ايه يا دنيا عايزه منى ايه
أخدتى منى كل فرحى عايزه تانى ايه
مسبتليش اى امل حتى اعيش عليه
أخدتى الفرح والسعاده والحياه
أخدتى بكره أخدتى بعده اّه يا دنيا والف اّه
عايزه تانى تخدى منى يعنى ايه
بعتى ليه يا دنيا ليا خفاشك
وكتبتى ليه على قلبى الحزن بمنقاشك
هو اللى عاش زى اللى مات ولا اللى مات هو اللى عاشك
ولا ايه يا دنيا ليه بعد ده كله عايزه تانى يبقالى ايه
الحب ضاع والعمر ضاع
ومفيش فالقلب غير الضياع
اعز الناس فارقنى خلاص من غير سبب ولا قالى وداع
احن ليه ولا اعمل ايه
ده انا بصحى وانام أحلم بيه
لو كان يقولى انه سبنى عشان خلاص محبنيش
او حتى باعنى عشان كرهنى وعايز مايشفنيش
كنت اطمن وابعد عنه وافكر انه ضحى عشانى ومقليش
تعبت خلاص ونفسى راح مبقاش بقيلى غير الجراح
شكرا يا دنيا والله ما عارف اقولك ايه
اشكرك انا بس على ايه ولا ايه
