ترجع بالسلامه ان شاء الله@يامحمد ياعلام@ ياريت كلنا ندعيله

ازيكم يجماعه انا كنت عملت توبيك عن الحرب الى حصلت

فى ماتش الاهلى والمصرى امبارح

والحرب وان الامن اخد ناس عاطل مع باطل

بس دلوقتى انا ناس قاتلى ان محمد علام هو كمان من ضمن الناس الى اتخدت
عاطل مع باطل هو انا كنت مقابله امبارح فى استاد بورسعيد ولحد اخر
لحظات
قبل نصف السياعه
يعنى الساعه واحده ونص بعد منتصف اليل قبل مالاتوبيسات تطلع
محمد علام كان قدام الاتوبيس بتاعه الى جاى فيه
فياريت لو حد معاه رقمه بلال الادمن هشام يكلمه يشوفه اتاخد هو كمان ولا ايه
اصل الى عرفته دلوقتى من ناس ان محمد علام اتاخد مع الخمسه واربعين فرد
الى اتاخده وباته فى بورسعيد ومرجعوش معانا فى الاتوبيسات
ياريت حد يعرف حاجه
يرد عليا
ولو اتاخد يجبلى بيانته وانا هتصرف هكلمله حد

-----------------------------------------------------------
ياريت كلنا ندعة لمحمد علام بالرجوع لاهله ولبيته بالسلامه ان شاء الله
مش هو بس هو والى معاه
هو واحمد فؤاد صاحبىوناس كتير ومحمد السيد
واكيد علام معاه زمايله كتير
ان شاء الله يرجعه بالسلامه
وخصوصا ان محدش فيهم حدف طوبه واحده
ياريت كلنا ندعى لعلام يرجع لبيته بالسلامه
يجماعه احنا ناس سيبنا بيوتانا ورحونا بورسعيد علشان الاهلى بس بجد
الى بيحصل فينا من اهل البلد دى
شئ مسخره بجد
بلد بجد زى مانكون احنا يهود مش نادى كره قدم

ياريت الناس تهدى فى مواضيع الالعاب شويه لحد مانشوف المشكله دى ولا انتم متعرفوش الشخص ده هو مس اخ لينا برده ولا ايه

ربنا يستر يا جماعه وان شاء الله علام يطلع بالسلامه هو وكل الى معاه
انا والله قلقت جدا اول ما عرفت مش علشان مشاكل حصلت بينا هنا نطنش ومنسالش لا علام زى اخويا الكبير وبجد بدعيله من قلبى انا الموضوع يعدى على خير باذن الله وميرسى ليكم تانى
تقبلوا تحياتى
اخوكم على

sweet cat كتب:

هما دلوقتى يا محمد فى قسم ترحيلات بورسعيد وحيطلعوا منه خلاص يخلصوا الاجرائات ويرجعوا

ومحمد مكنش ليه اى دعوه فعلا والقصه انا عرفاها بس هما اصلهم كانوا طالبين 40 واحد فحظه بقا هو والى معاه الى كانوا رايحين يركبوا الاتوبيس وبيطلبوا حمايه الامن!!!!!!!!!!

الحمد لله وان شاء الله يوصلوا النهارده بالسلامه لاهلهم وصحابهم سالمين ان شاء الله

وحسبى الله ونعم الوكيل

اه يامنه انا كنت هناك ومصور كل حاجه بالصوت والصوره وهو اتاخد هو وناس تانيه زمايلى لاننهم قلنالهم اطلعه الاتوبيسات
مرضيوش وكانه لسه هيطلعه
فالامن بقى بعد فى الاخر خالص جه خدهم عاوز يقفل بس انا مصور مدير الامن واكبر ناس فى امن بورسغيد وهما سايبين كل حاجه
وفى الاخر خالص راحوا جايبين القوات بعد مكل شئ خلص وسابه الناس تاكله فى بعض
بس علام كان بعيد

وقبل مانركب الاتوبيسات كان موجود

حسبى الله ونعم الوكيل
ربنا معاه يارب
ان شاءالله يخرج بالسلامه

ان شاء الله يرجع بالسلامه هو وكل الى معاه ان شاء الله يجماعه باذن الله
وهتكون لينا وقفه جامده جدا
وانا فى تحركات على اعلى مستوى الان وثلتلى اخبار ان حسن حمدى كلم رئيس الوزراء
حالا وكمان اكبر المنتديات منهم كوره عامل حامله شرسه مطالبا كل قيادات الدوله
التدخل

انا يجماعه بجد مضايق
اوى لانى كنت معاهم
واكيد لو مكنتش طلعت الاتوبيس وكارنيه الجامعه الى افدنى كتير وحته ظابط ميسواش مليم بيقلى ويشدنى تعالى
عارفين ليه علشان كنت حاطط رجلى على الارض من ىباب الاتوبيس
يمكن العلوم السياسيه افدتنى شويه ومع كلمتين كده
يعنى كان زمانى انا كمان مرمى
ههههههههههههههه

شكرا ليك يامحمد علي التوبيك

انا لسة مكلم واحد قريبي في أمن الدولة وهوا كلم ناس صحابو في الامن في بورسعيد
وبلال راح هو مادو صحبانا للمدرية امن القاهرة علشان يخلوهم يفرجوا عن (اعضاء رابطة مشجي الاهلي) اللى هما ملهمش زنب

والحمدلله المحاولاتين نجحوا بنسبة كبيرة اووي ..وخصوصا كمان بعد تدخل الكابتن(حسام البدري) كلم واحد اسمة (اللؤاء سعيد) وهو قام بالواجب وقابل بلال ومادو اصحبنا
وفهموا كل حاجة

وان شاء الله كلهم النهاردة هيكونوا فعلا في بيتهم علي حد كلهم واتصالتنا لحد الان

وللأسف انا مش عارف اكلم علام لان موبيلة طبعا مفقول دا اولا ومش هيفتحوا خالص باين كدا
ثانيا زي ما منة قالت في الاقسام بياخدو الحاجات دي كلها في الامانات لحد ما يخرجوا



اطمنو ان شاء الله كلهم بخير وراجعين كلهم النهاردة الحمدلله

hesham كتب:شكرا ليك يامحمد علي التوبيك

انا لسة مكلم واحد قريبي في أمن الدولة وهوا كلم ناس صحابو في الامن في بورسعيد
وبلال راح هو مادو صحبانا للمدرية امن القاهرة علشان يخلوهم يفرجوا عن (اعضاء رابطة مشجي الاهلي) اللى هما ملهمش زنب

والحمدلله المحاولاتين نجحوا بنسبة كبيرة اووي ..وخصوصا كمان بعد تدخل الكابتن(حسام البدري) كلم واحد اسمة (اللؤاء سعيد) وهو قام بالواجب وقابل بلال ومادو اصحبنا
وفهموا كل حاجة

وان شاء الله كلهم النهاردة هيكونوا فعلا في بيتهم علي حد كلهم واتصالتنا لحد الان

وللأسف انا مش عارف اكلم علام لان موبيلة طبعا مفقول دا اولا ومش هيفتحوا خالص باين كدا
ثانيا زي ما منة قالت في الاقسام بياخدو الحاجات دي كلها في الامانات لحد ما يخرجوا



اطمنو ان شاء الله كلهم بخير وراجعين كلهم النهاردة الحمدلله

ان شاء الله ياهشام
بس انا عاوز اعرف هو فيرس كمان اتاخد اتمنى مكونشى اتاخد لان الكاميرا الى معاه فيها حجات مهمه جدا ولو اتخدت هتبقى مشكله
وانا لسه مكلم واحد صاحبى حالا وهو عادى سيبينله الموبايل بس هوه عمله صامت
والى عرفته انهم
عاوزين يلبسوهم اليله كلها باى شكل
واى طريقه واحبى ده والده لواء شرطه ورغم كده

الىعرفته ان فى تعليمات من محافظ بورسعيد لان الضغط شديد جدا بس خير ان شاء الله
ويرجعه بالسلامه هما والاربعين فرد كلهم
مع ان رابطه مشجعى الاهلى مكنشى فيها الى حوالى 15 فرد فقط
وكمان مجوش يمه اى حاجه امبارح خالص
بجد
وانا دلوقتى بتابع التسجيل الى انا مصوره
مفيش الى فيرس وكان بيصور وعلام والباقى محدش فيهم جه يمت اى حاجه

ان شاء الله يرجعوا بالسلامة
وحسبي الله ونعم وكيل

فعلا يا محمد وبصراحة مش عارف فيرس اتمسك ولا لاء
لاني مرحتش ومش عارف التفاصيل الداخلية اووي
انا هدفي حاليا انا وكل الناس اللى برة اننا بنكلم اكبر عدد ممكن من الناس تدخل في الموضوع علشان يخلص

بس اهم حاجة ان الزفت اللى اسمة سيد متولي دا يطلع منها لانة هو اللى مصم انهم يتحجزوا الموضوع يكبر
لان عربيتوا اتسكرت واتسرق منها فلوس كتير وشيك بملاين ...وهو عامل مشكلة كبيرة جدااااااااااااا

وزي ما قولتلك احنا عاملنا الحمدلله اتصالات بناس في الشرطة جامدة اووي وبدأو يتدخلو فعلا
وغير كدا ان كمان الكابتن حسام البدري دخل فى الموضوع
واذا محصلش اي تطوارات كمان ...هندخل الخطيب وحسن حمدي لانهم لازم يخلصو الموضوع كمان

بس ان شاء الله النهاردة كلهم هيبقوا في بتيهم وينامو فية ان شاء الله

واي تطورات ...هقولكم علي طول الموبيل بتاعي حاليا ...شغال سنترال والله من مكالماات بتصل بيها واللى بتجيلي

شكرا يامحمد ويارب يرجعك يامحمد ياعلام بالسلامة يارب
وعلى فكرة يامحمد انا كنت رايح الماتش فى بورسعيد كنت يومها فى الاسماعيلية وتذاكر كانت موجودة مع ناس صحابى وكنت رايح معاهم بس كانت فى ظروف فى البيت كنت لزم ارجع اكيد
الحمد الله ان هى جت على قد كدة والحمد الله ان كلوا سليم وتمام
وان شاء الله ربنا يرجعهم بالسلامة
انا عارف بورسعيد دول حتى منهم الى معايا فى الكلية
ربنا يسترها ولو ماتش الاهلى والا سماعيليى حد هيروح يقولى انا رايح
بس ماتقلقش يعنى انا فاهم اسماعيلية كلها وننعرف نظبط نفسنا من المواضيع دى
لان انا بقالى سنتين فى اسماعيلية علشان الجامعة والكلية

وثانكس يامحمد وبجد واحشتنى كتير

hesham كتب:فعلا يا محمد وبصراحة مش عارف فيرس اتمسك ولا لاء
لاني مرحتش ومش عارف التفاصيل الداخلية اووي
انا هدفي حاليا انا وكل الناس اللى برة اننا بنكلم اكبر عدد ممكن من الناس تدخل في الموضوع علشان يخلص

بس اهم حاجة ان الزفت اللى اسمة سيد متولي دا يطلع منها لانة هو اللى مصم انهم يتحجزوا الموضوع يكبر
لان عربيتوا اتسكرت واتسرق منها فلوس كتير وشيك بملاين ...وهو عامل مشكلة كبيرة جدااااااااااااا

وزي ما قولتلك احنا عاملنا الحمدلله اتصالات بناس في الشرطة جامدة اووي وبدأو يتدخلو فعلا
وغير كدا ان كمان الكابتن حسام البدري دخل فى الموضوع
واذا محصلش اي تطوارات كمان ...هندخل الخطيب وحسن حمدي لانهم لازم يخلصو الموضوع كمان

بس ان شاء الله النهاردة كلهم هيبقوا في بتيهم وينامو فية ان شاء الله

واي تطورات ...هقولكم علي طول الموبيل بتاعي حاليا ...شغال سنترال والله من مكالماات بتصل بيها واللى بتجيلي

ان شاء الله ياهشام فعلا سيد متولى المارسيدس بتاعته
اتكسرت
بس ابن النصابه العربيه لا كان فيها فلوس ولا كان فيها شيكات ولا اى حاجه
كل الى اتكسر الازاز الخلفى للعربيه

وانا شفت لان كانت عليها حراسه والناس كسروها من بعيد خالص
دا سيد متولى هو وشوبير عاوزين الحرق بجد

محمد الاهلاوى كتب:شكرا يامحمد ويارب يرجعك يامحمد ياعلام بالسلامة يارب
وعلى فكرة يامحمد انا كنت رايح الماتش فى بورسعيد كنت يومها فى الاسماعيلية وتذاكر كانت موجودة مع ناس صحابى وكنت رايح معاهم بس كانت فى ظروف فى البيت كنت لزم ارجع اكيد
الحمد الله ان هى جت على قد كدة والحمد الله ان كلوا سليم وتمام
وان شاء الله ربنا يرجعهم بالسلامة
انا عارف بورسعيد دول حتى منهم الى معايا فى الكلية
ربنا يسترها ولو ماتش الاهلى والا سماعيليى حد هيروح يقولى انا رايح
بس ماتقلقش يعنى انا فاهم اسماعيلية كلها وننعرف نظبط نفسنا من المواضيع دى
لان انا بقالى سنتين فى اسماعيلية علشان الجامعة والكلية

وثانكس يامحمد وبجد واحشتنى كتير

اكيد رايحين مباراه الاسماعيلى يحماده ان شاء الله
بس الى حصل امبارح بجد كان مسيخره
والدم كان فى كل مكان والله العظيم فى كل مكان

وانت وحشنى مووووووووووووووووووووووووووووووووت ياحماده
وانا والله بحبك اوى
وانا فرحان انك مجتشى مكنتش استحمل ان حبيب قلبى يحصله حاجه

انا مش مصدقة
بقي معقولة ده يحصل لاصحابنا و اخواتنا بدون سبب
ربنا معاهم
و حسبي الله و نعم الوكيل

يا خبر كل دة حصل بجد انا زعلت جدا منهم لله ال كانو السبب
وان شاء الله يكونو رجعوا بيوتهم

محمد جرالوا ايه انا بجد هموت من القلق علية احنا اكتر من صحاب وهوا مفتحش الاميل بتاعوا خالص وانا مش عارفة اعمل ايه

انا بجد حزينة من اللي بسمعه ده
ادكده بقينا بنكره بعض، خلاص وصلنا لدرجة اننا يهون علينا بعض ، بقينا بنعور بعض ونظلم بعض علشان الكورة
ايه يا جماعة هنستفاد ايه لما الاهلي ياخد الدوري ولا المصري ياخد الدوي
دوري ايه اصلا اللي احنا بنعمل كده في بعض علشانة
يا جماعة انا كنت بعتقد ان الكورة دي للترفيه بس بعد اللي سمعته حسيت انها بقيت اداة للتخريب
وبعدين فين الشعب المصري اللي كانوا بيقولوا عليه ايد واحده ايام جدي وجدك
وبعدين مش دول البورسعيدية اللي قعدوا في بيوتنا واكلوا من اكلنا لما كانت بيوتهم مدمرة
خلاص نسينا كل حاجة وبقينا مبنفكرش غير في الكورة وبس وازاي ننتقم من بعض
على فكرة انا اهلوية حتى النخاع بس صعب عليا اللي بيحصل ده

ايه ده؟
مش ممكن اللى حصل ده
ده كان ماتش كوره ولا خناقه

وربنا يطمنا على علام وكل الاهلاويه اللى اتخدوا ان شاء الله
وياريت اى معلومات تيجى لاى حد يقولنا يا جماعه

بصراحه اللي حصل ده لا يمت للرياضة بصله و الاهلي علي طول كده الناس كلها بتحقد عليه و ان شاء الله الناس كلها تكون بخير و يرجعوا بيوتهم بالسلامه و بعد كده نبقي ناخد بودي جارد و احنا رايحين نشجع

يارب يرجع بالسلامه
وايه الى بيحصل باى حق انهم يخدوهم اساسا
ليه يعنى ناس ايه دى معندهاش عقل خالص
يارب يرجع كل الى تاخدوا يارب لاهليهم

يا جماعة خضيتونى محمد علام كويس الحمد لله وهوا رجع امبارح وكلوا تمام ونايم فى البيت كمان انا سالت واحد صحبوا ورجع معاهم امبارح

مرسى ليكم وفى ناس خرجت والباقى قرب ان شاء الله