ماذا كان شعوركم؟

طبعا كلكم شوفتوا امبارح الحضرى بيلعب لاول مرة بعد المشكلة بتاعته فى ماتش الارجنتين
انا عايزة كل عضو يدخل ويقولى كان شعوره ايه امبارح اول لما شاف الحضرى فى الملعب
يعنى غضب واضايق وقال ازى شحاتة يلعبه
ولا فرح انه شاف الحضرى تانى
ولا بكى على الحضرى
ولا الموضوع مافرقش معاه خالص ووجوده زى عدمه



انا هابتدى واقولكم انا اول لما شفت الحضرى امبارح ماقدرتش امسك دموع واعد اعيط قووى وكنت بقول فينك ايامك ياحضؤرى ليه عملت كده ليه بعتنا ليه هان عليك جمهورك اللى بيحبك ويعشقك ياخسارة ياحضرى

الموضوع حلو اوي يا مرمر
بصي انا اول ما شفتة حسيت ان قلبي اتخطف وبعدين عيني دمعت معرفتش اعيط لان كان حوليا ناس
المهم قعدت سرحانة دقيقة استرجعت فيها كل ذكريات الحضري مع الاهلي الحلوة والمرة ولقيت نفسي تلقائي افتكرت اغنية ذكريات كدابة بتاعة تامر عاشور
كل دة في دقيقة تخيلي والله العظيم
وبعد كدة قلت في سري هوا دة حال الدنيا
يارب مكنش طولت عليكي

انا قبل الماتش فكرت في ان الحب اللي كنت بحبه للحضري اتحول لكره او بلاش كلمة كره بس شعور ميتوصفش بفرح لما حد يهاجمو و اتغاظ جدا لما حد يبرر موقفه و يقف معاه و لما عرفت
انه هيلعب اتغاظت جدا و فضلت ادعي انه يجي فيه اجوان كتير و مع كل كورة توصله كنت بقول
زي الجمهور ييييييييييييييييييييييييييييييييييييييييييييييييييييييييييييييييييي
ولما جه الجون فيه فضلت اسقف جامد زي من كون خدنا كاس العالم ادرجة ان بابا زعقلي و قالي انت هتخيبي ولا ايه يس والله الشعور طلع تلقائي مش علشان مصر جه فيها جون
بس علشان الحضري جه فيها جون
وانا اسفة ان بقول الكلام ده بس يمكن علشان الماتش ودي و مش رسمي حصل كده
و همفضل برده مصر فوق الجميع

انا بصراحه بحب الحضري جداااااااااااااا
وزعلت جدا لما دخل فيه جونين
وزعلت كمان لما افتكرته زمان
ونفسي يرجع الحضري بتاع زمان

بصى بغض النظر عن اللى عمله صح ولا غلط
الحضرى عمل كتير اوى لمصر وللاهلى ماينفعش اننا اول حاجه غلط يعملها ننسى له كل الحاجات الحلوه اللى عملهالنا وخلينا عارفين ان 80 % الحضرى كان سبب كاس الامم اللى فات
وبجد شعورى لما كان فى الملعب انه صعب عليه جدا جدا جدا بسبب هجوم الناس والجمهور عليه
بجد جمهور مايستاهلش اى خير ومش بيقدر المعروف
امال بقى واحد زى احمد السيد ده المفروض التعامل يبقى ازاى معاه
ولا الناس اللى بتهرب بفلوس سرقاها وناصبه على خلق الله ولا العباره ولا لا لا ....الخ
ياجماعه الحضرى مااجرمش
ياريت نسامحه على اللى عمله
وخلى الكل عارف ان فى اسباب خفيه غير الفلوس ورا ان الحضرى ساب الاهلى او جرب يسبيبه
ودى جدعنه منه انه مش راضى يقولها عشان مايشوهش ناس تانيه
الرسول صلى الله عليه وسلم بيقول فيما معناه لما تتخاصم انت ومسلم تانى اخلق له 70 عذر للى عمله
سورى طولت عليكم وياريت يكون كلامى وصل

حقيقى انا اضيقت من حسن شحاته جدا لانه محترمش اداره النادى الاهلى ولا جماهير النادى الاهلى وكلنا اكيد شفنا مستوى الحضرى امبارح يعنى كان من الافضل يعود