البحر هادى
والشط عادى
والموج قصادى
الشمس طالة
والرملا صفرا
وموجة جايه
قصاد عنيا
بتبص ليا
ايه ده
بتقرب عليا
ها ... كمان شوية
هتقولى حاجة
هتقولى حاجة
انا مش سمعاكى
مين؟
مين اللى رماكى؟
بتجرى ليه؟
فيكى ايه؟
هدى... استنى
رجعتى ليه ؟
نسيتى ايه؟
خوفتى منى؟ولا زعلتى؟
لأ لأ سيبوها
انا مستنياها
نسيتى حاجة؟
ولا جايه؟
ماشى خلاص
هغمض عنيا
وهختار اه هختار
ايوة انا اختارته
اختارته هو ايوة هو
مش ده اللى فى قلبى جوة?
اتريها كانت موجة فى قلبى
كانت جاية تفوئنى
يا خسااااااااره خافت منى
حست انى مش هصدقها
حسيت انى هغرقها
ياااااااااااااه اترينى كنت بعشقها
ياريتها كانت وصلت ليا
بس لو عاشت شويا
ياريتها جت وخدتنى
من حبى خرجتنى
ونزعت منى قلبى
ورمتنى فى قلب البحر
ههههه ااااااااااه
دا قلبه عليا احن من قلبى
