أنا والقمر صحاب ..جيران وتقدر تقول احباب
شايفة وشايفنى ...باحكيلة وبيسمعنى
من فوق شايف حبيبى وبيتملى منة
وحبيبى بيبصلة وباقول يارب يا قمر تفكرة بيا
انت اللى جامع ما بيننا وباحسدك
عينية وقعت عليك ..شايفك.. وفاضل يبص عليك
خلى بالك على روحة ...وطمننى علية
قولة هو كمان بيحبك اكتر ما انت بتحبة
ليلى هيطول وهاسهر علشانك يا قمر
كل ليلة هاتطمنى علية ...هتسهر عينية
وتقولة روحى راحت منى الية
يارتنى كنت حتة منك يا قمر
كنت شفتة وطمنت قلبى علية
نفسى اقولة فعلا يا حبيبى ...كلمة خانقانى وملكانى
بس ماقدرش اقولها طول ماهى مش ملكى
حتى لو اتخلقت علشان تتقال لة
ماينفعش تكون ما بينى وبينة وانت تالتنا يا قمر
حبنا ادام الناس كلها ...ونورة زى نورك واكتر يا قمر
علشان بخاف عليها ....وبحس بيها ....ومنورلى نور عينيها
بابقى عايز اقولها وحشتينى ....الكلمة ما بتتقالش بس بتوصلها
الكلمة ما بتطلعش ...بس هى بتحسها
نصى التانى وقلبى اللى ما صدقت لقيتة
هحافظ علية واحط فى عينيا وانت معايا يا قمر
بتبهرنى بجمالك ونورك
نورك اللى منورلى انا وحبيبى
معرفنا طريقنا بدايتة فين ونهايتة بعيدة لفين
ولدت فيا احساس .....ماحسوش قبلى الناس
احساس جميل طاقتة منك انت يا قمر
قلبى عايش بيك وليك و حواليك
انت اللى شاهد عليا وعلية
انا يمكن ماعرفش شكلة
بس احساسى سافرلة وراحلة
بيقولى هو نصيبك اللى هتعيش وترتاح وتتنفس هواة
انت دربى ودليلى وطريقى يا قمر
فى ليلك انت عندى و بالنهار مع حبيبى
خليك معاة ...ونس هواة ....فكرة بيا و عيشنى معاة
ياما نفسى ارتاح واعيش معاة
هو ملاكى وملاكك ......عمرى وعمرك
انت موجود علشاننا يا قمر ....علشان تكون شاهد على حبنا
ودليل لقلبنا .....وقبلة للى عايزين يعملوا زينا
مش عارف كلامها دة ليا علشان انا انا
ولا علشان انت ما بيننا يا قمر
يا خوفى كل كلمة حلوة ممكن تطلع لحد غير بنفس احساسها
احساسها اللى ملكنى مش عايزة يخوننى
كنا تايهين وانت اللى هديتنا يا قمر
روحى سكنتلة ...ارتاحتلة ....هوتة
حاسسها امى ..حاسسها اختى ...حاسسها حبيبتى ...حاسسها انا
حاسسها هتعوضنى كل حاجة
باستعجل الثوانى اللى فاصلة ما بيننا
وباقول يارب عجل وكبر الحب اللى ما بيننا
انا عشقت خلاص ...وقلبى داب مع اجمل احساس
قلبى اتكلم و شاور واختار
والعين مستنيا الحبيب المختار
حبيبى بعدة زية مفيش
وقلبى لغيرة ماهيكونليش
هو حتة منى وانا حتة منه
وانت اللى رابط ما بيننا يا قمر
لو اللى بيننا حب ...فانت عين الحب
لو اللى بينا وفاء ....فانت نور الوفاء
حبنا صافى صفائك يا قمر
هيفضل عايش زيك يا قمر
روحنا مربوطة ببعض
وانت اللى جمعتنا يا قمر
هافضل باصصلك ...وهيفضل باصصلك
وانت اللى شاهد علينا
عمرى معاك يا قمر
بحبك وبحبة وبيحبنى وهاشوفة خلاص يا قمر