اقتراحات للنهوض بالمنتدى..

رجاء من سعة صدرك يا محمد:
لو سمحت يا محمد تحاول تقلل الاعلانات الى موجودة فى اول صحفة المنتدى
يعنى الاعلانات الى خلاص وقتها راح وانتهى الاعلان عنها يارت تتشال لان منظر
الصفحة مش اد كدا يعنى
ويارت يتعمل ساعة كبيرة فى اول الصفحة بتاعت المنتدى والصفحة الرئسية ساعة كبيرة للوقت
ويارت يتم انضمام قسم اهداف متعب وكليبات متعب مع بعض لان تقريبا هما الاتنين واحد بخلاف ان الكليبات بتبقى اغانى على الاهداف برضو دا من رأى مش عارف انتو رأيكو اية ولو غلط خلاص خلية زى ما هوا
ويارت كمان يتم ضم قسم الازياء والاناقة مع قسم العناية بالشعر والبشرة لأن الاتنين تقريبا برضو قريبين من بعض اوى
وفى ناس بتعمل توبيكات فى الازياء عن الشعر والبشرة والعكس برضو.
ويارت كمان يتم حذف قسمى كاس الامم الافريقية وتوقعات الامم الافريقية نظرا لأنتهاء البطولة منذ اسبوع ماضى خلاص
والاعضاء لسة بتنزل اخبار عن المنتخب فى قسم الامم يارت يبدأو يرجعو تانى وينزلو اخبار المنتخب فى قسم الكرة المصرية.
ويارت نحاول السيطرة على قسم الالعاب لان معظم الى بيشترك فى المنتدى بيدخل على قسم الالعاب فقط
يعنى يارت تعمل اعلان فى قسم الالعاب ان لابد من الاعضاء المحاولة فى الاهتمام فى المنتدى ككل لرفع المنتدى لأعلى مكانة ممكنة .ونحاول نخلى الاعضاء الى بيدخلو القسم يحاولو يهتموا اكتر بالمنتدى فعلا لان كدا مينفعش لان فعلا نسبة كبيرة اوى بتدخل لقسم الالعاب بس ..
وانا من رأى لو هيستمر الوضع كما هوا علية يتم اغلاق قسم الالعاب نهائيا.والاعضاء الى مش هيعجبهم ان القسم اتقفل براحتهم بقى يا يستمروا ويساعدو باقى الناس فى النهوض بالمنتدى او براحتة بقى الى هوا شايفة.

وأسف على الأطالة ودا من عشمى فيك وفى سعة صدرك يا محمد

hesham كتب:ويارت كمان يتم حذف قسمى كاس الامم الافريقية وتوقعات الامم الافريقية نظرا لأنتهاء البطولة منذ اسبوع ماضى خلاص

صح الكلام بس انا عندى تعليق على النقطه دى انا شايفه ان الكليبات واللقاءات الى تخص البطوله ميفعش ابدا تتقفل لانها لسه جديده بالتالى هيبقى احسن انها تتحط فى قسم ثانوى فى قسم الكليبات الرياضيه
او فى اقتراح تانى وهو اننا نعمل قسم خاص بالمنتخب نحط فيه كل الى يخص المنتخب من كليبات ولقاءات واخبار ...مش عارفه بس عموما ده رئيى وان شاء الله المنتدى يبقى احسن منتدى فى الدنيا

شكرا على ردك والله رأى كويس
وحكاية قسم للمنتخب دى كويسة برضو
عقبال ما نعرف باقى الاراء

انا معاك ف كده

و ف ملحوظه تانيه : حاسس ان المشرفين كتار اوى ع كل قسم حاسس ان عددهم كبير اوى

شكرا يا هشام على مجهودك واقتراحاتك المهمة
بالنسبة للإعلانات لازم فعلا يكون فيها تنظيم اكتر من كدة وان شاء الله اهتم بالنقطة دى لانها مهمة جدا ، وبالنسبة للساعة انا كنت نفذت الموضوع دة فعلا من فترة طويلة جدا لكن للآسف بتتقل المنتدى جدا وبتقل التصفح داخل المنتدى ، وبالنسبة لقسم أهداف وكليبات عماد ، كان في البداية قسم واحد ، بس كان فيه طلب من الاعضاء ان القسم ينفصل لقسمين ، لاننا فعلا محتاجين اننا نفصل بينهم ، وبالنسبة لاقسام الأزياء والاناقة انا مستعد لأى حاجة تكون العضوات موافقين عليها
وبالنسبة لاقسام كاس الامم احنا منتظرين فترة وان شاء الله القسمين حينضموا لقسم الارشيف ، وبالنسبة لقسم الالعاب احنا فعلا كنا ناقشنا النقطة دى قبل كدة وحاولنا نقللها وفعلا نجحنا إلى حد ما ، وأنا واثق ان الاعضاء تهمهم جدا مصلحة المنتدى وحينظموا الموضوع دة ان شاء الله .. @
وشكراا مرة تانية يا هشام على الإقتراحات الممتااازة وان شاء الله حتتنفذ طالما في مصلحة المنتدى

مرسى للاقتراحات المفيدة دى فعلا

ولازم فعلا نظبط المنتدى واحدة واحدة وكلنا نشارك فى ده وياريت بس كل واحد فينا يعرف المفروض انه يعمل ايه للمساعدة

وان شاء الله يكون احسن منتدى بينا كلنا.............................