وشاب لسة صغيور
ومشهور بأسم الدبور
بالف وادور ع المنتديات
وأحب اكلم فى البنات
وبدعى يجيلى رسالة خاصة
من واحدة تحبنى ولا تتوصى
وتكون مشهورة بالرومانسية
بس ياريت تكون غنية
علشان تقدر تصرف علي
السن تلاتين او خمسة وتلاتين
ويكون معاها شوية ملايين
وأعيشلى معاها يومين حلوين
والكل بغرضى عارفين
هييييه جاتلى رسالة خاصة
هييييه جاتلى رسالة خاصة
اخيرا جاتلى رسالة خاصة
بتقولى يا واد ياحلو يأمور
أوعى غيابك عنى يطول
بسرعة قابلنى ع الكورنيش
اركب تاكسى ماتمشيش
وامسك فأيدك وردة حمرا
ح ادلعك واخليك م الأمرا
انا طرت اسابق زمانى
ورحت ع الكورنيش فى ثوانى
واستنيت إلى مواعدانى
بالصدفة قابلت واحدة كبيرة
قلتلها اساعدك بإية يانينة
وخدت بأيدها ... وسندتها
وع الكرسى الخشب أعدتها
ووقعت منى الوردة الحمره
قالت لى أنت الدبور
ياحلو انت يا مشهور
وبقيت فإيدها زى العصفور
وساعتها أغمى عليا
انا مين انا فين وفين هية
قلولى البس الجلابية
كلام كتير مش عايزين
انت ف مستشفى المجانين
خلى بالكوا ياسامعين