من طرف FreeSoul الأحد نوفمبر 09, 2008 2:58 pm
Marmar كتب: FreeSoul كتب: أسمحولى انى أشاركم باللى أنا حساه ...
متعب مش هو اللى أستجعل ..الأهلى و البعض هم اللى دفعوه للأحتراف ...
و أديهم أهم دلوقت فى الأهلى عرفوا غلطتهم و عاوزينه يرجع..
طبعا أكيد محتاجين للعمدة فى اليابان ..
على العموم ..يا رب الأهلى ينجح ..و متعب يرجع و يتجمع الموتعب معاهم تانى فى أقوى فريق فى العالم يقيادة أبو تريكة العظيم...
و شكرا و تقبلوا مشاركتى...
مع احترامى ليكى ولكلامك
مش الاهلى هو اللى دفع متعب للاحتراف بالعكس جوزية كان متمسك بيه لكن حس انه مش هايفيد الاهلى طول ماهومشغول بموضوع الاحتراف
صحيح احنا نفسنا متعب يرجع للاهلى لكن مش معنى كده ان الاهلى غلط وعايز متعب يرجع
اولا الاهلى ماغلطش عماد هو اللى كان عايز كد ثانيا الاهلى مابقفش على عماد ولا غيره وصحيح متعب لاعب مؤثر جدا لكن باذن الله الاهلى لما يروح اليابان من غير متعب هايلعب ويكسب ويجيب مركز متقدم ان شاء الله
لان الاهلى كبير اوووى ومش غياب لاعب ولا عشرة يفرقوا معاه
انا متاسفة ان كنت رديت عليكى كده بس حبيت اوضحلك النقطة
______________
أنا بشكرك أوى يا مرمر و ليه أنتى يا جميلة متأسفة ..يا بنتى أنت عسولة أصلا ..مافيش مواضيع الأسف دى بينا
أنا عارفة أن ده أحساسك و أنا بحترمه جدا..أنا بس شايفة حاجة مختلفة بخصوص الموضوع ده و حبيت أشاركم فيه..
بصراحة أنا حسيت أن متعب هو اللى أتظلم وانه مكنش حيمشى أبدا للأتحاد الا للشديد خاصة و أنه دايما كان عايز يحترف فى أوروبا مش أى دورى عربى .
و لكن من الواضح انه كان مضغوط عليه ..و المضغوط عليه بيعمل الحاجات غصب عنه مش بارادته و من غير ميكون فعلا عايز كدة..
أصل لما يلاقى هذا العدد المهول من المهاجمين اللى الأهلى كان عمال _و مايزال!!_ بيشتريهم ( معلش يعنى هجوم الأهلى مش كان ناقص حد ..متعب كان شايل هجوم الأهلى و عندنا فلافيو و عندنا أسامة حسنى و عندنا بلال )
و كمان أن جوزيه كان كل شوية يطلعه فى الماتشات و ده شىء بيزعله ..
و حاجات تانية أحنا منعرفهاش و مش متأكدين منها ..
يبقى كان لازم يمشى..
على العموم ده أحساسى و رأيى ,, و برضه أكيد أن الأهلى كبير و لكن غياب متعب مؤثر,, و بجد أنا بتمنى أنه يرجع للأهلى و يروح معاهم اليابان ..
و على العموم ..يارب دايما يوفقه فى أختياراته و يسعده..
و شكراااااااااااااااااااااااااااااااااااا ليكى يا قمر..
