التوبيك الى المنتدى كله هيخاف يرد فيه@اهلاوى لاخر العمر واقع

goldengirl كتب:

بداية احب اشكرك علي الموضوع الشيق والمثير للجدل

ثانيه احب ان اناقش حضرتك ف الموضوع

اتذكر مقوله للشيخ الشعراوي قالها للرئيس

فيما معناه

*اذا كنا نحن قدرك فاعانك الله علينا واذا كنت انت قدرنا فاعانا الله عليك*

والحدق يفهم بقي

طبعا انا بأيدك ف معظم كلامك بس اكيد لازم نختلف

لاننا مش عقليه واحده

واختلاف الرأي لا يفسد للود قضيه

جميل جدا انك حاسس بالوضع ورفضت انك تسكت

لا انت اتكلمت وصرخت قوت ده غلط

بتقول كفايا كده وانا معاك وكلنا معاك

وزي ما اميرة قالت

*ان الله لا يغير ما بقوم حتي يغيروا ما بانفسهم*

وكمان ربنا بيسلط الحاك الظالم علي القوم الفاسد

سعني ده من اعمالنا

اما نصلح نفسنا ونبني حياتنا علي مبادئ سح ونسعي للخير

نبقي نطالب بحقنا وباعلي صوت وماحدش يقدر يقف قدامنا

انت ضربت مثل جميل لقائد عظيم نال اعجااب كثير من شعوب العالم ف وقوفه ضد امريكا

بس اما يكون حاكم بالسكل ده يبقي اكيد الشعب كويس

شعب بيفكر صح عنده عقليه ناضحه وبيفهم الكلام الموجه ليه

انما احنا كمصريين او كعرب عموما كل واحد بيقول يلا نفسي

وبنشوف الغلط قدام عنينا ومش بنتكلم يبقي عايز ايه حاكمنا ملاك من السما مثلا

يا اهلاوي * ومن اعمالكم سلطوا عليكم*

قبل ما تحاسب الحكام حاسب نفسك حاسب غيرك واللي حواليك

ادعونا اننا نغير نفسنا

طبعا الحكومه عليها عبء كبير بس مش كل المسئوليه

احنا الشعب كمان لازم نساعد ونتعاون مش قاعدين حاطين ادينا علي حدنا

مستنين الحكومه تعمل وتخلي

الكل عارف ان الحكومه بتسرق وتنهب ولو اتغيرت وجه غيرها هايكون نفس النظام

طيب وايه الحل

الحل بادينا احنا اما نغير من نفسنا نتقي ربنا ف عملنا ونقرب من ربنا اكتر

يبقي ربنا هايقف معانا لان الله عز وجل هو الحق ومابيظلمش عبد ابدا

اما يحصل الحاجات دي نبقي نقول عايز حقي

ونطالب بيه

انما لو فضلنا علي الحال ده مافييش حاجه هتتغير

ده نداء جميل منك للشباب انهم يغيروا من نفسهم

وياريت حد يسمع

بس برده التوبيك مخالف

لان الانسان اما يجي ينتقد شخص لازم يجيب الجانبين الايجابي والسلبي

مش يقول الجانب السلبي بس

ومن وجهه نظري الخاصه ان التوبيك فيه الفاظ ماكنش ينفع تتقال ع العام

انا عارفه ان كل واحد بيقولها ف نفسه

بس برده يا اهلاوي مش كان المفروض تقولها ع الملأ مش خوف من حاجه

ولكنها ف الاول والاخر احترام للحاكم

متنساش برده انت مصري وانا مصريه وكلنا هنا مصريين

ولازم نظهر نفسنا وبلدنا باحسن صورة قدام غيرنا

نقول السلبيات ننتقد اه بس مش نغلط ف حاكمنا

اتمني تكون وجهه نظري وضحت

وياريت مش يحصل سوء فهم

لان كل اللي انا قولته ده



** مجرد رأي **

hader كتب:مرسى ع التوبيك

donaaa كتب:عندك حق يا محمد في كل اللي انت قولته
بس انا عايزه اقول حاجه واحده
سيدنا ابو بكر الصديق لما اتولي الخلافه قاللقد وليت عليكم ولست بخيركم
وسيدنا عمر بن الخطاب قال للناس الايوجد احد يقومني
لكن دلوقتي اي حاكم او صاحب منصب خلاص اكنه اله من حقه انه يستولي علي اي حاجه
له الامر والنهي وده ميرضيش حد
بجد حال البلد دلوقتي مينفعش وميرضيش حد
ولازم علشان يتغير منسكتش لازم نتكلم منخافش من حاجه لان ربنا موجود وربنا مع الحق دايما....
ميرسيىى يا محمد ع التوبيك

ممكن تقليلى تعرفى ايه عن قوانين البلد درستى ايه
عنها

قبل ماتناقشى وتتهمى شعبك
ومجتمعك بانه فاسد
شوفى المجتمعات الاخرى
وكيفيه ادارتها

ممكن حضرتك تكونى مطلعه
على الامور السياسيه
لكن متعرفيش قوانين
متعرفيش اصل العبه
انتى امامك الوضع العام
فقط لاغير ده الى تعرفيه
والحماس
وعظيمه يامصر

والحان سيد درويش
وكلام مصطفى كام

واغانى نانسى لو سالتك انت مصرى

كل دى عوامل مفيده بس
للقلوب فقط للعواطف فقط

لكن السياسه
اقزر لعبه عرفها التاريخ
وفى تعريف من المائه وواحد تعريف لسياسه
منهم تعريف
صهيونى بيقول انها لعبه قزره

اطلقه
واحد اسرائيلى اسمه
يهود بوشيف

ده
كان ضمن 12 واحد الى تم اسرهم من القيادات
فى 73

وهو
احد القيادات الى مخها كبير برغم انه صهيونى
اسرائيل
طالبت بالفراج عنه
اول واحد
من الاسرى

صدقينى مبداء خالف تعرف
مينفعشى وانتى بتناقشى سياسى
المناقشه
لازم بقوانين
وبمعاهدات
مش كلام

شعبك ده شعب مصر افضل الشعوب

مع احترامى ليكى هو توبيك للكبار فقط

متحاوليش تخلى مبدائك دايما انك تخالفى اراء الناس علشان تبقى معروفه وليكى رئى

لكن لو عارفه سياسه كويس
وهتكلمينى
بالقوانين
والمعاهدات
وهتجيبى
الافين منظمه دوليه

وقتها
هنحنى احتراما
وهناقشك بنفس المنهج

ومتزعليش من ردى
بس لازم يكون رد مدام بنتناقش
واهم شئ
ان النقاش
يكون بعيد
عن اى خلافات

وانتى من الشخصيات الى انا بحترمها جداااااااااااااااااااااااااااااااا

goldengirl كتب:احييك اهلاوي علي ردك وانحني لك احتراما وتبجيلا
ولكن ايضا اعترض معك ف وجهه النظر

ممكن تقليلى تعرفى ايه عن قوانين البلد درستى ايه
عنها

قبل ماتناقشى وتتهمى شعبك
ومجتمعك بانه فاسد
شوفى المجتمعات الاخرى
وكيفيه ادارتها

اولا مش لازم اكون دارسه قوانين البلد عشان اتكلم فيها
والا كل شخص يتكلم ف السياسه لازم يكون دارسها وحافظ التواريخ بتاعتها وهكذا
هم دول اللي بيفهمزا ف السياسه يعني لا طعبا
كلنا بنفهم ف السياسه بس بنختلف ف الدرجه الراجل البسيط اللي ماشي ف الشارع بيفهم ف السياسه وبيتكلم فيها وليه اراء سليمه ميه ف الميه
هل من الضرورة ان يكون هذا الرجل دارس سياسه
وعلي فكره قبل ما اتناقش معاك ف الموضوع ده
اكيد انا مطلعه وفاهمه كويس انا بقول ايه
مش داخله اهبل واطلع
كنت ممكن ادخل اشكرك ع الموضوع واصقفلك واخرج بهدوء
بس ده مش مبدأي لازم اناقش كل حاجه مش داخله عقلي
وزي ماقولت قبل كده انا متقفه معاك ف حاجات ومختلفه ف حاجات تانيه

ممكن حضرتك تكونى مطلعه
على الامور السياسيه
لكن متعرفيش قوانين
متعرفيش اصل العبه
انتى امامك الوضع العام
فقط لاغير ده الى تعرفيه
والحماس
وعظيمه يامصر

والحان سيد درويش
وكلام مصطفى كام

واغانى نانسى لو سالتك انت مصرى

كل دى عوامل مفيده بس
للقلوب فقط للعواطف فقط

علي فكره الحان سيد درويش
وكلام مصطفي كامل هو اللي صحي ضمير الناس جواهم
وحث الشعب علي الثورة
ماهو فيه كتير بيطلعوا ينبحوا ف صوتهم ويتكلموا ويقولوا
بس الناس مش بتتحرك غير اما الكام يدخل قلبهم وعقلهم يقتنع بيه

لكن السياسه
اقزر لعبه عرفها التاريخ
وفى تعريف من المائه وواحد تعريف لسياسه
منهم تعريف
صهيونى بيقول انها لعبه قزره

اطلقه
واحد اسرائيلى اسمه
يهود بوشيف

ده
كان ضمن 12 واحد الى تم اسرهم من القيادات
فى 73

وهو
احد القيادات الى مخها كبير برغم انه صهيونى
اسرائيل
طالبت بالفراج عنه
اول واحد
من الاسرى

شكرا اهلاوي ع المعلومه حقيقي مش كنت اعرفها
لان مش لازم اعرف كل حاجه
بس اهم شئ اني اكون ملمه بكل شئ ف الموضوع

صدقينى مبداء خالف تعرف
مينفعشى وانتى بتناقشى سياسى
المناقشه
لازم بقوانين
وبمعاهدات
مش كلام

انا مش ماشيه بمبدأ خالف تعرف
انا مجرد قولت وجهه نظر ف الموضوع
سواء قبلتها او رفضتها ده شئ يرجعلك
وانا معاك ان السياسه كلها قوانين ومعاهدات ولكن برده العقل بيدخل ف كل شئ
يعني الواحدج يجكم عقله ويتكلم
ومادام عنده ادله يبقي خلاص
واعتقد انا قولت كلام من القرأن اعظم من كل شئ
مش كلام من عندي ده الوضع الحالي

شعبك ده شعب مصر افضل الشعوب

فعلا شعب مصر من افضل الشعوب
بس الحال دلوقت لا تعليق عليه
التقليد الاعمي للغرب من غير ما يحكموا عقلهم ف اي حاجه
الفاحشه بقت شئ عادي ومنتشر حتي ف الشوارع
واظن حضرتك شايف الحال وبتشوف الفساد اللي الناس بقت فيه

مع احترامى ليكى هو توبيك للكبار فقط

احب اذكر حضرتك ان الكبار ليش الكبار ف السن ولكنها الكبار ف العقل
ومادام الانسان عنده عقل يقدر يفكر ويحكم ويقول راي
يبقي مباح ليه يتكلم ف كل شئ
ومافييش حاجه اسمها للكبار فقط
ايام الرسول عليه افضل الصلاة والسلام
كان بيسمع للكبير والصغير
والرسول علمنا اننا نستفاد من كل شئ وكل كلمه حتي لو من شخص اصغر مننا
ومتنساش برده ف ناس كتير صغيره ف السن ولكنها قدرت تكسب ناس كبيره ف السن والعقل

متحاوليش تخلى مبدائك دايما انك تخالفى اراء الناس علشان تبقى معروفه وليكى رئى

انت عارف يا اهلاوي ان ده مش مبدأي
واعتقد ان الكل او معظمهم عارفين اني مش كده
انا بقول راي وده وجهه نظري الشخصيه
مش لازم اصدق علي كل كلمه اي شخص يقولها
ابقي كده هدمت شخصيتي واصبحت بلا عقل
مجرد تابعه لاشخاص اخرين
انا عندي وجهه نظر ورأي ومش بقدر اسكت عن اي موضوع
لازم اتناقش فيه مع الاخر
يمكن اكون انا غلط وهو يصححلي
هاكون استفدت كتير جدا
ويمكن يكون هو غلط وانا اوصله المعلومه فاخد ثواب من عند ربنا
انا مش بخالفك عشان حد يعرفني لان الحمد لله الكل هنا عارفيني كويس
فمش منطقي اني اعمل كده
ليه عايزة اتعرف اكتر مثلا

لكن لو عارفه سياسه كويس
وهتكلمينى
بالقوانين
والمعاهدات
وهتجيبى
الافين منظمه دوليه

وقتها
هنحنى احتراما
وهناقشك بنفس المنهج

طيب مانا جبت ادله حضرتك علي كلامي
واستشهدت من القران
وهاكررها تاني
*ان الله لا يغير ما بقوم حتي يغيروا ما بانفسهم*
*ومن اعمالكم سلط عليكم*
هو ده مش كفايا مثلا والا ايه
انا قولت اننا اما نغير نفسنا الحال هيتغير
وده اثبات لكلامي
ممكن اجيبلك اثبات من التاريخ
ايام سيدنا عمر بن الخطاب
لو قارنت بين العهدين مع ان مافييش مقارنه اساسا
شوف زمان كان ازاي ودلوقت ازاي
عشان زمان كانوا ناس بيتقوا الله كان الحاكم الفاروق
انما دلوقت شوف الناس بتعمل ايه وشوف الحاكم مين

ومتزعليش من ردى
بس لازم يكون رد مدام بنتناقش
واهم شئ
ان النقاش
يكون بعيد
عن اى خلافات

مش زعلانه من ردك خالص يا اهلاوي وانت عارف كده لانه فعلا نقاش
وطبعا احب اوضح للجميع ان عمر ما كان بيني وبينك خلاف عشان اقول الكلام ده
ده مجرد موضوع مطروح للنضاش واحنا بنتناقش فيه
فماينفعش ازعل وبالذات منك يا استاذ

وانتى من الشخصيات الى انا بحترمها جداااااااااااااااااااااااااااااااا

ربنا يخليك يارب
وانت عارف ان الاحترام ده متبادل بينا من اول يوم ليا ف المنتدي
وانت من الشخصيات اللي لهم عقليه جامده
ومانكرش اني استفدت منك ف مناقشاتي معاك



ميرسىىىىىىىىىىىىىىىىىى يا اهلاوي علي المناقشه الجميله دي