مهم جدا:اخواتى الاعضاء ممكن الدخول

ازيكم يا احلى عشاق لمتعب انا عايزة اقولكم مشكلتى
بصوا انا عندى اصحاب كتير وانا بحبهم بجد بس المشكله انهم مبيسمعونيش لما اتكلم يعنى اجى اتكلم يقاطعونى اجى اكلمهم فى موضوع يسبونى ويروحوا بعيد دى حاجة، الحاجة التانيه انهم شويه قللات الادب يعنى صحبتى واحدة فيهم تطول لسانها على الابله او على زمايلنا التانين والتانيه مش مسكه على لسانها غير يا متخلفة يا غبيه ولما نيجى نقولها كلمه تزعل منى انا لانى انا اللى بقولها كدة غلط وانا مبحبش حد يزعل منى اجى على نفسى واروح اصالحها وواحدة تانيه متكبرة ودايما تزعق على الفاضى والمليان رغم انى بحبهم لكن مش عارفه اعمل ايه ساعدونى لو سمحتوا

ابعدى عنهم فترة وشوفى هيسالوا عليكى ولا لا ولو مسالوس يبقى احنلك تشفى اصدقاء بجد مش اى حد ينفع نطلق عليه كلمة صديق
وموضوع ان لسانهم طويل ده يعنى انتى ممكن تنصحيهم بس مش على طول تفضلى تقوليلهم غلط لان ده اكيد هيضايقهم نتى بس تنصحيهم انهم مايصحش يشتموا المدرسة بتاعتهم
وربنا معاكى ان شاء الله
وبعدين ياستى شكلك لسه صغنونة يعنى بكرة تلاقى اصدقاء بجد
سواء فى الثانوية العامة او فى الجامعة
ومتقلقيش يا جميل
اتمنى اكون افدك

وربنا يخليلى اصدقائى اللى مقدرش اعيش من غيرهم
ياااااااااااااااااااااررب

sa7 ya sama w ana ra2i nafs ra2ik

للاسف الاصحاب اللى ما يستاهلوش الكلمة دى موجود منهم كتييييييييير اوووووووى

لكن عموما مش اخر الدنيا وكل ما الانسان على قيد الحياة هيقابل ويشوف ويعرف ويجرب وياخد خبرة والاهم ان الواحد ما يفقدش احترامه لنفسه

وربنا يبدلك خيراااااااااا منهم باءذن الله واللى يستاهل حبك واخلاصك واخلاقك...............

بصى انا من راى ان الناس اللى اخلاقها مش كويسه مينفعش نصاحبهم ابعديهم عنهم وشوفيهم هيسألوا ولا لأ ولو مسألوش اعرفى انك متهميهمش ووابعدى عنهم ودورى اكيد هتلاقى اصحاب يقدروكى ويحبوكى واخلاقهم كويسه

انا هقولك من رايى لانى بعض المشاكل اللى عندك انا كنت مجرباها:
1- لما تكلمى مع صحابك وساعات بيقطعوكى عادى بتحصل معايا كتير وممكن بينك وبينهم تقوليلهم على الحاجات اللى بضايقك منهم وهما كذلك وانا بعمل كدة مع صحابى
2- اللى هما مش محترمين ابعدى عنهم
3-المتكبرين حاولى انتى وصحابك تكلموا معاها وتخلوها مش متكبرة

بصى هما اكيد مبيكنش قصدهم يقاطعوكى
وانتى حاوللى تكلميهم فى الحكايه دى واسمعيلهم علشان يسمعولك
واللى تلاقيها بطول لسانها قولى لها مينفعش وكلميها بالراحه
والمتكبره قولى لها ليه كده كلنا زى بعض واحنا صحاب يعنى كلنا واحد ومفيش داعى للتكبر على اى حد وكلميها بهدوء برضه

بالنسبه للمقاطعه دي فدي ممكن تكون لظروف عندهم
اما الي لسانها طويل فحولي تفهميها براحه

والمتبره دي بقى متقوللهاش الا كلمه وحده الكبرياء لله وحده

بصى دى مشكلة بيعانى منها كتير من الشباب وانا اولهم بالنسبة للى بيتكبرو انا مبكلمهمش لان دى عادة وحشة جدا اما للى لسانهم طويل انتى ممكن بزكائك تحلى المشكلة دى مدام انتى بتحبيهم بس من غير ميحسوا يعنى مش كل شوية تقوليلهم دة غلط ومينفعش انتى تقدرى تعملى كدة بطريقة غير مباشرة

انا حاسة بيكي اوي لاني بنفس الي انتي بتمري بية ويمكن اكتر بس مشعارفة اعمل اية زيك ياللة ربنا معانا

حاولى تعرفيهم ان الى يبعملوه ده بيضايقك
لو حاولوا يغيروا من نفسهم يبقى بجد بيحبوكى بس لو معملوش حاجه يبقى دورى على اصحاب غيرهم لانهم ميستهلوكيش

بسي انا مريت بالي انتي مريتي بية واكتر بس انا قررت اني اريح دماغي وابعد عنهم والي عايزني يبقي يكلمني

انا راى النك تبعدى عنهم شويه ومتحوليش تكلميهم وشوفى هما هيسالوا عليكى ولا لا بس خلى بالك علشان انتى بتقولى ان فى منهم قليل الادب

انا ممكن الرد بتاعى يضايق بس هما لو بالطريقه اللى انت وصفاها يبقوا مش اصحاب والاستمرار معاهم مش حلو ممكن تكونى بتحبى اصدقائك دة حاجه كويسه بس لو اصدقائك بالطريقه دى يبقى مش اصدقاء كويسين