الرجل ليس مجرد كلمه او صفه تطلق على الجميع اذا احتلت خانه النوع فى رقمه القومى.
بل الرجل هو الفعل وليس الكلام وحياه الانسان مجموعه من المواقف التى ترصد
طيله حياته اما ان تصبح ذكرى عطره يتلهف على معرفتها والتعلم منها الجميع
او يتم تجاهلها بمجرد الرحيل عن عالمنا.
قد يمتد عمرك لسنوات وسنوات ولكن كتب التاريخ لاتسطيع ان تسطر سطرا واحدا
عنك وقديقتصر عمرك على سنوات قليله جدا لكن التاريخ يكتب عنك المجلدات .
هكذا كان عبدالوهاب ...محمد عبدالوهاب ...هذا الاسم الذى شارك فى فرحه
الملايين اكثر من مره هو نفس الاسم لنفس الرجل الذى اجبر كل الملايين من
المصريين على البكاء فى يوم واحد يوم انفطر فيه قلب مصر على احد ابنائها
الشباب ساهم فى الكثير من المواقف فى رفع اسمها عاليا واسم ناديه .
لم يتحدث كثيرا او طويلا بل تحدث قليلا وعندما وعد اوفى بكل الوعود.
هنا اريد ان أضع كل ما تحتويه مكتبه عبدالوهاب الخاصه بى او ما مازالت تحتفظ به ذاكرتى له.
لا اريد ان اطيل عليكم ............
------------------------------------------------
بتاريخ 3/6/2004 فى مجله الاهلى
فى اول حوار لمحمد عبدالوهاب بعد انضمامه للاهلى قال تحت عنوان
(اخيرا تحقق حلم حياتى واسرتى ورفضت الزمالك من صغرى)
انا مش مصدق نفسى حتى الان وربنا يقدرنى على نيل شرف وحب جماهير الاهلى
وللعلم انا من اسره تعشق الاهلى وكل امنياتها فى الدنيا ان ترانى نجما متالقا مع هذا
النادى الذى يستحق منا الكثير وكل ما اتمناه ان اسعد جماهير الاهلى واسهم
فى حصد البطولات لهذا النادى العريق الذى تمنيت اللعب له *ومستعد للانضمام
ولو ببلاش* فيكفى ان الكابتن محمود الخطيب هو الذى سافر بنفسه للامارات
لانهاء صفقه انتقالى لمده عامين مقابل 70 الف دولار وهنالك شرط مهم فى
العقد يعطى الاهلى اولويه شرائى بعد انتهاء فتره الاعاره .
------------------------------------------------
بتاريخ 4/6/2006 فى جريده الاهرام
قال لقد فضلت عرض الاهلى على عرض الزمالك واياكس الهولندى وبروج البلجيكى
لان الاهلى لا يقل باى حال من الاحوال عن اعرق الفرق الاوربيه
-------------------------------------------------
بتاريخ 15/6/2004 فى اخبار الرياضه
قال اعد جماهير الاهلى ان اكل النجيله لاجل هذا الجمهور وان ابذل مع زملائى الجهد والعرق لاستعاده البطولات من جديد .
----------------------------------------------
بتاريخ 23/5/2005 فى الوفد
قال المشاركه فى المباريات حق اصيل للجهاز الفنى ومستر جوزيه يسعى لوضع افضل
تشكيل ومن المستحيل ان يجامل مدرب لا عبا على حساب نفسه.
---------------------------------------------
بتاريخ 21/6/2004 بمجله الاهلى
قال جوزيه مدرب محترم وعادل ويتعامل مع الجميع باسلوب واحد وهذا ما يجعلنى واثقا
من منحى الفرصه للمشاركه فى المباريات ويكفينى شرف اللعب للاهلى سواء كنت فى
التشكيل الاساسى او على دكه البدلاء.
----------------------------------------------
بتاريخ 16/3/2006 بمجله الاهلى
قال اولا لا يوجد لاعب فى مصر يستطيع مساومه الاهلى والموضوع باختصار اننى تحدثت
مع الكابتن حسام البدرى وعقدت معه اكتر من جلسه وقلت له انا تحت امر الاهلى
وطلبت منه مفاتحه المسئولين فى نادى الظفره وقد حدث بالفعل لكن المفاوضات
تأجلت لحين معرفه شروطهم الماليه وللعلم لا توجد خلافات بينى وبين الاهلى
حول الماديات والجميع هناك متفهمون هذا الامر *ومثلى مثل اى لاعب يكفينى شرف
رتداء الفانله الحمراء وكما يقال (لن افترى على النعمه)فهل يصدق اننى يمكن
ان اساوم اكبر نادى فى افريقيا والوطن العربى بالتأكيد من يفعل ذلك
(مجنون)*.
--------------------------------------------------
بتاريخ 6/7/2006 بمجله الاهلى
قال بينى وبينهم الفيفا لان هناك بندا صريحا فى العقد ينص على فسخه فى حال تجنيدى مع رد جميع المستحقات التى تقاضيتها.
----------------------------------------------
اما عن البرامج التى ظهر بها وان كانت قليله فمازالت ذاكرتى تحتفظ بأهم ما قاله فى تلك البرامج
يوم الاثنين بتاريخ 26/2/2006 فى برنامج ستديو المصريه الرياضى
ضيفه الحلقه الكابتن محمد بركات والكابتن محمد عبدالوهاب ليله مباره
الاهلى وغزل المحله
غندما ساله الكابتن مجدى عبدالغنى عن رايه فى الاحتراف الاوربى
قال( ياكابتن انا ليا رأى خاص ومختلف عن الاحتراف انا مش هحترف غير فى
نادى اكبر من النادى الاهلى لان مش معنى انه نادى اوربى يبقى احسن من
الاهلى الاهلى احسن من انديه كتير فى اوربا)
سأله الكابتن مجدى (طيب لو مجاش نادى احسن من الاهلى)
اجابه عبدالوهاب( يبقى هفضل فى الاهلى الاهلى نادى كبير ونادى بطولات وانا مبسوط فيه وبعدين *مش هموت يعنى لو احترفتش بره* )
------------------------------------------------------
فى معسكى منتخب مصر لمباره اسبانيا الوديه سأله محمد عباس عن انتقاله للزمالك او الاحتراف بعد انفجار مشكله الظفره
قال( الكابتن حسام قعد معايا وقالى ان محتاجينك فى الاهلى فأنا وعدته بانى
هستمر مع الاهلى ) رد عليه محمد عباس (دا كلام نهائى) قاله (ان شاء الله)
----------------------------------------------------
فى برنامج كواليس النجوم
قال (خلينى اعترف انى عمرى ما هحقق بطولات زى اللى حققتها السنه دى مستحيل انى احقق سبع بطولات فى موسم واحد تانى)
رد عليه مهيب (ليه انت لسه صغير ما شاء الله23 سنه بس لسه قدامك العمر طويل ممكن تجيب)
قال عبدالوهاب( اه بس برضه مستحيل)
سأله مهيب (طيب مش هتحترف فى شيفلد)
قاله (لاء احترف ازاى انا لسه مجند)
رد عليه مهيب( زى حسنى عبدربه تاخد اعفا وتحترف)
قاله (لاء انا مستمر مع الاهلى )
------------------------------------------
وفى اخر حوار مع شوبير فى الكوه مع دريم اللى كلنا حافظينه عن ظهر قلب
(وعدت النادى الاهلى ان انا ابقى موجود خلاص وعد ونهائى ومصمم والوعد ما
اقدرش انا اخلف وعدى مع النادى الاهلى دى مسأله مستحيله ان انا اوعد
النادى الاهلى بحاجه واخلفها
لان النادى الاهلى ما وعدنيش بحاجه واخلفها) .
-------------------------------
محمد عبدالوهاب فى ذكرى رحيلك الثانية نتذكرك
تحدثت فصدقت فوعدت فاوفيت فنلت احترام وحب
من الصعب ان يناله انسان.
م ن ق و ل للامانة
عدل سابقا من قبل الأهلي حديد سمسمة في الأربعاء سبتمبر 24, 2008 2:11 am عدل 1 مرات
