سألنى عقلى سؤال ورد قلبى وقال...
سألنى عقلى سؤال.. قالى آيه الأحوال...
لسه فاكرة اللى راح..واللى من بعده وقلبك عايش فى جراح والبال مش مرتاح..
لأمتى حتفضلى فاكراه.. وناسية الكل ومستنياه!!
أزاى تعيشى على الذكرى وكل حاجة فيكى فاكرة كل يوم قضيتيه فى هواه..
حتعيشى أزاى وتكملى باقى الحياة..طول ما أنتى حاسة أنك محتاجاه وحبه فى قلبك شيلاه..
أحترت معاكى .. وقلبك اللى دوخك وخلانى غلبت..غلبت أشيل حبه من جواكى..
ودخل قلبى فى حالة دفاع ورد على عقلى وقاله...
أنا جاى أرد على كلامك وأدافع عن اللى ساكن جوايا..واللى حبه جوايا أنهار وملهاش نهاية..
جاى أقولك حاجة واحدة عايزها تنسى أزاى وأنا اللى جوايا شايله؟؟
وتقولى أنا أنساه أزاى وأنا كنت ساكن جوه منه؟؟
شايلنى فى عيونه وجوا حضنه..
وتقولى أنا أنساه أزاى وأنا كنت ساكن جوه منه؟؟
شايلنى فى عيونه وجوا حضنه..
كانت دايما فى باله وفاكر حبها ليه..أزاى تنسى عيون قلب أتعلق بيها؟؟
عايزها تنسى أزاى الحب والهوى.. وتنسى كمان أن حبه كان ليها دوا..
عايزها تنسى أزاى الحب والهوى.. وتنسى كمان أن حبه كان ليها دوا..
كانت تعيش على حبه ولسه فاكرة سنين الهوى..
تنسى الأمان والحنية وتنسى أنه لسه عايش فيا..
حاول عقلى مقاومة قلبى رد عليه فى سؤال حيرنى..
طيب قولى يا قلب يا طيب.. زى ما هى فاكرة وأنت فاكر الحب اللى كان معيشها فيه
يا ترى كمان لسه فاكرين أنه سبكم فى يوم تايهين..
يا ترى كمان لسه فاكرين أنه سبكم فى يوم تايهين..
فاكرين أنه مشى وبعد عنكم ومكنش ليكم ذنب وجه عليكم وجرحكم..
دافع قلبى بأستماتة عن اللى كان فى يوم حياته..
أزاى يا عقل تقول كده أنا كنت فاكرك غير كده!!
ما أنت شفت اللى حصل قدامك.. عمره ما فى يوم ظلمنا غير بس لما جه يبعد ويسبنا..
وأكيد كان ليه أسبابه وأحنا أتحملنا عذابه وراضيين نعيش كده..عذابه هو حبه الكبير..
لازم تحب وتتعذب أمال تبقى أزاى شفت مرارة الحب وحلاوته..
فاكر كل حاجة حتمشى كويسة ونعيش فى القصص والحكايات والنهاية السعيدة لكل الروايات..
مش ممكن تفتكر أن هى دى الحياة.. الحياة هى فرحة و آه..
عادى يعنى لو حبيت وأتجرحت فى يوم وبكيت..
لازم تدوق وتجرب وتشوف الحلو والمر..
وتدوس على النار وتقرب وإلا متبقاش عايش..
عرفت يا عقل ليه منبقاش أتجرحنا وفاكرينه لأنه كان دايما مريحنا..
وسط الدنيا اللى عايشين فيها.. قليل لما تلاقى الناس بتحب بعضيها..
وتلاقى قلب زى قلبه شايل حبها ليه فىحضنه..تقدر تنساه فى يوم ولا حتى سنين؟؟
ليه كل الناس عليها لايمين..متجيش عليها يا عقل..
ليه كل الناس عليها لايمين..متجيش عليها يا عقل..
سيبها فى حزنها خليها هى اللى تختار وقتها..وتشوف أمتى حتنساه وتشيله من قلبها.......
هنا سكت عقلى وفكر فى كلام قلبى ليه.. حس بالعجز وفعلا بقى مش قادر يتكلم ولا حتى يرد عليه..
حس أن الحب مش بيبقى مالى القلب ده بيبقى عايش فى كل الكيان..
عايش فى الوجدان وكأنك فى حلم من الأحلام...
هنا بس سكت العقل عن الكلام,,,,,,
وآمن أن الحب عايش فى الوجدان,,,,
وأن لكل حاجة وقت وآوان,,,,,,,
أمضاء:
أسيرة الحب
أرجو أنه يكون عجبكم بعد غياب من مواضيعى معلش غصب عنى ومعلش بقى هو طويل شوية
![[ahmed]333](https://2img.net/u/2815/76/14/86/avatars/4901-77.jpg)
