طبعا كلنا شايفين ومتابعين العقوبه اللى اتعرض لها النادى الاهلى ونادى الزمالك بعد مباراة القمه وهى الحرمان من حضور الجمهور مباراه واحده 
, واكيد كلكوا او معظمكوا برضو تابع النقد اللى اتقال على العقوبه وانها مش مناسبه ومش رادعه و و و و
, واكيد كلكوا او معظمكوا برضو تابع النقد اللى اتقال على العقوبه وانها مش مناسبه ومش رادعه و و و و اكيد الجماهير وخصوصا جماهير النادى الاهلى بتفرق لما بتحضر الماتش وبتساهم بشكل كبير فى فوز الفريق لانها بتحمس اللاعبين وبتدفعهم للعب الكويس 
بصراحه الكورة من غير جماهير مش بتبقى ليها لازمه وكمان بتبقى مفيهاش اى نوع من انواع الحماس , طيب ليه بقى اتحاد الكورة بيلجأ للنوع ده من العقوباات ماهو ممكن يكون فى عقوبه ماليه او اى حاجه تانيه ....
لان بصراحه مينفعش نمنع اللاعب رقم واحد من حضور المباراه ,. وزى المدرب ما ليه دور واللاعبين ليهم دور اكيد الجماهير برضو ليهم دور , وعلشان اى حاجه فى الدنيا تنجح لازم نخلى كل واحد يعمل دوره والا مش هتنجح ولا ايه 
وان كان برضو فى قله من الجمهور يستحق ان يتمنع من حضور جميع المباريات لانه مش نموذج لمشجع الكورة لكن نموذج للتعصب الاعمى وفى ناس كمان مش بتبقى رايحه هدفها تشجع نادى لآ بتبقى رايحه هدفها تحرق دم لاعب معين او تشتم مدرب !!!!!
ورغم ذلك فى رايى مينفعش علشان قله نمنع الكل علشان جزء منه وحش , بس للاسف السيئه بتعم والحسنه بتخص
ودلوقتى بقى جه وقت السؤااال
انتوا شايفين ان دى عقوبه مناسبه ولا لآ , وياترى ايه البديل اللى ممكن يكون ليها علشان تتمحى من قاموس اتحاد الكورة 
مستنيه تنوروا بمروركوا وتضيفوا للتوبيك جمااال بردودكوا
