ابن الجيران
أعمل إيه يا ناس ف ابن الجيران
عمال يقوللى ف حبك أنا حيران
من يوم ما حبيتك مش عارف أنام
يقف لي من الصبح ف البلكون
ويعاكسني بالليل ف التليفون
ويقوللى والله أنا بيكى مجنون
أروح ف أي مكان ألاقيه قدامى
يبص لي ويقوللي وراكى وراكي
بحبك بحبك يامغلباني
بحبك بحبك يا مدوخانى
أقول له ابعد عنى يابن الحلال
لو أبويا شافك هيوديك المورستان
أبويا أنا جزار كبير
هيخليك بين يوم وليلة قتيل
يقوللي إيه يعنى لما أموت ف حبك شهيد
ده من غير ك عايش وحيد
وآه منه خلاني أحبه
وأموت فيه وأتمنى أقابله
وف يوم كده مع بعض كنا قاعدين
قلت له أنا خايفة لو أبويا شافنا إحنا الإتنين
يقوللى يا حبيبتي ما يهمكيش
مادام أنا معاكى متخافيش
وفجأة
أبويا مش عارفة طلع لي منين
وقلت يا ربي أروح أنا فين
ولقيت حبيبي قال يا فكيك
وأتارى أنا اللي هاكون القتيل
ساب بيتهم وراح ف الزوغان
وخلاص انتهى زمن الجدعان
وآآآآآآآآآه لو أشوفك يابن الجيران
هقطعك واحشيك بدل الرز ف البتنجان
