مقارنة بين متعب وأسامة.....ياريت محدش يزعل

متعب لعب اكتر من تلات ارباع مباريات الموسم وحرز 5 اهدف
اما اسامة حسنى فلعب مش اكتر من 7 او 8 مباريات واحرز 6 اهداف
يعنى اللى لعب اقل جاب اكتر واللى لعب اكتر جاب اقل

قبل ماكلامى يزعلكم انا بحب متعب جد جدا بجد وهو بالنسبة لى من احسن المهاجمين وبزعل اووووى لما بيبقى مش موفق
لكن فى نفس الوقت حاسه بظلم تجاه اسامة لانه مش واخد حقه
صحيح اسامة بيتصاب كتير وده من حظه السىء
لكن د الموسم خلص
كل اللى عايزة منكم هو ان بلاش تجامولا عماد على حساب مهاجمين احسن منه الموسم ده
يعنى انا متاكدة كلكم هتقولوا متعب احسن مهاجم فى الاهلى الموسم ده وانا بقولكم بامارة ايه اذا كان اسامة جاب كتر منه
اسامة بجد لعيب حريف اووووى واخلاقه عالية جدا ولازم نديله حقه
مش عايزة كلامى يكون ضايكم ياعاشقين متعب
لكن انا بقول وجهة نظرى اللى شايفها صح لانى بحب الاهلى الاهلى وبس وكل لاعيبة الاهلى عندى واحد

ويااسامة انت كبير اووووووووى وكلنا بنحبك
وبجد بتحرج جوزية وبتقوله انك موجود

شكرا ليكى بصراحة هو انا بشوف ان متعب مؤثر اوى حتى لو مش موفق بس كفاية تحركاتة وتفاهمة مع كل من فلافيو وابوتريكة

اما بالنسبة اسامة حسنى انا بحبوا جداا وهو لاعيب مهارى وذكى جدا وبيستغل الفرص بس لما مش بيكون موفق بحس ان الفريق اقل فى المستوى

وشكرا ليكى وبعدين الاتنين من الشرقية شرقاوة وعلشان انا شرقاوى بحبهم جدااااا واحمد بلال كمان

وتقبلى مرورى وشكرا ليكى على التوبيك الجرئ

ميرسى لردوكم اوووووووى
وبجد اسامة ده نجم جميل اوووى ربنا يحكفظه من شر الاصابات وعلى فكرة انا كمان من الشرقية
والشرقاوة احسن ناس

هههههههه شكرا ليكى مرمر واكدة الشراقوة احس ناس وبالتوفيق لعماد واسامة

Merciii 3la eltopic wy emad the best ,osama good

ميرسى على الموضوع بس انا عندى راى مهما تقوله عن متعب هو فى عيونا احسن لاعب فى مصر
مع ان دة مش بيقلل من حجم وموهبت بقى الاعبين بس دة راى
مافيش عندنا لعيب وحش بس كله حظ وربنا معاهم كلهم يارب
وربنا يحفظك ويحميك ويخليك لينا يا متعب

انا معاكى وموافقه على كلامك جدا ياشمس ان مش ينفع نعمل مقارنه دون النظر للظروف للاعبين
ده رأى انا ومعاكى ياشمس ومافقه كلامك جدا

osamah leh msh wa7'd 7koh hwa met3b elle 3wroh 3shan yl3b makanoh osamah 3latol mosab da kadroh elmfrod nshkr met3b w flafio elle shaylen elfrek msh n3ml mokarant

ahdaf met3b klha fn w mharah shwfw ahdafoh fe elzamalek 2oo4,2005 w hdfoh el3alme fe blgeka w hdfoh fe nees. s7e7 hwa bydy3 kteer bs da l2noh aktr wa7d bywsl llgoal osamah kwys w ana bkdroh bs elmokaranh benoh w met3b msh fe sale7 elahly w b3den da goal tla23 elgesh elle gaboh osamh met3b san3 90% mn elgoal s7e7 met3b gab 5 goals only bs sahem fe10 goals 3la el2kl

انا بقى تعليقى ان كابتن عماد ما شاء الله علية ربنا يحمية هو فعلا من احسن مهاجمى مصر واللى بيقول ان احنا بنجامل كابتن عماد على حساب كابتن اسامة حسنى لا انا شايفة ان الاتنين لعبهم جميل جدا واذكية ما شاء الله عليهم بس فى حاجة تانية ان كابتن عماد اساسى فى كل المباريات لكن ياعينى كابتن اسامة مش عارفة الاصابات بس دة يا جماعة فى الاول والاخر قضاء وقدر ولازم نقول الحمدلله على كل شئ ولو اى حد شايف كلامى صح او غلط يرد عليا حالا

طبعا ياجماعة انا مش هتكلم في موضوع زي ده لأن مش هينفع أتكلم عن الاتنين دول لأن أنا بحب متعب أكتر من أسامة علشان اتكلم بقى أكيد هتكلم في حق متعب بعبرات شكر أنا عايز أقول ان الاتنين نجوم وأنا بحبهم والاتنين هدافيم وولاد محافظة الشرقية والاتنين أصحاب وحبايب احنا هنزعل نفسنا ليه وعلى فكرة انا ابن محافظة الشرقية يلا اي خدمة (بلبيس )

ana shyfah 2n 27na bnzlm met3b l2n kl la3b mn el2hly 2w bra rabna yft7ha 3lyh w ygeb kam goal nkrnoh bmt3b zy 3mr zky ,fdl,osamah tb leh mnkrnsh osamah bbelal aw flafio. y3ny met3b y7'ls mn 3mr zky ytl3loh belal y7'ls mn belal ytl3 osamah w hloma gra. hona elnas bt7b met3b w elmokarnat mw2dbh lkn fe montdyat tanyh btbka elmokarnat msh nzefah w kolha 2ehanh lmt3b

اولا ميرسى على ردوكم ومفيش فايدة انتم محبين لمتعب فقط
لانى انا مظلمتش متعب وقلت انه من افضل مهاجمين مصر واذكى مهاجممى مصر لكن اسامة يستحق بجد اننا نديله حقه

ثانيا العضوة mariamnowr اانت بتقولى ماصدقنا خلصنا من عمر زكى يطلعلنا بلال ويطلع اسامة
اولا ياريت متنسيش اتك بتتكلمى عن نجوم الاهلى وماينفعش تقولى عليهم كده
متعب مش الاهلى ياريت تفهموا بقى
كل لاعيبة الاهلى واحد وانا لما عملت مقارنة كان نفسى تتكلموا بحيادية لانه ده الوقت اللى لازم فيه نقف جنب اسامة زى مابنقف جنب عماد وهو مبيجبش اجوان
مش قادرين تقفوا جنب لاعب وتسانده مع انه بيجيب اجوان وموفق جدا
وكمان فى عضوة بتقول عماد احسن اخلاق لانه بيحب كل الاعيبة وبيحبلهم الخير
طبعا عماد على فكرة انسان محترم جدا وخجول اوى لكن باردو كل لاعيبة الاهلى كده مش متعب لوحده

ياجماعة من فضلم مش عايزة حد يزعل منى
لكن انا قلت من وجهة نظرى والاختلاف فلى الراى لايفسد للود قضية
بس انا بحب الاهلى اوى اكتر من اى حاجة فى الدنيا
مش بحب لاعب بيعينه وافضله عن الكل لان الاهلى فقط هو اللى افضل من الكل
الاهلى فوق الكل فوق الجميع
ياريت تحبوا الاهلى من قلبكم زى مابتحبوا متعب كده

وفى النهاية كلهم ابناء الاهلى المحترمين المخلصين
وبالتوفيق لكل مهاجمى الاهلى

انا معاكي يا مرمر
وفعلا اسامه مهما بيغيب بيرجع يقول انا موجود
وان شاء الله ياخد فرصته
وميرسي ع التوبيك يا سكر

لا متعب ولا فلافيو حلوين الموسم دا
بس محدش يينكر ان متعب احسسسسسسسن فرود في مصر
ومش كل حاجه الاجوان يا مرمر متعب كان بينزل بيساعد زمايلو كتييييييييير
بس مكنش بيجيب اجوان
والحمد لله ان احنا عندنا اكتر من مهاجم ممتاز نقدر نعتمد عليهم دي مش حاجه وحشه
وبأذن الله متعب كدا خلاص رجع زي زمااااااان وربنا يوفقه ويوفق كل لاعيبة النادي

السلام عليكم جميل جدا ان احنا تقارن بين الكابتن عماد متعب والكابتن اسامة حسنى كل واحد منهم ربنا اعطاه موهبة تختلف عن التانى اما من ناحية الاخلاق فكل واحد منهم معروف انه ذو خلق وكمان ربنا اعطى كل واحدة منهم هدية لو يعرفوا قيمتها هى حب الناس وعندى فكرة طالما احنا بنعمل مقارنة بين الاثنين فواجب علينا نحن الشباب اخذ كل صفة وسمة حلوة فيهم ونجعلها سمة فى شخصيتنا او على الاقل نقتدى بيهم فى الاعمال الحلوة اللى كل واحد منهم بيعملها


هى دى المقارنة الحقيقية اللى لازم نتبعها فى حياتنا




فى امان الله وارجو ان تكونوا استفدتم من وجهة نظرى

لكل واحد فيهم ميزات بتميزة عن الاخر يعنى متعب احسن مهاجم فى مصر فى التحركات داخل الملعب ومن احسن المهاجمين اللى بيغيروا شكل المباراه سواء بالتسجيل او بانه بيوصل اللاعب اللى بيسجل ,, اسامه اللى بيميزة انه بيخلص بسرعه فى منطقة الجزاء ومش بيرتبك ..
لكن عماد اكتر شىء مش حلو فيه انه بيتاثر جداااا لما يكون التوفيق مش معاه لفترة وده بيبان من توتره فى تسديد الكور على المرمى وبالتالى ده بيطول من فترة سوء الحظ اللى بتبقى ملزماه وانا اكيد عارفه ان التوفيق بتاع ربنا سبحانه وتعالى لكن الانسان بيبقى ليه يد برضو ....
واسوء مافى اسامه اصاباته الكتير وده شىء مش باءيديه وربنا يبعد عنه شر الاصابات هو وجميع لاعبى الاهلى ومصر كلهم
وكمان متعب اقوى فى الجسم من اسامه يعنى الفتنس عنده اقوى وده بيخليه صالح للماتشات الافريقيه اكتر
وربنا يوفقهم هما الاتنين وفلافيو كمان وبلال والوافدين الجدد احمد حسن وهانى العجيزى وحسين ياسر وكل اللاعبيييييييين يارب
وميرسى يامرمر على التوبيك المميز وده مش جديد عليكى

اسامة فعلا هداف خطير و بيلعب وهو مستريح
مش متعب بس اللي اداؤه تراجع في الفترة الاخيرة معظم اللعيبة للاجهاد و اللعب المستمر
وممكن نقول ان اصابة اسامة ممكن تكون جت في مصلحته بعض الشيءبالاضافة الى الموهبة الكبيرةاللي محدش يقدر ينكرها

ميرسى لردودكم اوى ومشاركتم
ومتبع واسامة الاتنين اهلاوية وابناء النادى