sagda@ بجد يمكن يكون اخر حوار@فى برنامجكم مع اهلاوى فى رمضان

----------- بسم الله الرحمن الرحيم -------------

اولا انا احب لاول مره فى توبيك اعتزر لضيفه بس صدقونى الضيفه لازم اعتزرلها

واقلها ياريت تسامحنى انا كنت بعمل معاها الحوار وانا مشركز لان وقت الحوار للاسف جه فى وقت حد عمل حاجه ضايقتنى

وبقلها انا بجد اسف اوى كنت اتمنى ان حوارك يكون من انجح الحوارات
ورساله منى لجميع الاعضاء ياريت تركزم مع اجابات الانسانه المحترمه اوى دى
بجد

انا جمب انسانه زى دى مسواش مليم بجد

انا بجد سعيد بل فخر وشرف لى انى عملت معاها الحوار ده
تعرفمم برغم انه اقصر حوار عملته فى حياتى واغرب حوار لانه كله سين وجيم

بس تعرفم
انا اتعلمت حاجه ان فى ناس ربنا بجد بيحبها اوى فى ناس ربنا الى بيكتبلهم كل شئ

وانا بجد بنحنى احتراما للعضوه الى هعرفكم عليها حالا

هى اسم عضوبتها sagda

بجد يجماعه انا المفروض التوبيك ده كنت اصبر عليه شويه
بس خفت يحصل فى الامور امور واطرد ولا حاجه قبل مانزل حوار انسانه بجد

انا مش هقدمها لا

انا الى هعمله هدعلها

بجد ربنا يبارك فيكى ويكتر من امثالك امين يارب بجد ربنا يحميكى ويخليكى لاسرتك

يارب العالمين ثبتها على ماهى عليه من قوه الايمان

يارب العالمين احفظها من اى شر واحميها من الشيطان $

ارجوكم لا تتعجبه اعضاء المنتدى بس بجد
لما تشوفوا الحوار هتعرفم انى عند حق

بجد انا فخور ان لسه فى بنات فى الدنيا باخلاق عضوتنا وضيفتى اليوم فى برنامجكم مع اهلاوى فى رمضان

بجد الانسانه دى والعضوه sagda

شرف لاى حد انه يجرى معاها حوار انا تابعت كل ردودها مومواضيعها بعد الحوار لما اجريته
لانى كنت مستغرب ان لسه فى بنات محترمه لدرجه دى

بجد انا مشس عارف اقول ايه ولا ايه الى شفته بينلى انها فعلا انسانه بقلب وفكر ملاك من السما

انها نعم الفتاه المسلمه الى على حق
بجد يجماعه عاوزكم تدعولها ان ربنا يكرمها وتفضل على كده

انا مش لاقى كلام اقوله غير هترككم مع الحوار القصير جدا
ولكن مع انسانه تساوى الكثير والكثير بجد
ربنا يخليكى لاسرتك ولاهلك

ياريت كل البنات تاخد الانسانه دى قدوه ليها

ياريت بجد
تعالم شوفوا الحوار

اهلاوى لاخر العمر: بسم الله
اهلاوى لاخر العمر: ممكن تعرفينا بنفسك
سجده: اولا كل عام والامة الاسلامية بخير وانتا يا محمد بخير وكل اخواتى واخوانى فى المنتدى
سجده: انا اسمى اية
سجده: وطالية بكلية التجارة الانجليزى رايحة باذن الله سنة تالتة وهتم 19 سنة ان شاء الله شهر 11
اهلاوى لاخر العمر: كل سنه وانتى طيبه
سجده: وانتى طيب
اهلاوى لاخر العمر: ياترى عرفتى المنتدى ازاى
سجده: لا والله دا كان بصدفة البحتة واستركت فية بعد ماعرفت ان فية اقسام عديدة لاتقتصر بس على الكورة
اهلاوى لاخر العمر: عماد متعب بالنسبه ليكى ايه
سجده: اولا انا من اسرة اهلاوية فمن الطبيعى ان انتمى الى النادى الاهلى فانا نشئت على احترام النادى الاهلى وكل من فية واكيد كابتن عماد فرد من النادى فانا احترمة
اهلاوى لاخر العمر: اها
اهلاوى لاخر العمر: كابتن عماد يمثل ليكى ايه
سجده: زى ما قولتلك انا بحترمة لانوا جزء من النادى الاهلى واحد افرادة الى صنعوا بطولات وكان لهم دور فعال
اهلاوى لاخر العمر: اها بجد كلامك رائع
اهلاوى لاخر العمر: ممكن تقللنا مين اصدقائك فى المنتدى
سجده: جزاك الله خير
سجده: بس يا محمد انا مش هكذب عليك وهقول لك انى لى اصدقاك كثير فى المنتدى ولكن جميعهم اخواتى فى الله واخوانى فى الله ولكن هناك من احترمهم وهم كثيرين من يضعوا الموضوعات التى تفيد من حيث الدين وامورة فانا بكون فرحانة لما اشوف هذة التوبيكات شىء جميل اننا نذكر بعض بدين الله
سجده: وهناك ايضا مواضيع فى امور الدنيا تعجبى لما تكون فيها افادة
اهلاوى لاخر العمر: بجد انتى اخجلتينى بكلامك الرائع ده
سجده: جزاك الله خير يا محمد والله دا الى كان نفسى اقولة لان الصحبة الصالحة فى الله تقود للجنة باذن الرحمن فما اجمل ان يكون لك اصدقاء ينبهوك الى طاعة الله
اهلاوى لاخر العمر: ربنا يبارك فيكى يارب
اهلاوى لاخر العمر: مقلتليش انتى ساكنه فين
سجده: وهناك صديقة انا اعتز بها هى دينا على المنتدى لكنها مبتخشش كتير فهى نعم الاخت فى الله وهناك اخريات لكن لم يسعفى حظى بمعرفتهم
سجده: انا ساكنة فى القاهرة
اهلاوى لاخر العمر: اها
اهلاوى لاخر العمر: طب ممكن تقللنا رمضان معاكى بيكون عامل ازاى
سجده: والله بحاول فى رمضان ان التزم على قدر المستطاع حتى تكون بداية لعام جديد يبدا بطاعة الله كما نرجو من الله عز وجل
سجده: فمثلا انا بستيقظ من النوم صباحا على قدر المستطاع قبل صلاة الظهر لصلاة الضحى بفضل الله وهى تصديق عن 365 مفصل الى فى الانسان ثم صلاة الظهر وقراءة القرءان وبعد كدة بعد شوية وصلاة العصر واساعد ولدتى فى المنزل على قد ما اعرف ولكن انا اة بالنسبة لامى فهى كل شىء ثم اسمع اذان المغرب واكسر صيامى واصلى والامانة دة مش فى الكل الايام الى بصلى فيها المغرب قبل الفطار لكن بحاول قدر المستطاع تطبيق سنة الرسول علية الصلاة والسلام وان قل عملى فى كتير من الامور وبعد كدة صلاة العشاء والتراويح ودة طبعا بفضل الله
اهلاوى لاخر العمر: ربنا يبارك فيكى كمان وكمان
اهلاوى لاخر العمر: بجد
اهلاوى لاخر العمر: والله فى اسئله انا مينفعشى الصراحه انى اسئلهالك بقى
اهلاوى لاخر العمر: ههههههههههه
سجده: اسئل يا محمد ما شئت مدام هى فى حدود واعتقد انت اكثر من يعرف ذلك وانا احسبك عند الله كذلك
سجده: يا اخى اين ذهبت اة الاسئلة الى انتى محضرهالى غبت فيها دة كلة
اهلاوى لاخر العمر: ههههههه
اهلاوى لاخر العمر: لا ابدا
اهلاوى لاخر العمر: قللنا بقى ياترى انتى مرتبطه
سجده: لا
اهلاوى لاخر العمر: اها يعنى عمرك مامريتى بقصه حب
سجده: بس يا محمد الحب فى نظرى هو الارتباط الشرعى واكيد الانسان الى هوافق ارتبط بية هيكون مقبول بالنسبة لى وليس معنى ذلك انى متحجرة ولكنى مبحبش ارهق قلبى لانوا غالى عليا فالانسان الى باذن الرحمن هرتبط بية فهو من يستحق ذلك غير كدة مرفوض بالنسبالى اما الحب الى مش فى اطار الاسرة الى يكون بين الاتنين كدة وحدش يعرف انا بحسها انهم اتنين بيعاكسوا بعض الى بيحب حد يدخل البيوت من ابوابها لان امر المراءة بان تكون عزيزة فيجب ان تحافظ على ذلك
سجده: يارب غير اتاخرت تانى لية اسئلة بردة
اهلاوى لاخر العمر: لا
اهلاوى لاخر العمر: ابدا بس انتى حظك
اهلاوى لاخر العمر: انى انهرده
اهلاوى لاخر العمر: مضيع خالص
اهلاوى لاخر العمر: هههههههههه
سجده: يعنى اة
اهلاوى لاخر العمر: طب نكمل
اهلاوى لاخر العمر: حوارنا
اهلاوى لاخر العمر: ياترى انتى مهتمه بالسياسه
سجده: اتفضل
سجده: اة انا بحب السياسة بس انا مش ضليعة فيها يعنى بس بحب اعرف اخبار بلدى واحب يكون ليا رائى الى من وجهة نظرى ممكن يكون صح
سجده: بس مش زيك يا محمد يا اخى فانت اخى فى الله فانت لك الحظ الاوفر فى هذا المجال
اهلاوى لاخر العمر: ربنا يخليكى يارب
اهلاوى لاخر العمر: ممكن تكلمينا عن اسرتك
سجده: بس احنا 4 افراد ماما وبابا وانا ومحمد اخويا وطبعا امى هى اكثر حد انا والله مش عارفة اقول عنها اة كلام الدنيا ما يوفيها ربنا يقدرنى على حسن طاعتها وبابا بردة اما محمد فهو اخويا الاضغر هو اصغر منى بسنة بس لية كل الاحترام فهو نعم الاخ بفضل الله

اهلاوى لاخر العمر: اها ربنا يخليهملك يارب
اهلاوى لاخر العمر: ياترى ايه طموحاتك

سجده: الله يخليك
سجده: طموحى ان ربنا يكرمنى واكون بفضل الله انسانة صالحة فان طريق السعادة هو طريق الله واقولها لله مش مستنية من حد انوا يقول عليا مثالية فلست كذلك ولا احب ان يزكينى احد بما ليس فى لان الواحد قدامة كتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتير علشان يبقى كويس ولى امنية ان ربنا يكرمنى فى حياتى الاسرية والعلمية ونكون جميعا من عباد الله الصالحين يارب

اهلاوى لاخر العمر: امين يارب
اهلاوى لاخر العمر: ممكن تقللنا انتى ايه الى بتتمنيه للمنتدى

سجده: انوا يكون احسن منتدى باذن الله وبرجو ان اى حد بيحط موضوع يبقى عارف اذا كان هيفيد ولا لاء وانهم يدخلوا على قسم الاسلااميات ياريت يهتموا بى فى موضوعات جميلة وانهم يسنوا سنة حسنة زى الصلاة على النبى التذكير بمواعيد الصلاة شوف ممكن تاخد حسنات قد اة على كل واحد انتى بتذكرة ويخش بعدك
--------------------
فى نهايه الحوار شكرا لكم جميعا

اما الضيفه فانا بقلها ربنا يبارك فيكة كمان وكمان انتى قدوه لكل البنات ومثال عظيم للبنت المحترمه

ربنا يخليكى يارب

--------------
هذه المره كنت معكم اهلاوى لاخر العمر


ومش عارف هكون معاكم تانى بالعضويه دى ولا لا

بس ان شاء الله اكون معاكم بس بفكر تانى خالص [/size]

سجده : جزاك الله خير يا محمد والله دا الى كان نفسى اقولة لان الصحبة الصالحة فى الله تقود للجنة باذن الرحمن فما اجمل ان يكون لك اصدقاء ينبهوك الى طاعة الله

بجد كلامك حلو اوي يا ايه وربنا يوفقك ان شاء الله
ويبارك فيكي ويحفظك ويحميكي

ميرسي اوي ع الحوار يا محمد

بجد كلامك رائع اووي وفعلا انت مثل اعلى لناس كتير

وشكرااا يامحمد بجد دلوقتي حسيت ان الدنيا لسه فيها بشر بمعنى الكلمة

مرسى ليكم يجماعه على مروركم بجد

جزاكم الله خير يا جماعة والله على الى انتم قولتوة بالعكس والله انا اقل من كدة بكتير فدا ستر من الله والله العظيم انا لااستحق هذا الثناء وجزاك الله خير يا محمد انتى نعم الاخ فى الله ودائما ابدا باذن الله تكون موجود والناس ما شاء الله بتحترمك وكتير والله الى انتا قولتة فى مقدمتك حقيقى والله انا اقل من كدة بكتير وشكرا والله لكل من دخل وقراء هذا الحوار ربنا يبارك فى صحبتنا هذة ونلتقى عند حوض النبى فى الجنة

بجد انا مش لاقياة حاجة اقولهالك بس بجد انتى انسانة جميلة اوى
ربنا يحفظك ويكرمك ويثبتك على دينك ويكثر من امثالك جزاكى الله كل خير
وانتى خلصتى كل الكلام ربنا يبارك فيكى ياقمر
وميرسى ليك يامحمد

جزاكم الله خير على مروركم مشكروين بس ياريت كلنا ندعى لمحمد بثبات وبقلوة متزعلش وسنظل اتذكر دائما اخى فى الله اهلاوى لاخر العمر

بجد انا مش عارفة اوصفك بأيه يا اية
ربنا يحفظك ويكرمك ان شاء الله
وتحققي كل امنياتك يا رب
ومرسي ع الحوار يا محمد

شكرا على الحوار اكتر من رائع

انا من اول رد ليكي يا سجدة وانا بحترمك وحبيتك اوي وحسيت بمدي اخلاقك
بجد فعلا نعم الاخت الصالحه
ورغم عدم وجود رسايل او كلام ما بينا فانا بجد بحبك اوووووووي في الله
وميرسي لاهلاوي الغائب الحاضر عنا ههههههه
هوة نفسي افهم اطرد ليه
لانه بجد من الشخصيات اللي بحترمها جدا واعتز بمعرفتها في المنتدي
ومش عارفه ليه اطرد عشان كنت غايبه اتمني حد يفهمني

وميرسي ليكي يا سجدة ولاهلاوي تاني انه استضاف عضوة زيك

حوار جميل وكله احترام

تسلم يامان على الحوار الرائع

وانت كبير اوى يامان
والاخت سجده شخصيه محترمه