك
عدل سابقا من قبل goldengirl في الإثنين نوفمبر 17, 2008 10:45 pm عدل 1 مرات
