احنا ليه بنحب متعب اوى كده

بسم الله الرحمن الرحيم

انا نهى وعايزه اطرح عليكم سؤال
احنا ليه بنحب متعب اوى كده ؟ وهو حاسسس بينا ولا لا؟
كتير مننا حياته معاقه بيه ولكن هو عايش حياته ومستمتع بالحب ده الى شايفه من كل الناس
متعب بيمثل ايه فى حياه كل واحد فينا ؟
منا شايفه حب عمره ولكن هو شايفك ايه ؟
متعب بيبص لنا ازاى على اننا شباب فاضى بيملى حياته باى حاجه حتى لو كانت حب واحد مستحيل
يكون نصيب واحده مننا ؟ فيه ايه ؟ احنا عاملين كده ليه ؟










ياجماعه مش معنى كده انى مش بحبه بالعكس انا بموت فيه وربنا يعلم
بس دى كلها اسئله بدور فى بالى نفسى حد يجاوبنى عليها واعتقد ان الاجابه لازم تكون من متعب نفسه

انتي عندك حق على فكرة والاجابة فعلا لازم تكون من متعب نفسو يعني انا نفسي بتدور الاسئلة ديه في بالي انا يعني مكنتش اعرف اني مجنونة كده بمتعب الا لما حضرت برنامج الكابتن شوبير وهو مستضيف متعب وقال انو هيخطب انا بجد بجد عيطت معرفش ليه وقتها بس اكتشفت اني بحبو لكن انا عارفة ان ده غلط عشان مفيش حب كده لكن ربنا يحميه ويحبب فيه الناس وانا متهيألي ان اي واحدة فينا حست بكده المفروض تفهم نفسها بالواقع انا عملت كده عشان مينفعش نوقف حياتنا عشان انسان انا عارفة انو يستاهل وبحبو جدا لكن مش عايزة اقول يعني امل اد ايه ان واحدة فعلا مننا ترتبط بيه والحب لازم يكون تضحية ولو بنحبو بجد يبقى ربنا يسعدوا ياااااااااااارب مع اي حد هو يختاروا واحنا هنبقى فرحانين عشانوا واما بقى احنا بنحبوا ليه فالحب ده مشاعر بيحطها ربنا في قلوبنا ومش بإيد اي حد فينا عشان الواحد لما بيحب بيحب بالعيوب والمزايا وعشان كده مقدرش اجاوبك في السؤال ده ياريت اكون حسستك انك مش لوحدك وميرسي عالموضوع قوي

شكرا يادودى على المرور
بس بجد انا مقصدش اننا نتجوز متعب انا اقصد احنا ليه كده
وانتى جاوبتى ان الحب مشاعر من عند ربنا ما نقدرش نمنعها او ندخل
احنا نحب مين ومنحبش مين