لاصق:ضرورى ........

ربنا يرحمه
ويغفر له ذنوبه
ويجعل قبره روضة من رياض الجنة

أنا صحيت بدري ودخلت عالنت الساعة11 على سايت فيلجول ظهرت صورته بس والكلام كان لسه مش ظهر فافتكرت ان الموضوع بتاع نادي الظفرة والأهلي أتحل وأنه هيلعب خلاص فافرحت أوي بس بغد كدة أول لما الكلام ظهر صعقت وماصدقتش وبردة قولت انهم غلطانين وممكن يكون محمد عبدالوهاب الاداري جريت على قناة النيل لأيت الموضوع صح
والله يا جماعة حسيت ان حد من قرايبي هو الي مات
ناس كتير مشاهير ماتوا وانا كنت بحبهم زي أحمدزكي وغيره كتير بس بجد عبدالوهاب عيطت عليه عياط بجد ماعيطهوش على حد ابدا و بالذات لما جابو مامته
الله يرحمك يا عبدالوهاب يا رب ويجعل قبرك روضة من رياض الجنة ولا يجعله حفرة من حفر النار

انا بقي كان عندي بروفه الحفله وكان يوم خميس انا فاكره كويس
ماعرفتش اي حاجه لحد مارجعت البيت بلليل لقيت ماسيدج عند بابا في الموبايل ماما قريتها قدامي (وفاه محمد عبد الوهاب لاعب الاهلي)لقيت نفسي بجري علي التليفزيون و انا مزهوله فتحته لقيت الخبر زعقت في كل اللي حواليا (ليه ماحدش قالي )و لقيت نفسي من غير ما احس بعيط وانا بقول (يا حبيبي يا ابني يا حبيبي يا عبد الوهاب)مش عارفه ليه رغم ان انا عندي 21 سنه بس حسيت اني ام ابنها اتخطف منها وده لاني متبعاه من ايام ما كان صغير وجريت علي النت وشفت الاخبار ومن ساعتها مش مصدقه رغم انه فات سنه
و انا عن نفسي حاطاله بوستر كبير في اوضتي علشان يبقي قدام عنيا ليل ونهار
ربنا يرحمه و يرحمنا جميعا ويصبر اهله واصحابه ويصبرنا علي فراقه

انا بقى كنت نايمه وصحيت على صوت اختى الكبيره وهى بتتفرج على برنامج صباح الرياضه ولقيتها بتقول لماما (محمد عبد الوهاب)مات والله من غير كدب انا اتفزعت وصحيت من النوم فجأه ومرضتش اكل اى حاجه طول اليوم وعيط عليه كتير قوى مع انى كنت لسه بأه اشجع كوره
ربنا يرحمه
بنت الاهلى

انا بقى كنت نايمه وصحيت على صوت اختى الكبيره وهى بتتفرج على برنامج صباح الرياضه ولقيتها بتقول لماما (محمد عبد الوهاب)مات والله من غير كدب انا اتفزعت وصحيت من النوم فجأه ومرضتش اكل اى حاجه طول اليوم وعيط عليه كتير قوى مع انى كنت لسه بأه اشجع كوره
ربنا يرحمه
بنت الاهلى

اللة يرحمة
واللة كلنازعلنين اوى على الغالى

اللهم امين................................

انا بئا كنت نايمة وماما قالتلى اصحى فى خبر وحش (محمد عبد الوهاب مات) قولتلها بتاع الكورة قالتلى اه فضلت اعيط وانا نايمة راحت قالتلى لا انا بكدب عليكى دا بس هوا تعبان اوى فى المستشفى ادعيلة ربنا يرجعة لاامة بالسلامة وقومت لاقيت بابا بيقولى دا مات بجد روحت فتحت التليفزيون ولاقين كل القنوات حطة صورتة وبتقول البقاء لله حسيت ساعتها انى هموت وقلبى وقف وفضلت اعيط بانهيار بجد اسود يوم عيشتة فى حياتى (الله يرحمك يا محمد يارب وتكون مبسوط اوى دلوقتى يارب)

انا كنت يومها نايمه لقيت اختى بتصحينى وبتبلغنى الخبر ده اليوم ده كان صع عليا قوى انا يومها اول مره اعيط على حد بالشكل ده

الله يرحمه ويصبرنا على فراقه.........................

انا كنت لسه قايمه من النوم فتحت دريم لقيت وفاة لاعب الاهلى محمد عبد الوهاب اتصدمت وصدقتش عنيه نديت على ماما قلتلها عبد الوهاب مات ياماما قالتلى ده مات من زمان كانت مفكراه محمد عبد الوهاب المغنى قلتلها لا ده عبد الوهاب لاعب الاهلى ماما عيطت بس انا ماعيصش ماكنتش مصدقه وكلمت خالى فى التليفون كان فى الشغل قلتله هو عبد الوهاب مات قالى اه وكان منهار ساعتها قعدت اعيط وتنيت 3 اسابيع مانمتش ربنا يرحمه

الله يرحمه

انا كنت نايمه وصحيت من النوم وحسه انى حموت اليوم ده وبعدين لقيت اخويا قالى لخبر ده اتصدمت كدبته ورفضته ولبست الاسود وعملت عليه حداد شرعى ومن يومها للنهارده انا حسه بحزن كبير جدااااااااااااا كل شويه افتكره ومن سعتها ارتديت الحجاب ووظبت على صلاتى وكانت اول رمضان فى حياتى اروح فيه الطرويح واختم القران ولحد النهارده بدعيله فى كل صلاتى حتى النوافل

انا فتحت التلفزيون بالصدفة وبقلب لقيت علي المحور وفاة عبد الوهاب قلت دة هزار مصدقتش لقيتهم بيتكلموا قعدت اعيط وانهرت وكان نفسي تبقي اشاعة والله