جاني الخبر ياصاحبي وأظلم الكون&&قدام عيني ثم نطقت الشهاده
على العموم أقولها الف مليون&&مبروك من قلب شكالك إبعاده
مبروك لايهمك سواليف وضنون&&من عاشق يهديك فرحة فؤاده
سو الفرح اليوم وأبليس ملعون&&واللي يشب النار يجني رماده
أنا أول العالم على القصر يلفون&&أول معازيم الفرح والحداده
ابشر أنا برقص على العرس بالهون&&كل يعبر فرحته بأجتهاده
لو البلا رقصي يقولون مزيون&&المشكله القلب يفضح وداده
يوم العذارى في دخولك يغنون&&وعروستك بإحلى ثواني السعاده
كنت أتمنى بدالها والله أكون&&وأحط أنا كفي تحت رأسك وساده
واشلون ابكتم صرختي يوم تمشون&&تكفى خذني للعروسه قلاده
حتى معازيم الفرح قامو يمشون&&واصبحت أنا وحدي بدون أستفاده
وطفو علي النور من غير يدرون&&قصر الفرح ياقبر(....)ومهاده
وصيتي لو جاك بنت وأنا أمون&&سميتها لك(....)قبل الولاده
