هل فعلا اصيب زكى وميدو ام افتعلوا موضوع الاصابة.....مجرد سؤال ؟

مش جاية اهاجم حسن شحاتة ولا المنتخب احنا داخلين على فترة مهمة ولازم كلنا نكون وراهم
بس السؤال اللى هايجننى
هل فعلا عمر زكى وميدو اتصابوا قبل الماتش وعشان كده خرجوا من ال18 ولا ده كلام جرايد
بصراحة عندى شك بنسبة 80% ان الكلام ده كلام جرايد
اصل يعنى الاتنين يتصابوا وفى وقت واحد مش غريبة شوية
احساساى بيقولى ان ده فيلم لان زكى وميود حاسه انا لماتش ملوش اى لازمة بالتالى قالوا نرتاح احسن بدل مانتصاب فى الماتش وعندنا ماتشات فى الدورى الانجليزى وطبعا بالنسبة لهم الدورى الانجليزى اهم من منتخب مصر
فقرروا انهم يروحوا لشحاتة ويقولوا الكلام ده
واصل شحاتة راجل طيب فقالهم مش مهم خليكم انتم ياحبايبى يازمالكوية الدروى الانجليزى اهم وماتش المنتخب نطحن فيه لاعيبة الاهلى وايه يعنى اصلهم ماعندهمش اى مباريات مهمة !!!
وايه يعنى لما العب كل لاعيبة الاهلى الماتش كامل وامرمتهم يعنى هو انيمبا احسن من المنتخب

والله ياجماعة انا ماقصدى اهاجم المنتخب بس حاجة جوايا هى اللى خلتنى اكتب كده اصلى مش مقتنعة بصراحة باصابتهم دى
على العموم بادرو خلينا نخلص النوايا معاهم
ده كان مجرد سؤال حبيت اعرف رايكم فيه

شكرا يا مرمر على التوبيك
بس انا اختلف معاكى فى عمرو زكى انما ميدو الله اعلم مدى اصابته صح او غلط
المهم عمرو زكى لو متابعه الدورى الانجليزى لعب مباراة مانشيسترسيتى واتصاب فيها وخرج قبل نهايه المتش وبعدين جه الديربى المصرى الانجليزى ميدو وشوقى ضد زكى
وزكى لعب اسوا مباراة ليه وكان مصاب وخرج برضه فى منتصف الشوط التانى ومعملش حاجه والمدرب قاله واتنشرت حتى فى الصحف والمواقع
انه لو مصاب ميلعبش عشان الاصابه متزيدش
فانا اصابه زكى اعتقد انها صح اما ميدو فهو معروف انه لم يقدم شىء للمنتخب حتى الان فمش غريبه عليه يعنى
الا لو بجد يوم الاحد القادم ملعبش مع فريقه ضد نادى تشيلسى يبقى كدة فعلا مصاب واحنا ظلمناة
وكمان زكى المفروض يلعب ضد ليفربول الاحد او السبت برضه فلو لعبوا يبقى فعلا بيتهربوا

بصراحه انا معاكي يا مرمر اصلها حاجه تجنن ان الاتنين يتصابو مره واحده الموضوع فعلا مش منطقي و ممكن زي ما قلتي الماتش مش مهم يبقي خلاص ملوش لزوم يلعبو الدوري الانجليزي اهم من المنتخب بس برضه الله اعلم