حميد :- صفقة متعب فشلت

صرح محمد حميد وكيل الشركة الانجليزية صاحبة عرض بريستول سيتى لمتعب فى برنامج صباح الخير با مصر منذ قليل ان صفقة متعب مع بريستول سيت توقفت تماما بسبب غضب النادى الانجليزى ومدربه جونسون من اشتراك متعب فى لقاء الزمالك رغم رفض النادى لذلك واضاف حميد انه حاول تلطيف الاجواء دون جدوى وانه يتمنى ان تتصل ادارة الاهلى بمسئولى بريستول للاعتذار وتوضيح الموقف وذكر حميد ان ادارة ويجان من الممكن ان تتخذ نفس الموقف فى حالة اشتراك عمرو زكى فى مباراة السوبر دون الحصول على تصريح بذلك


تعليقي: طول عمرك فقر يا عبد المنصف

ان شاء الله يجيلوا عرض احسن

وعسى ان تكرهوا شيئا ويجعل الله فيه خيرا كثير

بس بردوا انا ليا لوم على متعب لان من قبل المباراة بثلاث ايام
المدرب حذر متعب من الاشتراك في المباراة

وقال ده بردوا في عدة مواقع وصحف رياضية

ويلا معلش يا اوسة انت وعبد الواحد حظوكوا وحش في السوبر

لا طبعا فيها ايه يعنى متعب كان نفسه يودع جمهوره والنادى من خلال المباراة دى
وبعدين يارب بكرة يجيله عرض احسن منه

زي ما ميدو قال
عسى ان تكرهوا شيئا و هو خيرا لكم
و معلش يا اوسه

انا مش فاهمة يعني دي ناس غريبة اوي .وبعدين هما اللي خسرانين. وربنا بيحب متعب انه ماراحش النادي القليل ده واكيد هايجيله الل احسن منه ملييييييييييييييييييييييييييييييييييييون مرة ويتالق ويبقي احسن لاعب في العالم

واللة يا جماعة احسن ان عماد مش هيروح النادى دة انا ما كنتش عارفة هتبعوا ازاى واللة انا قلت الكلام دا قبل كدا ان متعب مع الاهلى اسطورة زى الخطيب ومن عارف عسى ان تكرهوا شيئا وهو خير لكم ممكن يكون الموسم دا مع الاهلىيكون احسن لاعب فى مصر وخصوصا مع الصفقا ت الكبيرة الا جت الفريق بالتوفيق ان شاء اللة

صح انا موافقة علي كلامك جدا يا منة ومين عارف ما يمكن الاهلي يروح كاس العالم للاندية السنة دي ومتعب يتالق وكده هيبقي متشاف من العالم كله ويجيله عرض محترم من نادي يستاهله مش نادي زي ده اتشهربس علشان متعب كان رايح فيه

اولا شكرا على الخبر
و اتمنى لمتعب التوفيق في اي مكان
و اوعى تزعل يا متعب اللي زي الناس ده مينفعش تزعل عليهم
الاهلي محتاجلك و احنا كمان
...............ولا يهمك يا متعب ...........

في تصريحات خاصه لـ El-Ahly.com قال محمد حميد وكيل أحدي شركات التسويق الرياضيه العالميه ومقرها النمسا والتي كان لها دور كبير في الأتيان بعرضي بريستول سيتي وويجان لكلا من عماد متعب وعمرو زكي

أكد علي ما نشرته بعض الصحف والمواقع الأنجليزيه مساء الأمس وصباح اليوم - الثلاثاء - من أن نادي بريستول سيتي قد يلغي أتفاقه مع الاهلي ومتعب ويتراجع عن أتمام الصفقه !

مشيرا الي حالة غضب وعدم رضا كبيرين تنتاب مسئولي بريستول والمدير الفني للفريق من مشاركة متعب في مباراة الزمالك كامله 90 دقيقه وهو الأمر الذي لم يتفق مع مسئولي بريستول عليه تاركا الأمر له ولوكيله بأخبار مسئولي بريستول بالأمر قبل ساعات من مشاركته في اللقاء .. وهو أمر لم يتقبله بريستول

وأضاف حميد أن مسئولي بريستول أعتبروا الأمر عدم أحترام من اللاعب والنادي الاهلي لأتفاقهم معه - رغم أن بريستول لم يحصل علي بطاقة اللاعب الدوليه بعد من الأساس ! -

وقال حميد انه سيجري ووكيل اللاعب - نادر شوقي - محاولات حثيثه لتقريب وجهات النظر بين اللاعب ومسئولي بريستول لعل وعسي .. مشيرا الي أن الأمر بات صعبا للغايه !

حميد حذر بالتبعيه عمرو زكي من مشاركته في لقاء الأحد بين الأهلي والزمالك مشيرا الي أنه قد يواجه المشكله ذاتها مع مسئولي ويجان , ولربما يكون مسئولي ويجان أشد صلابة في رأيهم وقرارهم حينها !

ده بارضو من ahly.com
علشان تتأكدوا

rabna yewaf2o we yroh nady ahsan

لا اله الا الله

الله اعلم الخير فين

ومرسى للمتابعة................

الحمد الله
بجد انا حاسه ان ده الخير لعماد
وعماد مغلطش لما اشترك فى مباراة الزمالك هو كان مشترط عليهم كده هما عازين يحمروه من انه يودع جماهيره ولا ايه
وادارة الاهلى ملغطش وياريت متعتذرش على حاجة معملتهاش
وباردو الله اعلم الخبر صص ولا غلط علىا لعموم بكرة متعب المفروض يسافر هنشوف ايه اللى هيحصل

بالتوفيق ليك ياعماد وهما الخسرانين

انا مش عارفه فيها ايه لما يلعب وعلى كل حال ربنا يوفقه ويكرمه في الى فيه الخير

الحمد لله
وقدر الله وماشاء فعل
وانشاء الله متعب يجيله احسن من النادى ده ميت مرة
بس انا خايفة على متعوبتى من الزعل
لانه اكيد هيبقى متضايق جداااااااااااااااااااااااا
ربنا يوفقه

انا ليا تعليق بسيط على الموضوع دة انا لما شوفت برنامج ستاد مصر مع الكابتن مدحت شلبى وكابتن عماد انا كنت متابعة الحلقة من اولها لاخرها وسمعت كابتن عماد ان المدير الفنى لبريستول سيتى صرح لكابتن عماد ان هو يلعب مباراة الاهلى والذمالك يعنى كابتن عماد لا لوم علية ولا على النادى الاهلى وعلى العموم يارب وفق كابتن عماد ويحفظة من كل سوء يارب

ربنا يوفقة في منكان افضل من النادي دة
مرسي ع الخبر والمتابعة

Merciii lek 3la el7'br
w rabna yewaf2o fi