من اجل رفعه المنتدى ...ارجو الدخول من جميع الاعضاء

amira كتب:السلام عليكم ياحلى اعضاء فى احلى منتدى

طبعا بما اننا خلاص تقريبا معظمنا خلص امتحانات ففى بعض الافكر عندى بقاللها فتره اظن تنفيذها هيعمل شغل جامد جدا فى المنتدى وهيحقق بعض الاهداف الاساسيه للمنتدى واظنها تنفيذها هيحقق امل الادمين فى هدفه من نشأه المنتدى
هى الافكر بعيده شويه عن الكره لان موضوعها هسيبه للى بيفهم فيه اكتر منى
عندى بعض الاراء ياريت تفدوانى فيها
وطبعا اتقبل النقد او التعديل بصدر رحب

اولا:عندى فكره فى اننا كل اسبوع نتناول مشكله من اللى بناعانى منها فى حياتنا واللى بتخص الشباب زى الحب..الصادقه..وحتى الخطوبه ...الى اخره من المشاكل االاجتماعيه ممكن سما بما انها مشرفه عامه تتولا وضع مشكله وكل واحد فى المنتدى يدخل يقول رايه من الناحيه الدينيه والاخلاقيه ولاجتماعيه وفى النهايه جروب العمل اللى هتختاره يجمع الاراء ويضع الحل النهائى للمشكله




ثانيا:ممكن كمان نتناول مشكله بنتختلف فيها من حيث الجنس اولاد وبنات يعنى ونعمل حاجه شبيهه بالمناظره بينا
ونعرضها وبردوه يبقى فريق عمل تانى مجموعه صبيان ومجموعه بنات هتخترهم سما ومعاها هشام بما انهم مشرفين عام على المنتدى وعلطول على تواصل معانا وكل من اعضاء الفريقين يقول وجهه نظره طبعا بمنتهى الادب والاحترام

ثالثا: ممكن نختار قصه اجتماعيه مثلا زى قصع (يوميات اتنين مخطوبين عمر وساره) اللى كان حططها بلال ونقول راينا فى كل حلقه وننقدها تماما واقصد بالنقد اكيد نقاد بناء نستفيد منه كلنا من كل الاتجاهات وتخلص القصه نحط غيرها وهكذا

رابعا: شايفه ان ماشاء الله فى كتير فى المنتدى بيكتبوا كويس عايزين حد متخصص فى النقد يكون مثلا لغه عربيه يعمل نقد للكتابه سواء شعر او خاطره واقصد نقد ادبى وده هيحسن جدا من مستوانا فى الكتابه واكيد هيبقى من غير زعل

خامسا :ممكن كمان للناس اللى بتحب القراءه حد من المشرفين يختار عده اشخاص بالتبادل كل واحد منهم يختار اسم كتاب من الكتب اللى هتاثر فى حياتنا ومستقبلنا ويضع بعض اسئله فى النهايه لاختبار وصول بعض الاهداف المراده من قراءه الكتاب وبكده ثقفتنا ماشاء الله هتبقى عاليه جدا جدا

سادسا :ممكن مثلا فكره زى صالون الاهلاوى اللى كان عمله محمد باننا نعمل ااستفتاء على اختيار شخص معين من عده اشخاص ونقعده على كرسى الاعتراف ونسال اسئله تكون موضوعيه بعيده عن المسائل الشخصيه اوى يعنى وبكده نكون عارفين بعض كويس

سابعا : فى فكره كنا بنعملها فى المدرسه اللى هيا المجله الاسبوعيه وايد هيمسكها محرر المنتدى هشام نحط فيها مثلا مقال مهمه عن الكره العالميه والمصريه واكيد حاجه تخص عماد والمناظره اللى عملنها فى الاسبوع والمشكله اللى حطنها وقلنا والاراء الاخيره والمهم اللى فيها واحسن شعر اتكتب فى الاسبوع زاحسن خاطره واالاراء اللى اتقالت عن الحلقات اللى نزلت من القصه زايه اللى استفادناه منها وكمان شخصيه الاسبوع اللى عملنا معاها حوار وهكذاااااااااااااا

ثامنا : ودى حاجه تخص القسم الاسلامى اننا نضع كل اسبوع خلق من اخلاق النبى عليه الصلاه والسلام ونحاول نطبقها وكل واحدد يدخل اخر الاسبوع يقول هو نفذ ايه فى الخلق ويحكى موقف حصل معاه بخصوص الخلق ده
لان اخلاقنا للاسف فى النازل نتيجه المجتمع الغريب اللى احنا فيه
ومفيش مانع للى يحب نتفق على ورد حفظ من القراءن نظام مقراءه يمسكها حد حافظ ومجود كويس ونتابع معاه

اظن دى كلها افكر تفيدنا كلنا وتزود من نشاط المنتدى جدا ومستنيه ارئكم
والنقد طبع ولو فيه افكر جديده ومستنيه راى الادمن محمد
وشكرا جزيلا
فى انتظار ردودكم
انى احبكم جميعا فى الله
اظن دى انشطه كتير هتفدنا