أصعب شئ
لما بتحس إن حد بقى زى روحك بين ضلوعك
بقى مالك كل شئ فيك
وهو مش لسه حاسس بيك
فى أصعب من كدا؟
أه فى
لما بتحس إن حد بقى زى روحك بين ضلوعك
بقى مالك كل شئ فيك
وهو حسك وحبك
وواحده واحده بيبعد عنك قبل ماتاخدوا خطوه واحده فى طريقكم
دا أصعب شئ؟
لأ لسه
أصعب من كدا
لما بتحس إن حد بقى زى روحك بين ضلوعك
بقى مالك كل شئ فيك
وهو حسك وحبك
وكمل معاك ووعدك
ورسمتم طريق طويل
تمشى فيه لقدام
هو يمشى للخلف
وإيديكم بتسيب بعضها
بالبطئ أوى
وهو إيديه بتسيبك
بيكون كأنه بينزع منك الروح
أكيد مافيش أصعب من كدا
لأ
بجد فى أصعب
لما بتحس إن حد بقى زى روحك بين ضلوعك
بقى مالك كل شئ فيك
وهو حسك وحبك
وكمل معاك ووعدك
ومشيتم كمان فى طريقكم
بس يجى لنص الطريق وقبل ماخلاص الفرحه دى تكتمل
تلاقيه بيفكرك بماضى وبيحملك أوزار وذنوب غيرك
وبيطلب منك تتحملها وتدفع تمنها
ليه ماتعرفش
بتحس إنك عاوز تموت
لأنك عمرك ماتمنيت غير إنك تبقى سبب فرحته
هو شايفك سبب كل شئ وحش حصل ليه
وبدون سبب
وأصعب شئ
إنك تتهم بحاجه مالكش بيها أى علاقه
فى حاجه تانيه أصعب ؟؟!!!!!!!!!!!!!!!!!!!!!
فى
أصعب شئ واللى مافيش شئ أصعب منه فى الحياه
إن يكون كل اللى فات دا ماحسيتش بيه ولا مر عليك
مهما كان فى الحب عذاب
مهما كان فيه نهايات مؤلمه ومؤسفه
وبنقبلها غصب وبندعى ربنا يخفف عننا
صعب أوى تعيش من غير حب
صعب تكون مش قادر ولا عارف تحب
حتى لو كان فى الحب موتك
موت وإنت متعذب بيه
لأن حياتك من غير حب
موت
وإنت اللى بتضحك على نفسك وبتسميها حياه
