الاصدقاء موضوع مهم جداارجو الدخول

ازيكم يا جماعة انا عايزة اخد رايكم في موضوع خاص بي


يا جماعة انا عايزة رايكم بصراحةلانةهايفرق معايا اوي ردكم


الموضوع اني ليا وحدة صحبتي وكنا بنحب بعضنا اوي بس المشكلة انها مش بتحبني زي ما انا بحبها وكل شوية تزعل مني علي اسباب تفة وانا بستحمل بس هي في الفترة الي فاتت زعلت مني كالعادة علي سبب تافة ويمكن كمان ما يبقاش سبب بس هي قفلت خالص ومش عايزة تكلمني تاني وبتقول انها حطت قاعدة لنفسها ان ما فيش حاجة اسمها صداقة مع انها اتسببت في اني تعبت كتير وكتير من صحابي قالولي ابعد عنها بس انا ما قدرتش وكمان هي بتتهمني اني خطفة منها صحبتها مع اننا كلنا كنا صحاب وكمان قالت علي اني مريضة ولازم اروح لدكتور
بجد انا مش عارفة اعمل اية اسعدوني من غير ما اجرح كرمتي

يا ريت تبعتو الردود علي طول

انا هااقولك حاجة واحدة مينفعش حد يعيش من غير اصدقاء بس هية كدة اكيد مش بتحبك او فهمة حاجة غلط فيكى وانتى عليكى تفهميها

انا فعلا مش فهما ها بس مش بايدي حاجة اعملها

اية يا جماعة انتم مش عايزين تسعدوني

شكلي كدة مش مهمة عندكم خالص

انا برده عانيت من موضوع الصداقه دا كتير واقولك حل انا عملته لنفسى حطيت قاعدة ان مفيش حاجة اسمها صداقه فى الزمن دة وكله كلام فى كلام علشان كدة ماهتمتش وبقولك متهتميش انتى كمان واللى يحبك حبيه واللى يبيعك بعيه ومتساليش فيه واوعك تثقى فى اى حد مهما كان ومتديشاسرارك لاى حد ولازم تحذرى من اصحابك اكتر من اعدائك يا ريت اكون افدتك

لالالالالالالا مش تقولى كده احنا كلنا هنا اخوات فى منتدى واحد

وعموما بجد حاولى تعرفى هى بتعمل كده معاكى ليه؟

ولو ما عرفتيش او اقتنعتى بالسبب يبقى الاحسن انك تبعدى عنها مدام انت واثقة وضميرك مرتاح انك ما عملتيش فيها اى حاجة تستاهل منها المعاملة دى

والواحد اتعرضت وسمع عن المواقف دى كتييييييييير

وياريت تركزى فى الاهم وهو صحيح احنا ما اتخلقناش لوحدنا او عشان نعيش بعيد عن بعض لكن ساعات البعد عن وجع الدماغ والمشاكل ارحم من القرب اللى فيه مشاكل والدنيا مش مستاهلة ولا بتوقف على حد

صحتك ونفسيتك ودراستك واهلك واخواتك وكل اللى بيحبوكى ويهتموا بيكى اولى باهتمامك من اى حد ومدام انتى مع ربنا ادعيله فى كل حاجة خاصة بيكى وفى حياتك وان شاء الله هيكرمك اوى ويعوضك بصداقة وقرب من يستحقك.........................

مش هقدر اقلك اقتر من ال سسما قلتة
كلام فى منتهى الجمااااااااااااااااال

مرسي ليكم اوي ياجماعة هو دة فعلا كان راي بس كنت عايزة اشوف راي دة صح ولا غلط

العفووووووووو.................

معلشي انا هزهقكم بس هي بتحاول توقع بيني وبين صحبتي التانية وانا مش عارفة اعمل اية

معلش

تقطعي الصداقه خالص

انا من رأى طولة البال تهد الجبال ده حصل
معايا وطولت بالى عليها ودلوقتى مفيش اصدقاء زينا

اقولك على حاجه هو فى حلين عندى 1- انك تقعدى تتكلمى معاها بصدق جدا وده اللى انا بلجا ليه الحل التانى انك تعملى زى ما هم قالوا تصبرى عليها

وان شاء الله تبقوا سمنه على عسل

يا ريت نرجع صحاب تاني بس هي قطعت خالص انا هشوفها يوم الاحد واتفقت مع نجوي صحبتي اننا هانكلمها عادي ونشوف رد فعلها اية ومرسي اوي ليكو وانتو فعلا الاصدقاء بجد