امبيرح كان برنامج الدرجه التالته شغال وكابتن احمد شوبير اتكلم عن احتراف متعب وقال انه كمان في عرض من اندر لخت مش بس من اياكس وقال كمان ان الاهلي موافق جدا مبدئيا على فكره احتراف متعب وسيتم يوم 9 نوفمبر تحديد موقف عماد اذذا كان هيروح او لا(انشاء الله هيروح) لان في بعثه من بلجيكا جايه تشوفه وعلى راسهم لوان اميتاج مدير التسويق زيي عدلي القيعي عندنا كده
المهم يعني انا شوبير اتصل بالراجل ده على الهوا والراجل قال كلام حلو اويييييييي في حق عماد
قال انه حتى لو كان عماد في الفتره الاخيره ما جابش اهداف ولا لعب كويس هوه بردو مؤمن جداااا بموهبه عماد وقال انه اقنع المسؤوليين في نادي أياكس بالمهاجم عماد متعب لانه متاكد من انه مش هيخيب ظنه وبيقول انه اتضايق اوي لما عماد ملعبش غير آخر عشر دقايق لان كانوا نفسهم يتفرجوا عليه اكتر هوه والمسؤولين اللبلجيكيين بس قال ان جوزيه عنده حق يخاف على لاعب زيي عماد من الاصابه لانه اكيد محتاجه الماتش الجاي واتكلم عن بركات وقال انه لاعب كويس جدا
بصراحه هوه ده اللي قدرت افتكره عصرت دماغي كويس اوي لو حد اتفرج وحب يضيف حاجه مفيش مشكله