اولا كل سنه وانتم طيبين بمناسبه عيد الاضحى الطيب المبارك
انا جيبلكم قصه جديده النهرده مكون من عدة مشاهد
القصه كان كاتبها واحد صاحبى فى المنتدى بتاعه
وانا استأذنته انى اجيبها هنا وهو مرفضش طبعا لانه من عشاق منتعب هو كمان
والقصه يعنى هى فكرة من احداث واقعية حصلت وبتحصل مع شباب مصر وان شاء الله تطلع كويسة وهى شوية كوميدى على دراما واكشن كدة يعنى ونشوف بقى فى الاخر هتطلع ايه يلا نتابع...
المشهد الاول:_
نهار داخلى فى شقةخالد :
يصحى خالد ويبدا يوم جديد من حياته اللى بقت كلها تقريبا شبه بعض بعد التخرج وطبعا الركنة والعطلة فى الحياة بدون اى هدف او مستقبل بس كان جواه الطموح والامل فى الله وبكرة كبير جدا زى اى شاب فى مصر...ويدور خالد على الشبشب وهو تقريبا بيحاول يفتح عينه ويستقبل يومه...
مش عارف انا بس بيروح فين مانا راكنه هنا قبل ما انام بالليل ايه بيسهر برة من ورايا ولا ايه فين بس اه اهو ادخل بقى يووووه طبعا بتطوح من السهر طول الليل ماشى ماشى من بكرة هنام واربطك فى رجل السرير وابقى ورينى بقى هتتحرك ازاى...
يدخل خالد ويتوضا ويخرج يصلى ركعتين الصبح وهو بيسلم يسمع صوت زى صوت الملايكة بيدعى وبيقول...روح يا ابنى ربنا يوفقك ويكرمك وينولك كل اللى فى بالك ويحبب فيك خلقه ويوقفلك ولاد الحلال قادر يا كريم...
ويبتسم خالد ابتسامة رضا وراحة بعد ما سمع دعوات امه ويقوم يحضنها ويبوسها على راسها ...ايوة كدة يا امى ادعيلى والنبى احسن العملية كدة نشفت وطولت على الاخر بقالى خمس سنين متخرج ومعملتش اى خطوة فى حياتى تفيد مستقبلى...
الام وهى بتطبطب وتقوم خالد من على الارض اصبر يا ابنى ان شاء الله ربنا هيوفقك ومرة من المرات ان شاء الله كله هيبقى تمام متقلقش بس قولى يا خالد...هى دى المرة الكام اللى تروح تقدم على وظيفة ويقولولك تعالى اعمل انتر فيو وما يردوش عليك اصل انا بطلت اعد وراك بعد المرة التاسعة...
خالد وهو بيضحك ضحكة سخرية : ...ايه يا ماما فى ايه ما انتى كنتى ماشية كويسة وزى الفل وبتدعيلى وروح يا ابنى وتعالى وكدة ايه الخفة اللى على الصبح دى بس ما انتى عارفة على ايدك كل مرة بيدوا الوظيفة لحد معاه وسطة جامدة يا بيطلبوا مؤهلات مش معايا اساسا خالص يا اما بيدوها من غير واسطة او مؤهلات بس فى الحالة دى بتاخدها بنت تكون امورة...
هههههههه انا بضحك معاك متقلقش يا خالد والله ان شاء الله مرحلة وتعدى وربنا مش هيسيب حد بيعمل اللى عليه وبيسعى اكيد فى الاخر هيكافاك بحاجة ولا كانت لا على البال ولا على الخاطر...الله عليكى يا ماما يا جامدة ايوة كدة ارفعى معنوياتى يلا انا سيبها على ربنا...
الام وهى حزينة شوية...انت عارف يا ابنى انا نفسى اشوفك وافرح بيك وتبقى احسن الناس انت واختك داليا قبل ما يجرالى حاجة واحصل ابوك الله يرحمه...
حازم وهو ماسك ايد امه: الله يرحمه وربنا يخليكى لينا يا ماما والله ان شاء الله هتشوفينى احسن الناس واشجع الناس وكل حاجة مع الناس وهجوزلك داليا وهتفرحى بيها وتربيلها عيالها كمان ماهى هتيجى ترميهوملك انا عارف هى بتعمل حاجة بنفسها ابدا ...الحاجة الوحيدة اللى بتعتمد على نفسها فيها الاكل..
وتدخل داليا وهى بتحاول تفتح عينيها بالعافيةوبتتاوب: صباح الخير يا قوم...يرد خالد: قوم ايه انتى داخلة على سوق عكاظ وبعدين ايه بتتاوبى ولا بتكشفى على زورك فى ايه مش كدة يعنى احنا لسه الصبح وبعدين صاحية بدرى يعنى مش عوايدك وايه صاحية على سيرة الجواز ايه رامية ودنك ومسروعة عليه اوى...
وترد داليا باستهزاء وسخرية: وانا عارفة انام منك انت وامك صوتكو اد كدة على الصبح بعدين جواز ايه يابو جواز انت بلاش ارف انا بقى قاعدة على قلبكوا ولا زهقتوا منى...و ترد الام: احنا نزهق منك بردو انا عمرى ما زهقت منك يا حبيبتى دة انتى خنقة طول عمرك يا سلام انت يا خالد زهقان منها...
خالد : لا اطلاقا انا طهقان منها بس بنت برطة كدة وكسولة على راى بابا الله يرحمه...
داليا : بروطة طيب يا عم النشيط رايح فين على الصبح كدة..
خالد : عندى انتر فيو ادعيلى...داليا : اكيد ماما قامت بالواجب بعدين انا مكسلة ادعى بصراحة بس قولى صحيح هى دى المرة الكام تقدم فيها على وظيفة ويقولولك تعالى اعمل انتر فيو ويقلبوك بعدها...
خالد : حتى انتى كمان يا بروطة...داليا: اصل انا اخر مرة عديت وراك كان 11 وبطلت اعد بعد كدة...
خالد : لا بصى بقى انا اسيبك مع ماما وانزل انا بقى بالورق بتاعى عشان اروح اشوف مستقبلى يلا يا ماما عايزة حاجة...
الام : لا يا ابنى روح ربنا يوفقك يا حبيبى لا اله الا الله ... خالد : محمد رسول الله...
داليا : يا عم انزل بقى انت محسسنى انك رايح ليبيا...خالد:خليكى انتى براحتك بكرة لما العملية تمشى معايا هتجرى ورايا عشان اعبرك واحن عليكى بحاجة ولا هعرفك
داليا: يا عم اجرى انا هكسل اصلا اجرى وراك...
ويخرج خالد وينزل عشان يروح يعمل الانتر فيو وهو المرة دى معلق امل كبير اوى لانه نفسه يعمل حاجة لامه واخته لانهم امانة فى رقبته خصوصا بعد وفاة ابوهم...
وخالد خارج من العمارة يسمع صوت بينده عليه : خالد...خالد...
ايوة يا داليا فى ايه...مفيش ماما بتقولك اخدت ورقك معاك كله...ايوة كله معايا بس معقول داليا تفتح الباب وتخرج على السلم وكمان تنادى ايه المجهود الجبار دة...
داليا : يا رخم حبيت اقولك ربنا يوفقك...
خالد : طمعتى فى الفلوس صح قولتى بدل ما اجرى وراه ادام انا اثبته من دلوقتى...
داليا : امشى يلا يا رخم انت بس خد بالك من نفسك...
انا جيبلكم قصه جديده النهرده مكون من عدة مشاهد
القصه كان كاتبها واحد صاحبى فى المنتدى بتاعه
وانا استأذنته انى اجيبها هنا وهو مرفضش طبعا لانه من عشاق منتعب هو كمان
والقصه يعنى هى فكرة من احداث واقعية حصلت وبتحصل مع شباب مصر وان شاء الله تطلع كويسة وهى شوية كوميدى على دراما واكشن كدة يعنى ونشوف بقى فى الاخر هتطلع ايه يلا نتابع...
المشهد الاول:_
نهار داخلى فى شقةخالد :
يصحى خالد ويبدا يوم جديد من حياته اللى بقت كلها تقريبا شبه بعض بعد التخرج وطبعا الركنة والعطلة فى الحياة بدون اى هدف او مستقبل بس كان جواه الطموح والامل فى الله وبكرة كبير جدا زى اى شاب فى مصر...ويدور خالد على الشبشب وهو تقريبا بيحاول يفتح عينه ويستقبل يومه...
مش عارف انا بس بيروح فين مانا راكنه هنا قبل ما انام بالليل ايه بيسهر برة من ورايا ولا ايه فين بس اه اهو ادخل بقى يووووه طبعا بتطوح من السهر طول الليل ماشى ماشى من بكرة هنام واربطك فى رجل السرير وابقى ورينى بقى هتتحرك ازاى...
يدخل خالد ويتوضا ويخرج يصلى ركعتين الصبح وهو بيسلم يسمع صوت زى صوت الملايكة بيدعى وبيقول...روح يا ابنى ربنا يوفقك ويكرمك وينولك كل اللى فى بالك ويحبب فيك خلقه ويوقفلك ولاد الحلال قادر يا كريم...
ويبتسم خالد ابتسامة رضا وراحة بعد ما سمع دعوات امه ويقوم يحضنها ويبوسها على راسها ...ايوة كدة يا امى ادعيلى والنبى احسن العملية كدة نشفت وطولت على الاخر بقالى خمس سنين متخرج ومعملتش اى خطوة فى حياتى تفيد مستقبلى...
الام وهى بتطبطب وتقوم خالد من على الارض اصبر يا ابنى ان شاء الله ربنا هيوفقك ومرة من المرات ان شاء الله كله هيبقى تمام متقلقش بس قولى يا خالد...هى دى المرة الكام اللى تروح تقدم على وظيفة ويقولولك تعالى اعمل انتر فيو وما يردوش عليك اصل انا بطلت اعد وراك بعد المرة التاسعة...
خالد وهو بيضحك ضحكة سخرية : ...ايه يا ماما فى ايه ما انتى كنتى ماشية كويسة وزى الفل وبتدعيلى وروح يا ابنى وتعالى وكدة ايه الخفة اللى على الصبح دى بس ما انتى عارفة على ايدك كل مرة بيدوا الوظيفة لحد معاه وسطة جامدة يا بيطلبوا مؤهلات مش معايا اساسا خالص يا اما بيدوها من غير واسطة او مؤهلات بس فى الحالة دى بتاخدها بنت تكون امورة...
هههههههه انا بضحك معاك متقلقش يا خالد والله ان شاء الله مرحلة وتعدى وربنا مش هيسيب حد بيعمل اللى عليه وبيسعى اكيد فى الاخر هيكافاك بحاجة ولا كانت لا على البال ولا على الخاطر...الله عليكى يا ماما يا جامدة ايوة كدة ارفعى معنوياتى يلا انا سيبها على ربنا...
الام وهى حزينة شوية...انت عارف يا ابنى انا نفسى اشوفك وافرح بيك وتبقى احسن الناس انت واختك داليا قبل ما يجرالى حاجة واحصل ابوك الله يرحمه...
حازم وهو ماسك ايد امه: الله يرحمه وربنا يخليكى لينا يا ماما والله ان شاء الله هتشوفينى احسن الناس واشجع الناس وكل حاجة مع الناس وهجوزلك داليا وهتفرحى بيها وتربيلها عيالها كمان ماهى هتيجى ترميهوملك انا عارف هى بتعمل حاجة بنفسها ابدا ...الحاجة الوحيدة اللى بتعتمد على نفسها فيها الاكل..
وتدخل داليا وهى بتحاول تفتح عينيها بالعافيةوبتتاوب: صباح الخير يا قوم...يرد خالد: قوم ايه انتى داخلة على سوق عكاظ وبعدين ايه بتتاوبى ولا بتكشفى على زورك فى ايه مش كدة يعنى احنا لسه الصبح وبعدين صاحية بدرى يعنى مش عوايدك وايه صاحية على سيرة الجواز ايه رامية ودنك ومسروعة عليه اوى...
وترد داليا باستهزاء وسخرية: وانا عارفة انام منك انت وامك صوتكو اد كدة على الصبح بعدين جواز ايه يابو جواز انت بلاش ارف انا بقى قاعدة على قلبكوا ولا زهقتوا منى...و ترد الام: احنا نزهق منك بردو انا عمرى ما زهقت منك يا حبيبتى دة انتى خنقة طول عمرك يا سلام انت يا خالد زهقان منها...
خالد : لا اطلاقا انا طهقان منها بس بنت برطة كدة وكسولة على راى بابا الله يرحمه...
داليا : بروطة طيب يا عم النشيط رايح فين على الصبح كدة..
خالد : عندى انتر فيو ادعيلى...داليا : اكيد ماما قامت بالواجب بعدين انا مكسلة ادعى بصراحة بس قولى صحيح هى دى المرة الكام تقدم فيها على وظيفة ويقولولك تعالى اعمل انتر فيو ويقلبوك بعدها...
خالد : حتى انتى كمان يا بروطة...داليا: اصل انا اخر مرة عديت وراك كان 11 وبطلت اعد بعد كدة...
خالد : لا بصى بقى انا اسيبك مع ماما وانزل انا بقى بالورق بتاعى عشان اروح اشوف مستقبلى يلا يا ماما عايزة حاجة...
الام : لا يا ابنى روح ربنا يوفقك يا حبيبى لا اله الا الله ... خالد : محمد رسول الله...
داليا : يا عم انزل بقى انت محسسنى انك رايح ليبيا...خالد:خليكى انتى براحتك بكرة لما العملية تمشى معايا هتجرى ورايا عشان اعبرك واحن عليكى بحاجة ولا هعرفك
داليا: يا عم اجرى انا هكسل اصلا اجرى وراك...
ويخرج خالد وينزل عشان يروح يعمل الانتر فيو وهو المرة دى معلق امل كبير اوى لانه نفسه يعمل حاجة لامه واخته لانهم امانة فى رقبته خصوصا بعد وفاة ابوهم...
وخالد خارج من العمارة يسمع صوت بينده عليه : خالد...خالد...
ايوة يا داليا فى ايه...مفيش ماما بتقولك اخدت ورقك معاك كله...ايوة كله معايا بس معقول داليا تفتح الباب وتخرج على السلم وكمان تنادى ايه المجهود الجبار دة...
داليا : يا رخم حبيت اقولك ربنا يوفقك...
خالد : طمعتى فى الفلوس صح قولتى بدل ما اجرى وراه ادام انا اثبته من دلوقتى...
داليا : امشى يلا يا رخم انت بس خد بالك من نفسك...
