انا اول مره اطرح مشكله واطلب مساعده في حلها بس السبب اللي دفعني لكدا انها مشكلة لشخص عزيز علي جدا اقرب من نفسي لي ونفسي اساعده لاني حاسس انها مشكلتي زي ماهي مشكلته
ياريت تساعدوني خصوصا انه بيحب البنت دي جدا ودا تاعبه ومأثر عليه ونفسه تحس بيه وتفهمه وتقف جنبه وتعرف ان صعب ان الانسان يلاقي حد بيحبه بجد انا هاحكي المشكله على لسانه كانه هو اللي بيحكيها
----------------------------------------
مش عارف ابتدى ازى بس انا هقول الموضوع باختصار انا كنت مرتبط بببنت ومحصلش نصيب وفى نفس الوقت اتعرفت على بنوته كنت بحكى ليها كل حاجه وكانت بتساعدنى على حل مشكتلى
اتكلمنا مع بعض مره فى مره لما عرفنا بعض اكترا واقنعتها انى اقبلها والحمد لله وافقت بس حصلت لي ظروف منعتني اني اقابلها وفى نفس الوقت كان في حياتها شخص تانى بس بردوا ماحصلش نصيب بينهم ا المهم انا قررت
انى اقف جنبهاواساعدها على اد ما اقدر بس واضح ان الشخص دا كان فى دنيا تانيه وبرغم انى حاولت ارجعهم لبعض لكن فى نفس الوقت كنت معجب بيها ومن غير ما اقبلها عجيبتى شخصيتها اوى وطريقتها فى الكلام
ولما محصلش نصيب بينهم كنت سعيد وكان عندي احساس ان هى دى البنت الى هرتاح معاها واحبها وتبادلني مشاعري ... المهم اتطور الوضع بينا وعرفت عنها كل حاجه وهى عرفت عنى كل حاجه الا حاجه واحده وانا كذبت عليها فيها وقبل
مانتقابل اول مره قلتلها انى كدبت عليها مره ولما اتقبلنا اعدنا مع بعض كنت مبسوط اوى وهى كمان ده الى كنت حاسه لدرجه محسناش بالوقت خالص كان يوم جميل اوى وهى صرحتى بحبها ليا وانا
مرضتش اصارحها بحبى ليها رغم انى حبتها قبل ماتحبنى وتكلمنا فى كل حاجه ولما وصلنا لموضع الكدب كنت متوتر اوى وهى حست بيا وقلتلى انت متوتر عشان الموقف ده قولتلها اة ومش عايز اتكلم فى
وهى وافقت عادى وكملنا يومنا عادى خالص ولما اليوم خلص هى روحت وانا روحت بس كل واحده قلبه مع التانى ده كان احساسى تجاهها اني بحبها من قبل ما اشوفها ولما روحت قلتلى قولى الى انت كدبت
عليا فيه ...قولتها الكدبه دى انا مش ها اقدر اتكلم فيها خالص انا اسف دى حاجه خاصه للغايه المهم انا تعبت من الوضع ده وهى كمان وقفلت الموبيل وفضلت اعد مش بتكلم مع حد خالص حوالى
11 ساعه ولما رجعت كلمتها تانى قلتلى الى حصل حصل خلاص مدام بنحب بعض يبقى كل حاجه تهون
وبعد كده خلاص مفيش حاجه وعادى وكل حاجه طبيعيه لما بتيجى سيره اى بنت مبنا فى الكلام بشوف منها وش تانى خالص . هى شخصيتها غريبه الى حد ما بس فيها كل حاجه حلوه ولزيزه وجميله
وبسيطه وطبيعيه اوى اوى ودى من الحاجات الجميله فيها
بس حصلت حاجه غيرتها من ناحيتي مش عارف ايه ولا قادر اوصل لها
اتقابلنا تانى مره وهى اخر مره فى المره دى هى كانت مع اصحابها اتنين بردو بيحبوا بعض وانا وهى مع بعض قضينا يومنا عادى بس فى اخره قلتلى كلام خلتنى اتكسر من جوايا كلام غريب وجديد عليا
مفيش حد قلهولى قبل كده عشان كده ردى مكنش حاضر وقتها ولما اصحبها مشيوا قولتها ليه بتعملى كده قلتلى انا فرى وحره بحب اعيش كده وقلتلى شخصيتك ضعيفه
بس انا مش كده حقيقة انا بس علشان بحبها ومش بحاول ادايقها واحسسها اني باافرض عليها قيود لمجرد اثبات رجولتي او اكسفها قدام اصحبها يبقى شخصيتى ضعيفه من وجهة نظرها انا اعرف ناس كتير مفيش حد انتقدني بالشكل دا قبل كده خالص عشان كده مكنتش عارف ارد عليها
المهم رحت اوصلها عادى وقبل ما هى تمشى
وقفت وقلتلى انا بحبك كل حاجه فيك شكلك وظروفك وحياتك يعنى اكدت ليا حبها انا كنت مش عارف ارد عليها لان كلمها كان جرحنى ومزعلنى منها ولما رجعنا اتكلمنا من تانى قلتلى كل واحد فينا
فى طريق رغم انى بحبها وهى بتحبنى مش عارف بقى اخره الموضوع ده ايه
فهموني انا غلطان في ايه وليه هي انهت كل حاجه بسهوله كدا
وقولوا لي اصالحها ازاي لاني بحبها ومش قادر استغنى عنها وعارف انها كمان بتبادلني نفس المشاعر
