عايزة أخد رأيكم فى حاجة وياريت تفيدونى ان شاء الله ...............
دى قصة لواحدة صاحبتى ححكيها على لسانها.
بصوا احنا كنا شلة كبيرة من بنات وأولاد وكلنا مع بعض اصحاب قريبين جداااااا من بعض كنت بحب واحد زميلى من بره الشلة وأٌقرب واحد زميل ليا فى الشلة برده كان بيحب وفى وسط ما هو بيحب لقيته بيحبنى وقعد يلمح ويلقح بكلام لدرجة انه كذا مرة قالى قدام اصحابى انه بيحبنى وكأنها بهزار بس طريقته كانت جد وطبعا اصحابى عشان عارفين انه بيحب واحدة تانية أتاخد الكلام على انه هزار وقالهالى مرة ومرتين قداهم وكل ده وهما مش عارفين حاجة بس من تصرفاته بدأوا يحسوا انه فعلا فى حاجة بينى وبينه وكنا بنقعد مع بعض فترة كبيرة لوحدنا نتكلم ونسأل بعض عن أحوالنا المهم انه بعد كده انا تعبت من كتر اللف والدوران وقلت أروح أكلمه واقوله وأساله على تصرفاته اللى بيعملها معايا ادام هو مش عايز يتكلم بصراحة وأنا كلمته بس عشان هو بالنسبالى صداقة طويلة جدا وفعلا كنت بعتبره زى أخويا وكمان لأنى أصلا بحب وكنت عارفة انه ممكن يكون فى حاجة مضايقاه وبيعمل كده غلط يعنى وانا اقف جنبه مش أكتر ورحت كلمته وواجهته باللى بيعمله بصراحة ما أنكرش وقالى انه فعلا بيعمل كده وكل اللى شايفاه فعلا حقيقى ومظبوط وقلتله بس كده أحنا مش صديقين مع بعض دى حاجات ناس بيحبوا بعض قالى أيوة صح وأنا بحبك قلتله بس مينفعش اللى بتقوله أنت بتحب وأنا كمان بحب ومش حينفع قالى اه مش حينفع بس محتاج أخد فترة لانه كانت الفترة دى حياته مع حبيبته متلخبطة وانا كنت حضراها وعارفة كل حاجة لأنى زى ما قلت قريبة جدا منه وهو قريب جدا منى بس المهم قالى انا عندى مشاكل فى البيت ومشاكل معاها والحكاية اصلا متفشكلة بس حرتب نفسى وأقولك قلتله بس انا مينفعش فعلا قالى لما نشوف ربنا يسهل وفى الفترة دى كانت الشلة بدأت تاخد بالها من الحكاية وفهموا ان فى حاجة مخبيينها عليهم وبدأوا يلقحوا هما كمان بالكلام وقلتله الكلام ده انهم كلهم واخدين بالهم ان فى حاجة وانا مش حاة كده قالى ملكيش دعوة بيهم كل حاجة حتتظبط ان شاء الله بس فاتت فترة مش طويلة أوى على الكلام ده وبعدها كان فضل طبيعى فترة بسيطة ورجع تانى للى كان عليه من حبه ليا وأنا مرضتش أروح اكلمه تانى عشان ميفكرش انى بحبه ولا حاجة بس فضل على كده وجاتلنا فترة متقابلناش فيها بس بعدها أنا مكملتش قصة حبى لأنه كان حب بالعيون وبس لما انتهت فترة الجامعة وبما انها كانت اخر سنة فطبعا مشفناش بعض تانى وهو متكلمش بس انا لسه بحبه برده المهم انى لقيت واحدة صاحبتى قريبة جدا منى من شلتى جاية تتصل بيا تقولى ان زميلى الى بقول عليه جه قالها انه بيحبها وأنه من زمان كان عايز يقولها انه بيحبها وكلام من ده وفكرى وردى عليا انا طبعا استغربت واتصدمت مش علشان انا بحبه لا والله مكنتش بحبه مش معقول ححب اتنين فى وقت واحد بس الحكاية انى اتصدمت فيه كواحد غالى اوى عندى وازاى يجى يقولى كده ويروح لها يقولها كده مع ان الموضوع بينا متقفلش خالص انا مش بحبه بس مش معقول يعمل حاجة زى دى يبقى كده مش بيحب حد وكان بيلعب بيا انا فهمت كده من الى عمله بس طبعا غيرت معملتى ليه تلقائى لما عرفت اللى عمله فى الاول قلت ان الموضوع هزار جامد بيعمل فيا مقلب يعنى بس اتأكدت منه هو شخصيا لما نزلنا الجامعة كلنا سألته اللى وصلى صح قالى اه صح آيه رأيك فيه؟؟ تخيلوا بيقولى ايه رأيى هو كده يعنى انسان كويس ازاى بقى اصلا كان بيحب واحدة وفجأة بيسيبها وميلحقش يسنساها مكملش حتى شهر تقريبا ويروح يقول لصاحبتى انه بيحبها وكمان وهو بيحب الاولى يجى يقولى انا انه بيحبنى ازاى بس يعمل كده حسيت انى مخدوعة فيه بقالى سنين مش هو كده انسان مش كويس برده بس المشكلة بقى انه دلوقتى طبعا صاحيتى متعرفش حاجة من اللى كانت بينا وواحد زى ده باين عليه انه هوائى اوى لانه مكملش فى اى حاجة دخلها وسابها وصاحبتى هو اصلا قريب ليها اوى زى ما هو قريب منى وصعب جدا انها تصدق عليه انه يعمل كده وفى نفس الوقت انا اصلا مش هاين عليا اسيبها تروح وممكن توافق على انها ترتبط بيه وبالشكل اللى هو عليه ده يبقى اكيد مش حيكمل معاها واصلا معرفش هو ازاى عايز يرتبط بيها لانها شخصيتها غيره خالص وهو اصلا كان فى حاجات مش عاجباه فيها وقالهالى قبل كده بس مش عارفة ازاى يعمل كده انا بس اللى هاممنى هى لانه هو خلاص نزل من نظرى اصلا من ساعة ماعمل كده معايا وراح لها يبقى خلاص مبقاش قريب منى ولا حاجة بس هى حرام تدخل معاه فى حاجة ومعروف انه مش حيكملها اصلا وانه حيبعد بعد فترة اكيد عنها بس أعمل ايه انا بقى واقعة فى مشكلة كبيرة اروح افهمها واقولها انه مش ممكن يكون بيحبها واقولها على اللى قالهولى واللى عمله معايا عشان حرام تقع فى انسان زى ده مش كويس واكيد حيسيبها ومش عارفة خايفة اقولها تفتكر انى غيرانه وعايزة اوقع بين اتنين قريبين من بعض وهو اكيد كمان مش حيسكت وحيكدبنى فى كل حاجة اقولهالها ومش عايزة اخسرها اصلا لانها صديقة قريبة منى وخايفة اقولها احسن تفضل فاكرة جواها انى انا اللى عملت كده ولو سبتها ومتكلمتش لو سابها بعد كده وده اكيد ولو عرفت حتيجى تلوم عليا وتقولى هو انتى اقرب واحدة ليا تبقى عارفة ده كله ومترضيش تقوليلى على انه عمل كده وانه انسان مش كويس ومش عارفة اعمل ايه انا شايفة قدامى حاجة غلط ومش قادرة اتكلم اصلا اعمل ايه بس ياريت تساعدونى قولولى اقولها ولا اسكت وهو فعلا انسان مش كويس ولا ايه؟؟؟؟؟؟؟؟
