السلام عليكم ورحمة الله وبركاته
خير ما نبدأ به هو بسم الله والحمد لله والصلاة والسلام على افضل خلق الله سيدنا محمد (صلى الله عليه وسلم)
ازيكم يا احلى اعضاء فى الدنيا واحلى منتدى واحلى اصدقاء ,عاملين ايه ؟يا رب تكونو بخير وصحة جيدة وبصراحة انا برتاح جدا لما بدخل المنتدى ولو عد عليا يوم وما دخلتش بحس ان فيه حاجة مش مظبوطة وبدعى ربنا انه يدوم الاخوة اللى بينا ,مع انى كنت على وشك انى ما ادخلش ولا منتدى تانى لسبب ما ,محمد حبيبى عارفه,والسبب ده هنزله ان شاء الله قريب فى توبيك اسلامى ,بس يلا بقى انتو اتكتبتوا عليا وخلاص
طبعا احنا عمالين ندردش فى موضوع تانى وده لسبب ان النجمة الجميلة لسة ما وصلتش الاستوديو اللى احنا بنصور فيه وان شاء الله يكون المانع خير اكيد الطريق زحمة وانتم عارفين بقى كوبرى اكتوبر والزحمة اللى بيبقى عليها
بصوا بقى انا عايز لما يبدأ الحوار تعيشوه بجد يعنى اكنك بتتفرج على برنامج لمحمود سعد مثلا ههههههه يعنى لازم تركز جامد اوى من الحوار واللى ليه اى تعقيب يتفضل يقوله واللى مالوش تعقيب يرمى كلمة وخلاص وممكن يقول ميرسىىىىىىىىىى اوىىىىىىى ليك ههههههههه
والحوار هيتم بينى (طلعت) وبين النجمة (سما) وانا عارف الموضوع كبير بس هيعجبكم اوى
وفجأة يهل الهلال
مش ممكن النجمة وصلت اهى !!!!!!!
طلعت :حمدالله على السلامة نجمتنا المحبوبة
سما :الله يسلمك بس انت عارف الطريق زحمة اوى وانا كنت ممكن ارجع هههههههه
طلعت :يلا نبدأ الحوار
سما:اوك
يلا بينا
3
2
1
طلعت:اولا اهلا وسهلا نجمتنا سما ونورتينا فى صالون اهلاوى لاخر العمر
سما:ربنا يكرمك وميرسىىىىى لذوقك اوىىىىى
طلعت :اول حاجة لازم ابدأ بيها انى اعتذرلك عن اللى حصل منى فى توبيك الوداع لاهلاوى لاخر العمر وانا اسف جدا لو كلامى كان ضايقك بس بصراحة انا ما اقصدش خالص انا كان كل نيتى انى اوصل رسالة مش اكتر فانا بعتذرلك وبقولك يا ريت ما تكونيش زعلانة منى
سما:لا ابدا ابدا ما فيش حاجة خالص بس انا كنت برد على كلامك وكلامك ما كانش عاجبنى وان شاء الله حصل خير
طلعت:اوك نبدأ الاسئلة
سما:اوك
طلعت:بصى البرنامج هيكون كالتالى
اسئلة الاعضاء ثم فاصل اعلانى ثم اسئلة اهلاوى لاخر العمر ثم فاصل اعلانى ثم اسئلتى وبعدين الخاتمة
سما:اوك انا تحت امرك
طلعت:اول سؤال
لزمتها ايه النقط دى بعد الكتابه ...................................
سما:ههههههههههه انا جاوبتك قبل كده يا دلجم عموما نا قولتلك انها تميز فى اسلوب الكتابة والرد على المواضيع
طلعت:رأيك مين اكتر مشرف او مشرفة مقصر مراقب او مراقبة مقصرة
سما:والله انا مقدرش اصدر حكم او اقيم عمل اى شخص منهم سواء مراقب او مشرف لان كل واحد وليه ظروفه ومقدرش اقول اسماء لكن اعتقد اللى مقصر منهم هو اللى واخد منصبه مجرد اسم و لقب بودن ما يكون اد مسؤلية المنصب ده تحب اكمل؟
طلعت:لو عندك كلام تانى قوليه
سما:اوك يعنى اقصد ان اى مشرف او مراقب او عضو واخد لقب خاص بيه من الادمين وهو مش يستاهله او مش اده يبقى ما يستحقش اللقب ده بس
طلعت:سنك واسمك الحقيقى؟ من وين ؟
ايه رايك فى الحال فى مصر ؟لو كنتى من مصر يعنى
بتعملى ايه لما بتكونى مدايقة ؟
نفسك تسافرى دولة ايه ؟
ايه رايك فى الحال فى مصر ؟لو كنتى من مصر يعنى
بتعملى ايه لما بتكونى مدايقة ؟
نفسك تسافرى دولة ايه ؟
سما:انا مواليد 1/11/1982
من مصر ومولودة فى الجيزة وعايشة فى القاهرة
اسمى الحقيقى بسنت و الحال مش عاجب اى مصرى لكن دوام الحال من المحال واكيييييييييد وكل شىء وليه نهااااااااية
لما بكون مضايقة بحاول اخد جنب لحد ما اهدى واحاول اشغل نفسى عن مضايقتى دى عشان اطلع منها
نفسى اسافر اى دولة مافيهاش ظلم ولا عنصرية لكن عموما انا بحب الحضارة والتطور والهدوء والجمال يعنى ممكن سويسرا ولو دلوة عربية تكون السعودية بس
طلعت:تفسك فى ايه واية اكتر حاجة مضايقكى فى شخصيك ونفسك تغيرها
سما:نفسى فى انى اعمل اللى بحلم بيه واللى لسه مش حققته واللى هو باءختصار انى اسيب بصمة او ذكرى حلوة بعد ما اموت الناس تفتكرنى بيها يعنى بمعنى تانى احس انى حققت او عملت حاجة مفيدة ومؤثرة فى حياتى
للى ممكن يكون بيضايقنى فى شخصيتى التسرع وخصوصا فى العاطفة لكن اتعلمت وتعملت كتيييييييير فبحاول اتحكم فيها شوية بشوية بس
طلعت:ممكن اعقب على السؤال الاول انتى بتقولى انا عايزة اعمل حاجة الناس تفتكرنى بيها هل الحاجة دى تخص الدين يعنى تكون صدقة جارية لا حاجة عامة
سما:قبل ما اجاوبك السؤال ده هينزل فى التوبيك لا ده بينى وبينك؟
طلعت:انا هنزل كل حاجة واللى انتى هتقولى ما تنزلهوش مش هنزله
سما:اوك انا مش هضايق يعنى لو نزلته لكن ممكن نجاوب على اسئلة الاعضاء الاول وبعدين اجاوبك على اللى انت عايزة فى الاخر؟
طلعت:ماهو ده اللى انا ان شاء الله هعمله
طلعت:مين بتشجعي من الفرق الاوروبية ؟
ومين اكتر حد بتحبيه في حياتك كللللللللهااااااااااااا ؟
ايه الموقف اللي حصل معاكي وغيّر في حياتك كتييييييير ؟
ايه الموقف اللي حصل معاكي وغيّر في حياتك كتييييييير ؟
سما:والله انا ماليش فرقة معينة بشجعها لكن عموما بشجع وبحب اتفرج على طريقة لعبهم ومهارتهم واللى بتمنى انها تكون عندنا لاننا مش اقل منهم فى الموهبة ولا القدرات لكن المسالة مسالة امكانيات لكن تقدرى تقولى برشلونة ومانشستر يونايتد
بحب كل الناس الكويسين لكن اكتر حد هى امى
ههههههه لا مواقف كتييييييييير لكن تقدرى تقولى وفاة محمد عبد الوهاب رحمه الله يمكن يكون الانسان عارف واتعلم ودرس حاجات كتيييييييير لكن لما بتحصل قدامه وبيشوفها وبيعيشها بتفرق طبعاااااااااا
طلعت:ايه رأيك في شخصيت اهلاوي لاخر العمر؟؟؟ ويريت يبقي الجواب واضح وصريح ومفهوش لف و دوران
ايه رأيك في الغرور و امتي بتحسني بفسك مغرورة؟؟؟ يريت برده متقليليش انك مش مغرورة لان كل انسان لازم يبقي فيه حتة الغرور دي يارب متزعليش من صيغة السؤال و بعدين انت قولتيها خلي صدرك رحب
سما:ههههههههههه انا اولا بحب الصراحة مهما كااااااااانت ومش بحب اللف والدوران
ثانيا عشان احكم على اى شخص لازم اكون اعرفه عن قرب وعاشرته عشان اعرف احكم عليه لكن بالنسبة لمحمد هحاول اجاوب على قد ما اعرفه وحسيته من خلال عشرتى فى المنتدى و شخص زكى وموهوب وحساس لكن يمكن يكون عيبه التسرع وكمان ميزته انه لما بيحب شىء بيحبه اوى وبيخلص ليه وده طبعاااااااا جمييييييييل لكن غير كده لو قلت ابقى بظلمه لانى بجد ماعرفوش عن قرب
نكمل اعوذ بالله من الغرور انا الحمد لله عندى ثقة بنفسى وعارفة كويس قدراتى وامكانياتى واقدر اعمل ايه ومش اعمل ايه لكن الحمد لله مش مغرورة لانى اعتقد ان الغرور ده ضعف وتعالى وكبر واعوذ بالله من كل ده واكيد ساعات الشيطان يوسوس للانسان باى شىء سيىء ومنه انه يتغر مثلا على حد او موقف معين لكن مدام الانسان عايز يكون مع ربنا وبيدعى فبيخليه مركز وواخد باله وبيفكر الف مرة فى اى خطوة او كلمة او فعل ناوى يعمله ربنا يبعدنا عن وسوسه الشيطان
طلعت:ايه اكتر حاجة بتكرهيها في نفسك و في الانسان الي قدامك؟
سما:بكره فى نفسى انى بجد ما بعرفشانى اكون انانية ولا بفكر فى نفسى وبس وبكره فى الانسان اللى قدامى يعنى كل شىء فيه تدنى اخلاقى بس اكتر حاجة الكذب والخيانة والغدر والتعالى والظلم والقسوة وانه يكون تافه وهايف مثلا ومالوش اى هدف او طموح فى الحياة وبكره كمان الضعف والاستسلام والسلبية بس
طلعت:عايز اعرف كل حاجه عن شخصيتك
سما:ههههههههههههههههههههههه صعب جداااااااااااااااا واعتقد انك تقدر من خلال اجاباتى انك تتعرف على شخصيتى ولو لقيت حاجة غامضة او مش عرفتها عنى ابقى اسالنى
طلعت:مين احسن عضو فى كل قسم
2- مين اقرب شخص ليكى فى المنتدى سواء ولاد او بنات
3- اية الاشياء اللى انتى مش بتبحى تشوفيها على المنتدى
4- انتى اكتر حاجة انتى بتحبيها فى حياتك
5- هل انتى مرتبطة وهل كان ليكى تجربة قبل كدة
6- ما هو الحب الحقيقة من وجهة نظرك
7- كيف اصبحتى مشرفة ومن ترشيحة فى الفترة المقبلة لكى يكون مشرف
8- من هم الاعضاء اللى انتى بتبحبى تشوفهم على طول معاكى فى المنتدى
9- ما رئيك فى الخانية فى الحب
سما:هههههههههههههههههه يا خبرررررررررررر
احسن عضو فى كل قسم , اعتقد ان كل عضو نشيط ومشارك هو احسن الاعضاء وده سواء بالرد او التوبيكات
واقرب الشخصيات ليا فى المنتدى والله بالنسبة للاولاد هشام وعلام وبلال والادمين طبعا والباقى كلهم اخواتى وحبابيى بردو لكن دول الاقرب واتمنى انى مش اكون نسيت حد وبالنسبة للبنات فيه كتيييييييير يعنى منة وايوية وهوبة وبيبو وشيرى وميوية وكتييييييييير والله انا بحبهم كلهم
الحاجات اللى مش بحب اشوفها فى المنتدى عموما الاهمال او عدم المشاركة او التجاوز فى الردود والمعاملات مع الاعضاء
بحب الناس وبحب الحياة وبحب كل شىء او فعل او منظر جميل
انا مش مرتبطة اما بالنسبة للتجارب اكيد مريت بيها
الحب الحقيقى من وجهة نظرى هو الحب اللى يكاد يكون معدووووووووم ولا نراه فى هذا الزماااااااااان لانه اخلاص ووفاء وصدق وامانة لانه تضحية وتفانى لانه قوى وداااااااائم وباقى فمن الصعب فى زماننا هذا ان تجد من يستحق او يقدر او يبادلك تلك الاحاسيس والمشاعر القوية الثابتة انا لما كنت مشرفة طلبت ذلك من الادمين شخصيا لكن اصبحت كذلك على الاقسام التى طالبت بها ان تؤسس فى المنتدى وكانت فكرتى والحمد لله لم اندم عيها وارشح كذا اسم بصرااااااااحة وساعلن عن ترشيحاتى لهم قرييييييييبا لانى من زمااااااااان وهم فى بالى لكن لم يسعفنى الوقت لطلب تعيينهم او تعيينهم بالفعل لكن عموما الادمين عنده فكره بكده وربنا يسهل وفترة الامتحانات تعدى ويتم الاعلان عنهم
بالنسبة للسؤال رقم 8 ممكن توضحه اكترررررر
والسؤال رقم 9 افظع واصعب واقتل شىء هو الخيانة وخصوصا فى الحب فهى دماااااااااار لهذا الحب
طلعت:ايه اسعد يوم فى حياتك وايه اتعس يوم
2/ ايه رد فعلك لو لقيتى توبيك وحد بيذكر اسمك فيه بكلام مش كويس وتصرفك هل هيكون كمراقبه ام كعضوه
3*ايه رئيك فى اعضاء المنتدى وهل يوجد احدا منهم بيلفت نظرك
4* انتى عندك كام سنه ياقمر ياريت تقللنا بصراحه هههههههه
سما:اسعد يوم فى حياتى هو يوم نجاحى دراسيا ويوم رجوع الحق للمظلومويوم رسم بسمة على وجهة طفل يتيم او محتاج اتعس يوم هو اليوم الذى احس فيه بالظلم والخيانة والقهر واكل حقوق الاخر وان ينتشر عدم الضمير والقسوة والانانية وكل معانى القبح واللارحمة
رد فعلى الاول هو الرد بغلق التوبيك وساقول لاتعليق وهيكون اولا كمراقبة ثانيا كاءنسانة اهينت بدون وجه حق او سبب مقنع
راى فى اعضاء المنتدى انهم جمااااااال وكتييييييير والحمد لله لكن انا بعاتب عليهم عدم المشاركة سواء بالردود او التوبيكات ويلفت نظرى اصحاب الاخلاق والذوق والنشاط والمواضيع المميزة
هههههههههه 25 سنة و7 شهور ويومين بس
طلعت:انتى حضرتك كل ردودك بتقولى كلمتين بس مرسى اوى ليك على التوبيك --------------------
وتقومى عامله نقط ممكن نعرف ليه يعنى كده
سما:ههههههههههههههههههه والله هى جت كده وبعدين مع الوقت خاليتها يعنى عشان اكون مميزة فى ردودى على الاعضاء والتوبيكات وبعدين ليها كمان معنى تانى انه الكلام بينى وبين اخواتى لا ينتهى فبسيب الحوار او الرد مفتوح بس
طلعت:عايزه اعرف حضرتك كنتي بتدرسي ايه؟؟؟
سما:انا خريجة اداب عين شمس قسم اللغة العبرية
طلعت:س:_ اية اكتر حاجة عجباكى فى المنتدى...واية اسوء حاجة فى المنتدى ...بس تقولى بكل صراحة وبدوت هرب من السؤال؟
سما:ههههههههه اهرب ليه؟؟؟؟؟؟؟؟ اكتر حاجة عجبانى فى المنتدى انى بحس انه بيتى والاعضاء اخواتى وبرتاح فيه بجد واننا قلبنا على بعض كده وبنشارك بعض لكن الاسوا هو عدم مشاركة الكثييييييييير فى االردود او المواضيع يعنى بالاسم وبس
وبكدة نكون قد انتهينا من الجزء الاول وهو اسئلة الاعضاء
فاصل مع اعلان صغير ونتواصل
الاعلان
بصراحة انا الاوضة بتاعتى ما فيهاش تكييف وانتو عارفين الجو حر اوىىىىىى اليومين دول فجبت المروحة وشغلتها وعلى فكرة المروحة نوعها فريش وبالريموت وحاجة تحفة يعنى انا انصحكوا تجيبوا منها هتخلى الجو فريش ويا رب الجماعة بتوع شركة فريش يسمعونى ويدونى اى نسبة ههههههههههه وبكدة عرفنا ان الاعلان كان على ثلاجة توشيبا اقصد مروحة فريش هههههههههههه والاعلان ده هزار اما الاعلان التانى هيكون جد هههههههه
