طلباتك ................ اوامر

بصوا يا بنات الصفحة دي انا عملها للطلبات يعني اي واحدة عايزة حاجه معينة اول عندها سوال معين تسيبه في الصفحة دي وانا هجيبلها طلبها ان شاء الله

انا كنت عايزة اعمل الموضوع ده من اول ما اتقتح القسم بس كانت اميرة زميلتنا في المنتدي طلبت مني طلب وانا اتاخرت عنها شوية ولما نزلت طلبها فتحت الموضوع
ولو اي بنت طلبت حاجه معينة ينفع يتعمل عنها موضوع هنعمله موضوع في صفحة لوحده لكن لو حاجة بسيطة هتلقيها في الصفحة دي
واي واحدة هتطلب او تسال سوال هبعتلها رسالة خاصة لما انزل موضوعها

مستنية اعرف رايكم وطلباتكم

ميرسى ليكى جدااااااااااا على الفكرة دى
وانا عندى طلب عايزة صور لتصاميم فساتين

انا عايزه اعرف ايه سبب النمش وايه علاجه


وكمان هوا سوال احتمال يكون غبي انا سمعت ان فيه نوعيه من العيون الوانها بتتغير حسب الضوء؟ الكلام ده صح


وكمان عاوزه اعرف اخر موضه نزلت

كترت عليكي استحمليني

اوكي يا جماعه بس عايزة اسال عن حاجه

cool lady
انواع الفساتين اللي انتي عايزاها يعني سهرة, مناسبات, عادية, خطوبه, زفاف, ولا عايزاهم كلهم

عاشقه متعب صحن

انتي عايزة تعرفي الموضه في اللبس ولا الميك اب ولا الشعر ولا كلهم بردو

يا جماعه بليز حددولي

انا عايزة فساتين سهرة معلش وزفاف معلش تقلت عليكى










شلة بنات وبس

النمش واسبابه و طرق علاجه

يقول الدكتور عبد السلام الظواهري استشاري الأمراض الجلدية والتناسلية إن النمش عبارة عن تفاعل ما بين الشمس والغدد الصبغية الموجودة في الجلد فينتج عن هذا التفاعل زيادة في كمية صبغة الميلانين في الخلايا الصبغية فيصطبغ الجلد باللون الغامق وهو يحدث دائما في الأماكن المعرضة للشمس؛ لذا فإن الحل الأمثل هو تجنب أشعة الشمس قدر الإمكان واستخدام عاكسات الشمس . وهناك دهانات موضعية تستخدم كعاكسات للشمس، وتوضع قبل التعرض للشمس بنصف ساعة على الأقل.
ويمكنك كذلك استخدام كريمات التفتيح ، ولكن لا بد من استخدامها تحت إشراف طبيب متخصص .
ويؤكد الدكتور فهد عبد الله إبراهيم اختصاصي الأمراض الجلدية والتناسلية هذا الكلام بقوله: يظهر النمش على شكل بقع بنية صغيرة في بعض العائلات خصوصا ذوي البشرة الشقراء ، ولا يعتبر النمش مرضا في حد ذاته إذ انه ينتج عن استعداد وراثي من مجموعات صغيرة من الخلايا الملونة في بؤرات معينة من البشرة إذ تزيد من تكون صبغة الميلانين عند التعرض للشمس ، ولذلك فان النمش يظهر في المناطق المكشوفة فقط من الجلد ، وتزداد حدته في شهور الصيف وتقل تدريجيا في فصل الشتاء ، وللوقاية من النمش يجب الإقلال من التعرض لأشعة الشمس واستخدام الكريمات الواقية والمانعة لأشعة الشمس ، ويمكن استخدام الكي الكهربائي السطحي لبعض الحالات التي لا تستجيب للعلاج بالكريمات وتكون تحت إشراف طبي .
ويقدم لك خبراء التجميل بعض الطرق والوصفات البسيطة للتخلص من النمش: ·
1- انقعي ملعقة صغيرة من الفجل الحار المبشور في عصير ليمونيتين لمدة 48 ساعة في حجرة دافئة ثم عبئيه في زجاجة و ادهني به البقع يومياً باستخدام قطعة قطن .
2- · ضعي طبقة من عصير الليمون الطازج على النمش واتركيه حتى يجف ثم اغسلي وجهك بماء فاتر . كرري ذلك مساء كل يوم حتى يختفي النمش .
3- · اخلطي مقداراً من الأكسجين مع مقدارين من ماء الورد ، واستخدمي الخليط في دهن النمش واحذري أن يصل هذا المحلول إلى الشعر وإلا أصبح فاتحاً بسبب ماء الأكسجين.
4- · امزجي ملعقة كبيرة من عصير الفجل مع ملعقة صغيرة من شرش اللبن وملعقة صغيرة من عصير الليمون الطازج . ضعي طبقة من الخليط على النمش ثم اشطفيها بعد أن تجف .
أما إذا لاحظت بقعاً بنية أو شامات صغيرة على وجها فاتبعي إحدى الطرق الآتية :
5- · سخني أربع أوراق طازجة متوسطة الحجم من نبات(سن الأسد) مع خمس ملاعق زيت الخروع على نار هادئة لمدة 10 دقائق ثم يرفع الوعاء من على النار ويترك الإناء لمدة 3 ساعات ثم يصفى الزيت ويعبأ في زجاجة .
يتميز هذا المستحضر بفاعلية شديدة للتخلص من البقع البنية اللون والشامات الصغيرة التي قد تظهر على الوجه .
6- · قشري ثلاث حبات لوز و انقعيها في الماء ثم اطحنيها ، أضيفي ملعقة صغيرة من عصير الليمون و بياض بيضة واحدة إلى عجينة اللوز ضعي طبقة من الخليط فوق البقع ثم اشطفي وجهك بماء فاتر بعد 15 دقيقة . كرري ذلك يومياً حتى تزول البقع .
7- · قشري ثمرة تفاح ، واُهرسيها جيداً لصنع عجينة ، وضعيها على مكان البقع. وكرري ذلك يومياً.
8- · يمكنك استعمال كريم الصبّار بصفة منتظمة إذ يساعد على إخفاء النمش ، كما أنه يفيد البشرة الدهنية بصفة خاصة حيث يخلصها من الدهون الزائدة بها.

ان حبيت اكتبلك اسماء الدكاترة علشان تتاكدي انه كلام علمي

لا ابدا متقوليش كده وحلا هيكونوا عندك يا cool lady

انا عاوزه اعرف الموضه في اللبس

وشكرا جدااااااااااااااااااااا ليكي

cool lady كتب:انا عايزة فساتين سهرة معلش وزفاف معلش تقلت عليكى










شلة بنات وبس

انا جبتلك الفساتين ونزلتهم في صفحة عنوانها :
فساتين من نوع خاص (طلباتك اوامر)

عاشقه متعب صحن كتب:انا عاوزه اعرف الموضه في اللبس

وشكرا جدااااااااااااااااااااا ليكي

انا نزلتلك الملابس في موضوع لوحده اسمه:
ازياء..............2007 (ملابس اخر شقاوة)

ميرسى اوى اوى اوى معلش تعبتك معايا








شلة بنات وبس....

ياريت فساتين سهرة للمحجبات
وكمان احدث طرق لفات الطرح

cool lady كتب:ميرسى اوى اوى اوى معلش تعبتك معايا








شلة بنات وبس....

متقوليش كده

وحاضر من عنيه يا مشمشة

تسلم عنيكى يا قمر

mshmsha كتب:ياريت فساتين سهرة للمحجبات
وكمان احدث طرق لفات الطرح

انا جبتلك لفات الطرح وان شاء الله بكرة هنزل الفساتين
معلش اتاخرت عليكي
ااه عنوان الموضوع
لفات طرح للمحجبات (طلباتك اوامر)

mshmsha كتب:ياريت فساتين سهرة للمحجبات
وكمان احدث طرق لفات الطرح

انا جبت فساتين السهرة كمان ومعلش اتاخرت عليكي

ايه يا جماعه هو مفيش حدعايز حاجه ولا ايه ؟

انا عايزه احدث طرق الميكب
وياريت ملابس للحجبات

مجنونه متعب كتب:انا عايزه احدث طرق الميكب
وياريت ملابس للحجبات

اوكي هيكونوا عندك النهارده او بكرة ان شاء الله

انا كمان عايزة فساتين سهرة للمحجبات ممكن؟؟؟








شلة بنات وبس...

cool lady كتب:انا كمان عايزة فساتين سهرة للمحجبات ممكن؟؟؟








شلة بنات وبس...

ان شاء الله بس شوفي اللي موجودين الاول وانا هنزل جديد ان شاء الله

اوكى ميرسى اوىىىىىىىى








شلة بنات وبس...

العفو بس انا والله هنزللك ان شاء الله
بس اعذروني يا جماعه علشان انا امتحانات الكليه قربت اوي وعايزة اذاكر لاني معرفش حاجه عن المناهج
علشان كده بتاخر عليكو

هاي يابوبا بجد موضوع حلو جدااااااااااااا
انا عايزة فساتين طرح للمحجبات ولفات طرح