السلام عليكم ورحمة الله وبركاته
ممكن اطلب منك شوية حاجات واتمنى انك تنفذها لان من واجبك عليا انك تنفذها
انا عايزاك تخليني حاجة كبيرة مش تستقل بيا , تقويني مش تضعفني
لاني قوية بس انت مصر تضعفني , كل مرة بتهرب مني ومش قادر تواجهني
مع انك لو واجهتني ممكن ترتاح , كفاية انك عمال تحطم فيا وبتكرهني ومش مهتم بيا
ثق فيا ولو مرة واحدة صدقني هتكون احسن ارجوك ساعدني وخد بايدي انت بس الي هتقدر تقويني
وفي النهاية احب اعرفك انا مين انا
نــــــــفــــــــســــــك
ليه كتيرالواحد بيستقل بنفسه مع انه لو دور جواها هيلاقي نقاط قوة كتير ؟؟
ليه كتير الواحد مش بيثق في نفسه مع انه لو وثق فيها هيقدر يتحدى اي شىء؟؟
ليه كتير الواحد بيصر انه يدمر نفسه ويعمل انه مش عارف انه بيدمرها ؟؟؟
ليه كتير الواحد بيهرب من نفسه وبيرفض يواجها لو غلط مع انه لو واجها هيلاقي حل وهيرتاح؟؟!
اسئلة كتيرة محدش يقدر يجاوب عليها غير الانسان ذات نفسه
ارجو من كل واحد يقرا الموضوع ان يقدر قيمة نفسه , يثق فيها , يحميها ويهتم بيها ويحاول يخليها احسن
لانها غالية اوووووووووووووي
يارب الموضوع يعجبكم ومستنية رايكم
